#حين_تتبدل_الأقدار 1
كنت راجعه من عند اهلي الساعه 3 الفجر كنت في حفل زفاف اخويا وراجعين بيتنا عادي فجأه العربيه اتعطلت بينا المكان مفيش فيه اي حد وهادي جدا ومفيش نور غير نور القمر زوجي نزل يشوف سبب التعطيل دا من ايه
في اليوم دا والدتي صممت اسيب الاولاد عندها عشان الجو كان برد شويه وهما كانوا نايمين من كتر الر.قص واللعب
نزلت اشوفه بيعمل ايه بقاله نص ساعه بيلف حوالين العربيه لهو اللي بيصلحها ولا هو اللي بيسكت وشكله اصلا مش فاهم فيها حاجه بس اهو بيحاول وربنا يستر
ايه يا معتز اللي حصل العربيه مش
عايزه تشتغل ولا ايه
مش عارف يا حبيبتي بس الظاهر ان فيها حاجه غلط
امممم حاجه غلط ولا حبيبي اللي مش عارف هي اتعطلت ليه مش انا قولت ليك بلاش تشتري النوع دا
روحت مصمم تشترى عربيه اخر موديل واحدث حاجه وعملت فيها هركليز المصحصح
هركليز ومصحصح والله انتى شكل الحفله قصرت عليكى ادي العربيه اتعطلت وهنـ,ـنام في الشارع النهارده
ايه هننام في الشارع
دا اذا ما وافقتيش علي الاقتراح
اقترح
تعالي نسحب العربيه للبيت
نهارك بلاك يا معتز عايزني انا فيفي الصياد اسحب العربيه للبيت دي المسافه اطول من اللي مشيناها
مرتين
نهاري بلاك يا فيفي وبعدين حد يقول علي فاطمه فيفي ايه فيفي دي
اومال يقولوا ايه يا قرة عيني
يقولوا فطوم
اسكت يا معتز بالله عليك وسيبنا نفكر في المص.يبه السودا دي
انا عندي اقتراح
لا بلاش تقترح واسكت
كان اقتراح رومانسي علي فكره
طب اقترح بس مش اوى
بما ان العربيه اتعطلت ومفيش حد حوالينا
امممم وبعدين
هههههههههههه تعالي نمشي شويه تحت ضوء القمر
اه
اه ايه انتى تعبانه
لا لا تعالي نمشي يلا
فضلنا ماشيين وبنتكلم وبنسترجع ذكراياتنا الجميله احنا متزوجين علي قصة
حب كبيره اوى
كنا بنفتكر وبنضحك لحد ماسمعنا صوت طفل بيصر.خ بصوت عالي
سامع اللي انا سمعاه يا معتز
في صوت طفل
ايوه انا سامع المكان دا شكله مهج.ور
بجد يا معتز انا سامعه صوت طفل بيبكي
تعالي نروح في اتجاه الصوت ونشوف اذا كان طفل ولا لا
وبالفعل مشينا في اتجاه الصوت
لحد ما لقينا طفل صغير لسه وكإنه مو.لود دلوقتي بصيت لمعتز اللي كان واضح عليه فعلا صد.مه قويه
معتز معتزززز
ايه
دا لسه بيبي مو.لود هنتصرف ازاى دلوقتي هنسيبه في البرد دا حتى امه سابته من غير
اي حاجه تحميه من البرد
لقيت معتز بص للطفل وبعدين بص ليا وقال ام الطفل دا هنا ومتبعانا
ازاى مش فاهمه
لقيته نزل وشال الطفل وغطاه بالجاكيت اللي كان لابسه وقال افضلي هنا وهي معاكي
هي كانت بنت اصلا
المهم اخدتها منه ووقفت وضميتها ليا حسيتها وكإنها جزء مني
وفضلت متابعه معتز بعيوني لحد مالقيته وقف في مكان وبص بذهول ووجه نظره ليا وشاور انى اروح عنده لحد ماروحت وشوفتها وهي بتتوسل معتز ياخد الطفله دي بعيد عن هنا ومايعرفش حد طريقها
اكمل ولا
بقلمي أيات الرحمن
#إسكريبت_حين_تتبدل_الأقدار 2
كنت واقفه
