قصه بقلم سنفوره

-مش أنتِ عاوزه تطلقى حاضر بس ارجعى معايا دلوقتي وبكرة نشوف الحكاية دى لما سمعت نبرة صوته المخنوقه قلت بنبرة وجعت قلبى قبل قلبه -إنتَ إتجننت يا حمزة أرجع فين بقولك خلاص اللى بينا انتهى أنتَ ليه مش عايز تفهمنى كمّلت بخنقة ووجع ف قلبى -حمزة لو سمحت ده قراري وأنا خدته وياريت تحترم قرار زي ده، أنتَ إبن عمي وانا بحترمك، بس أحنا حكايتنا خلصت خلاص

-أنتِ مقتنعه بكلامك ده جايه تقولي ده بعد كل اللى عملته علشان تكونى ليا بعد كل اللى استحملته من اهلنا دا انا دخلت ف حر.ب معاهم لجل ما اخدك بعد كل ده تقولى حكايتنا خلصت كل ده علشان ايه علشان دكتور غبى قال كلمتين ملهومش لزمه حاولت اتنفس واكتم شهقاتى ودموعى بس معرفتش فقرب منى وح.ضن كف أيدى وض.منى لح.ضنه وهو بيقول – حبيبتى انا مش عايز غيرك طيب اهون عليكى تسيبينى لوحدى يهون عليكى حبيبك يتوه فى الدنيا من غيرك

قولت من وسط دموعى-أنتَ فاكر أن دا سهل عليا يا حمزة بس خلاص مش هينفع لو فضلت معاك هكون انانيه شدد على أيدى وقال ـ مين قال مش هينفع وبعدين انت هتبقى انانيه لو فعلا بعدتى عنى انا انا همو.ت لو سبتينى يا هنا -بس انت من حقك تكون اب قال بهدوءه وحنينه اللى متعودة عليهم منه -طيب ما هى مش بايدي ولا بايدك يا حبيبي دى بايد ربنا سبحانه وتعالى بس صدقينى انا راضى وصابر وواثق فى كرم ربنا ومش عايز غير وجودك وقربك بس

والا انت خلاص مبقتيش عايزانى سكت فكمل وهو بيقول ـ هتقدرى تبعدى يا هنا طيب قدرتى تقوليها ازاى -حمزة انا مكملتش لما قاطعنى وقالى وهو بيح.ضنى ـ حمزة بيحبك يا غُلب حمزة وغرامه وميقدرش يعيش من غيرك ومش عايز عيال لو مش هتبقى أنتِ امهم ابتسمت من وسط دموعى وانا بقول ـ هتستحملنى -بطلى هبل بقا وقومى يلا البيت مبقاش بيت من غيرك ابتسمت وسط دموعى وانا بقول ـ انا اسفه

-انا اللى اسف يا قلبى حقك عليا من الدنيا كلها بس علشان خاطري بلاش تسيبى البيت تانى ولا تقولى نبعد ونتطلق أنتِ متعرفيش انا حصلى ايه لما شفت الرسالة بتاعتك -غصب عنى يا حبيبي انا اسفه -ولا يهمك يا هنون يلا بقا قومى خلينا نرجع بيتنا هزيت دماغى وانا ببتسم وقولتله -حاضر -هستناكى تحت يلا بسرعه متتاخريش نزلت لقيته ساند على العربية وباصص للسما بحبه وبحب وجودة هو معاه حق انا مش هقدر ابعد عنه دا انا معرفتش اكمل اليوم من غيره هقدر على بعده دائما ازاى بس.

فتح العربية بابتسامه وهو بيمد أيده وبيقول ـ اتفضلى سموك ضحكت على تصرفه وقولت ـ متشكرة غمز بعينه -احنا فى الخدمه يا قمر ضحكت اكتر على حركته دى فقال -يااه واخيرا القمر ظهر دور العربية ورجعنا البيت بمجرد ما وصلنا لقيته بيح.ضنى فضل دقائق وهو كده وانا بطبطب على ضهره وعنيا بتدمع …………. عدى عاليوم ده سنه اتفقنا اننا مش هنتكلم فى موضوع الخلفة تانى وهنسيبها على ربنا وهو اكيد هيكرمنا انا وحمزة متجوزين بقالنا تلت سنين ومحصلش حمل اخر دكتور قال إن نسبة الحمل بالنسبالي ضعيفه وعلشان كده انا كنت عايزة ننفصل.

