صعيدي

اسكربت
خلاص يا أما انا وضبت شنطتي. وهمشي بكرة مش هجدر أستنى فرحه علي غيري
وصايف بقلق
يعني هتهربي يا تاج تهربي من ضل ادهم !

ده مش بس واد عمك ده اللي رباكي وشالك بدل أمك وأبوكي
تاج بكس.رة
خابرة ياما خابرة إنه شالني ورعاني بس أنا كبرت يا أما وبجيت أشيله هو جوه جلبي وهو لحد دلوك مش شايف اكده لدرجة انه شاف غيري وحبها
وصايف بحنية
بس يا بتي هو عمره ما شافك غير بنت من ضلوعه يعني قلبه ما مالش ليكيوده مش بيده إنتي اللي كنتي شايلة الأمل جواكي لحد ما خاب
تاج بصوت بين الۏجع والقوة
ما هو ده اللي واجعني إني كنت عايشة طول عمري ما بين عينه ومفكراه ليا
ماحسبتش إنه هيبص لغيري

ما حسبتش إنه هيختار نرجس بت عمه التانية وأنا
أنا اللي كنت فاكرة اني جو جلبه بس طلعت عمري ما كنت في عينه غير اخته
وصايف بتدمع وهي تمسك بإيد بنتها
طب وبعدين يعني هتهملي البلد وتسيبي دارك وتهربي بعيد ده مش حل وبعدين ادهم هيتجنن لو عرف انك مشيتي وكس.رتي كلمته هو مش موافج علي تعليمك في مصر
تاج بصوت فيه حسم لأول مرة
انا مش هربانة ياما أنا هكمل دراستي زي ما كنت بحلم.

وهعيش حياتي بعيد عن ۏجعي وادهم ملوش كلمة عليا طول ما ابوي عايش وابوي موافج يبجي خلاص
لحظة صمت قطعها صوت زغاريط بعيد ف وصايف بصت لتاج بحزن
وصايف بحزن
متزعلي يا بتي لو كان في نصيب كان بجي ليكي
تاج بتدمع وهي تبص من الشباك
شوفتيه كان فرحان كيف وهما بيحددو كتب الكتاب والفرح طب خابرة ياما انا مش زعلانة انا بس مجهورة عشان حلمي االلي عشت اتمناه من صغري راح مني
حست وصايف بالقهرة علي بنتها وكانت لسة هتتكلم وتواسيها بس سبقهم خبط باب الاوضة جامد فجريت وصايف تفتح ووقتها دخل ادهم وباين

عليه الڠضب
ادهم بحدة
سمعت إنك ناوية تمشي علي مصر وتتعلمي هناك خلاص قررتي
تاج واقفاله بنفس القوة
أيوه يا ادهم همشي. وده قراري ولو سمحت هملني وملكش صالح بيا تاني
ادهم قرب منها وصوته بيغلي من الڠضب
وإنتي نسيتي إنك مني
أنا اللي كبرتك علي يدي
كيف تفكري تهمليني وتمشي وكمان من غير اذني
تاج صوتها عالي لأول مرة وردت باندفاع
أنا مش ملكك يا ادهم وبطل تعاملني علي اني شيئ يخصك ودايما تتحكم فيا..

أنا بس كنت بتمنى أكون بس خلاص ملوش عاذة الحديت يا واد عمي
ادهم حاول يفهم بس مقدرش
أنا مش فاهم حاجة من حديتك وبعدين لو هتهمليني وتمشي عشان هتجوز صدجيني حبي ليكي مش هيتغير ابدا وهتفضلي بت جلبي و لو هتفتكري خۏفي عليكي تملك فايوة يا تاج انتي ملكي
تاج بحدة
لا مش ملكك وانا مبجتش البنتة الصغيرة اللي بضفاير انا كبرت وانت مهما حصل مش هتشوفني غير بنتة صغيرة مهما كبرت
وصايف بدموع وهي تحاول تهدي الجو
اهدى يا بتي اهدوا انتو الاتنين وانت يا ادهم هملها علي راحتها يا ولدي
تاج

خنقة
أنا همشي يا ادهم ومش عشان انت اتجوزتعشان أنا مش هعرف أفضل في مطرح كل نفس بحسه تجيل جوي وعشان لازمن اكمل علامي بعيد عن اي توتر
ادهم بيهمس بصوت مخڼوق وهو بيبصلها
أنا ما كنتش فاكر إنك هتجدري تاخدي القرار ده.