مصد.ومه من فعلة الأم دى ازاى تتخلي عن بنتها وتسيبها في مكان مهجو.ر زي ده ازاى جالها قلب تعمل فيها كدا ازاى قدرت تسيبها من غير حتى تغطيها من البرد ماكنتش سامعه غير صوتها بس لكن مش شايفه شكلها لان هي كانت مغطيه وشها
وبعد كدا لقيتها وقفت وقالت خدوها من هنا مش عايزه اعرف مكانها حتي وسابتنا وجريت بصيت لمعتز اللي كان واقف وكإن حد ضر.به علي رأسه بكل. قوته
نصف ساعة واحنا واقفين مش قادرين ننطق بكلمه واحده بس من تأثير الصد.مه
لحد ما قاطعت الصمت دا بصوتي :
هنعمل ايه يا معتز
مش عارف هنعمل ايه هنسيبها مكانها مثلا دي مش صعبت علي امها هتـ,ـصعب علينا يعنى
حر.ام عليك يا معتز هنسيبها ازاي لوحدها في مكان زى دا يمكن تعطيل العربيه في الوقت دا والمكان دا عشانها
عايزانى اعمل ايه يا فاطمه يعنى
هنااخذها معانا نربيها مع الأولاد
نعم بتقولي ايه
عشان خاطري يا معتز تعالي نربيها مع الأولاد لو سمحت مش هقدر اسيبها حساها مني
حساها منك ازاي وانتى لسه شيفاها من كام دقيقه بس
عشان خاطري يا معتز لو سمحت وافق بقي
هعمل ايه مش بإيدي حاجه غير
اقول تحت امر سلطانتي الحلوه
سلطانتك تعرف ان انا ما سمعتش منك كلمة سلطانتي الحلوه من بعد ما شرف أستاذ روهان علي الدنيا
واديني قولتها دلوقتي ها هنسميها ايه بقي
حور هنسميها حور
حور حلو الاسم
كدا بقي معانا روهان و راكان و راما وادي حور
يلا تعالي نرجع عند العربيه عشان الجو بقى برد شويه
ايوه يلا رجعنا عند العربيه ودخلنا قعدنا فيها شويه وبدء النهار يظهر كدا
والعربيات بدءت تظهر كمان وحور كانت بتبكي من الجوع
لحد ماسمعت صوت حد بيتكلم وبيقول لمعتز محتاج اي مساعده
معتز: ايوه لو سمحت العربيه متعطله من كام ساعه وبنتنا تعبانه ومحتاجين نروح علي اقرب صيدليه نشتري ليها حليب بودرة عشان البنت ومش عارفين نتصرف ازاى
الشخص:
محلوله ان شاء الله تعالي يا رزان مع المدام وشوفي الطفله وانا هشوف العربيه مع الاستاذ
الشخص دا ومعتز كانوا بيشوفوا سبب التعـ,ـطيل وزوجـ,ـته اخدت حور وبدأت في اشباعها والحمد لله هديت خالص هى عندها بنت عندها سبع شهور دا اللي عرفته منها
وبعد شويه العربيه اشتغلت وسلمنا عليهم ورجعنا بيتنا ما قدرتش ارتاح غير لما نزلت اشتريت ليها لبس كتير اوى وكلمت جارتي هتهتم بتغذيتها مع طفلها لمدة ست شهور بمبلغ كبير بردوا زى مرتب كدا
العصر اذن واخويا جاب الولاد هو ووالدتي وشافوا حور وطبعا ما وقفوش كلام وازاى تجيبيها هنا دخليها اي ميتم سيبيها لاي
حد كفايه اولادك لكن كل كلامهم ماكانش في رأسي اصلا وكنت متمسكة بيها اوي وماسمعتش كلامهم وقررت اخليها معايا
مشيت ماما واخويا وعرفت اولادي عليها وعشان هما لسه صغيرين قولت ليهم ان دي اختهم واشتريتها عشان يلعبوا معاها
في الاول كانوا فرحانين بيها اوى لكن بعد كدا بدؤا يغيروا منها كانت حلوه اوى عشان كدا ماكنتش بسيبها اولادى كمان حلوين لكن هى دايما تضحك ليا عشان كدا كنت دايما مش بروح مكان غير وهي معايا حبيتها اوى بتطمن بجد لما بشوفها قدامي
وفي يوم كان صع.ب اوى عليا بجد واتشغلت عنها فيه اهل معتز واهلي كانوا هييجوا عندنا
بالليل