كنا بنتغدا سوا بس هو لاحظ انى مبكلش فقال -مالك يا حبيبي مبتكليش ليه -باكل اهو ياعيونى فين ده خدى طيب دى من أيدى بمجرد ماقرب الاكل من بقى حسيت انى هرجع جريت عالحمام وانا بجيب كل اللى فى معدتى جرى ورايا وهو خايف وبيقول ـ مالك يا حبيبتى فيكى ايه مسحت وشى وطبطبت على كفه وانا بقول ـ مافيش يا حبيبي شكلى اخدت برد فى معدتى -طيب غيرى هدومك ونروح نكشف -مالوش داعى انا هشرب حاجه دافية وهبقا تمام

بصلى بخوف ظاهر ف عنيه فقولت لجل مايطمن -صدقنى انا كويسة طيب ارتاحى وانا هعملك حاجه تشربها عدى يومين على اليوم ده وانا كل يوم على نفس الحال – من غير نقاش هتدخلى تغيرى هدومك يا هنا وهننزل نروح للدكتور كنت حاسه بالتعب بيزيد فمتكلمتش ووافقت روحنا للدكتور وقال اخر حاجه كنت أتوقعها -شوفى يا مدام هنا حضرتك هتعملى التحليل ده الاول وبعدها هنشوف رد حمزة بقلق -دا تحليل ايه يا دكتور هو فى شئ يقلق

ضحك الدكتور على توتره الملحوظ وقال -اول مرة اشوف واحد صعيدى بيخاف على مراته كده وعموما يا سيدي متخافش دا اختبار حمل كل الأعراض اللى عند مدام هنا بتقول أن فى احتمال كبير يكون حصل حمل فاحنا هنعمل الاختبار علشان نتأكد معرفش وصلت معمل التحاليل ازاى كان ماسك أيدى طول الوقت متبت فيها وكأنه بيقولى انا مش هسيبك متخافيش ايا كانت النتيجة ساعة عدت كأنها سنه بس المفاجأة انى طلعت حامل -انا حامل يا حمزة انا انا هجيبلك نونو زى ما كنت بتمنى

عيونه دمعت وهوبيض.منى وبيقول ـ الحمد لله يا حبيبي قولتلك ربنا هيراضى قلوبنا الحمد لله يا رب عدو شهور الحمل بكل تعبهم وفرحة قلبى حمزة كان دائما جنبى حتى لما ماما طلبت انى اروح عندها علشان تهتم بيا هو موافقش وقالها انا هقدر اخد بالى منها كان معايا لحظه بلحظه اول تعب واول دوخه واول احساس بحركة البيبى فبطنى كل ده كان جنبى فيه واخيرا جه اليوم اللى كنا بنتمناه وشرف احلى واجمل بيبى فى الدنيا عوض ربنا حلو قوى بينسينا كل التعب اللى عيشناه قبله

………………. -بطلى تناديله ب حبيبى يا هنا انا وبس اللى حبيبك من ساعة ما ولدت وحمزة بقى غيران من ابنه بشكل مضحك قوى -حاضر يا حبيبي دا انت تؤمر أمر قربت منه آدم اللى كان بيضحك ضحكة تشبه الملائكة وقولت -انا بحبه علشان هو حته منك يا حبيبي انتوا احلى حاجه في حياتي والله ض.منا لح.ضنه وقال -والله انتوا اللى احلى حاجه في الدنيا كلها يا قمرى ض.ميت آدم لح.ضنى اكتر وانا بلاعبيه وبضحك على ضحكته

فقال حمزة بطفولة محببه لقلبى -بس برضو انا وبس اللى حبيبك وفالخلفيه صوت فايزة أحمد بتقول “وبحبك قد عينيّ حتى أكثر منها شوية وإسألها إنت وحلفها على طول حتقول لك هي إنت وبس اللي حبيبي إنت وبس اللي حبيبي♥️🫂 #تمت #سنفورة #روايات واسكريبتات وخواطر ……………. سيبولى رأيكم لو عجبتكم وتعالوا هنا حواديت سنفورة علشان تشوفوا كل جديد بحبكم♥️