تاج بابتسامة مکسورة
ومين جال اني قدرت بس اوجات بناخد قرار صعب واحنا خابرين اننا ممكن نتعب بس بيبجي لابد منه
بصلها ادهم بجمود وصوته جواه پيصرخ بس لسانه ساكت وسابها ومشي ووقفت هي تعيك بحړقة في حضڼ وصايف
—
امها وبتدعي ربنا يقويها علي قرارها بانها تبعد عنه
في البيت الكبير قبل ما تمشي تاج للقاهرة بساعات
كانت تاج واقفة قدام الدولاب بتوضب نفسها و عينيها فيها لمعة ۏجع وحزم وفجأة دخلت نرجس من غير ما تخبط
نرجس بصوت سخرية وهي ساندة على الباب
يعني عن جد ناوية تمشي
هتهربي يا

تاج
تاج من غير ما تبصلها
أنا مش بهرب… أنا ماشية بكيفي ورا حلمي يا نرجس
نرجس بضحكة خفيفة باين فيها غيرة
يعني مش يمكن ماشية من كتر الۏجع ما انتي كنتي حابة جوي تقعدي هنا بس لما عرفتي إن أدهم هيبقى جوزي جولتي تخلعي
تاج لفت والدموع في عينها
أيوه كنت بحبه ارتحتي ومش بس اكده انا كنت شايفة فيه دنيتي كلها واجولك الكبيرة انتي كنتي خابرة ده كويس جوي
ومع ذلك وافجتي بس عادي هو اختار وأنا لازم أختار برضه
نرجس بتأكيد وانتصار
كنت خابرة من زمانمن نظرتك ليه و

خۏفك عليه ومن غيرتك اللي ماكنتيش عارفة تخبيها.
بس كنت ساكتةلحد ما هو جه لوحده واختارني.
تاج بصوت هادي بس مليان حزن
وهو عمره ما هيختارني حتى لو كنت عايشة جواه عشان هو شايفني طفلته وانتي كسبتيه فمبروك عليكي
نرجس بقوة وهي تقرب منها
عارفة إيه أحسن حاجة عملتيها يا تاج إنك مشيتي.

لأنك مهما كنتي جريبة منه
عمرك ما كنتي هتكوني ند ليا عشان انتي صغيرة عليه
وانا اللي على مقاسه وواخدة جلبه وعقله
تاج بترد بخنقة بس بتحاول تمسك نفسها
يمكن عندك حج بس تعرفي لو كان عشجني صدجيني مكن هيفرق معاه حد ولا سن وكان هيختارني بس هو مشايفنش
نرجس وهي بتضغط علي تاج
أنا مش خاېفة منك يا تاج
بس كنت طول عمري شايفاكي ضل لادهم بس أخيرا هو قرر فامشي وانسيه
عشان خلاص انتي كنتي مجرد صفحة واتجفلت.

تاج بقصد وهي بتبص لنرجس
لو فعلا حديتك ده صوح مكنتيش جيتي لحد عندي تتوكدي مني اني ماشية لو فعلا مش شايفاني ند ليكي بس انا هريحك وهجولك اني ماشية و.فايتهولك
نرجس بتوتر وضيق
مش مهم المهم انك ماشية وياريت تطولي علي قد ما تقدري يا بت عمي
تاج وهي بتشيل شنطتها وتبصلها بعين كلها تحدي
أنا ماشيةوبكرا يمكن تبجي انتي اللي بتتمني تهربي عشان انتي متوكدة انك هتتجوزي ادهم كيد فيا مش اكتر وحياتك هي اللي التمن

خرجت تاج وسابت نرجس واقفة لوحدهاوفي عنيها نظرة غريبة لاول مرة
بعد اربع سنين من الاحداث اللي حصلت كانت فيها تاج بتعافر كل يوم عشان تنسي ادهم بانها تنجح وتطلع الاولي علي دفعتها وانهاؤدة خلاص كانت حفلة تخرجها فكلنت بتكلم امها بعد ما بعتت ليها فيديوهات الحفلة
وصايف بفرحة مبروك يا نن عين امك ألف مبروك يا تاج أنا جلبي كان هينط من الفرحة وأنا شايفاكي واجفة على المسرح بتستلمي شهادتك
تاج بابتسامة باهتة
الله يبارك فيكي يا ماما الحمد لله خلصت علي خير وبقيت مهندسة زي ما كنتي بتحلمي بيا
وصايف بتضحك بحنية
علي

خير يا حبيبتي دا انتي شقيتي قلبك شق ده غير سنين من التعب والسهر بس تعبك جاب نتيجة وأنا فخورة بيكي وفخورة أكتر إنك بتي.
تاج بصوت مخڼوق وهي تبص للسقف
لو ماكنتش إنتي و وبابا جمبي مكنتش وصلت لحاجة.
وصايف بتوتر
بس ابوكي دلوك مصمم قال كفاية غربة و كفاية بعد قاللي بالحرف أنا مستني بتي ترجع ومش هقبل إنها تكمل يوم زيادة هناك.

تاج سكتت لحظة وردت بنبرة مترددة
أنا كنت ناوية أرجع فعلا بس
وصايف بنبرة هادية بس فيها سؤال واضح
بس إيه يا تاج
تاج بتحاول تضحك وهي بتغير الموضوع
اكيد
—
هاجي عالحفلة اللي عملينها عشاني وخلاص ياما مفيهاش غربة تاني
أمها بصوتها المليان دفء
فرحتي جلبي يا بتي ده ابوكي عاملك ليلة تتحاكي بيها البلد كلها يا قلب امك
تاج بتنهيدة طويلة
خابرة ياما انا كل يوم كنت بحلم اني خلصت واني استقريت هنا من غير رجوع للبلد تاني
وصايف سكتت ثواني وبعدين سألتها بنبرة جدية أوي

تاج… جوليلي بصدق انتي لسه بتحبي أدهم
تاج بتتجمد في مكانها وعنيها بتلمع واخدت وقت على ما ردت وبصوت مبحوح تحاول تثبته
لا يا اما أدهم واد عمي وبس.
وصايف بتنهيدة خفيفة
تاج من أربع سنين وانتي ما سألتيش عليه ولا حتي في مرة ولا حتى صدفة ولا حتى لما سافرتي قلتي اسمه بس سكوتك عمره ما كان نسيان انتي سايبة مصر مش بس عشان السفر بس عشان تهربي يا قلب امك
تاج بصوت عالي شوية وهي بتحاول تمسك دموعها
أنا ما هربتش… أنا كان لازم أبدأ من جديد كان لازم أخلص من ۏجعي.

وصايف بهدوء وهي بتحاول تطبطب بصوتها
بس يا بتي الۏجع ما بينتهيش لما نهرب منه بينتهي لما نبصله ونفهمه وأدهم مش كيف ما انتي فاكرة بطلي تعاقبيه علي جلبه اللي ملوش يد فيه
تاج بتقوم من على السرير وتمشي في الأوضة وهي بتلف حوالين نفسها
لو سمحتي يا اما بلاش نتكلم عنه أنا ما بجتش أعرفه ومش رايدة أعرف عنه حاجة.

كل اللي بينا انتهى يوم ما قرر انه يتجوز وعرفت انه مهيحبنيش
وأنا مبجتش تاج اللي بتحبه وتعبت أستناه يحس بيا وهو عمره ما سأل بحجة ايه انه اكبر مني وهو اللي مربيني مكنش حداشر سنة دول اللي بيناتنا ياما
وصايف بنبرة فيها صدق
يمكن انتي محتاجة تسمعي لجلبك وبعدين انتي ما تعرفيش اللي حصل بعد ما هملتيه ومشيتي فيه حاجات كتير انتي لازم تعرفيها.

تاج بصوت مهزوز
معرفش ومش رايدة أعرف انا راجعة ياما بكرة عشية وخلاص
وصايف بصوت كله يأس
هترجعي ومفيش سلام في جلبك
تاج بصوت فيه ألم قديم
القلب اتعود على الۏجع بقى ساكت وبيرضى بالقليل ومش مستني حاجة من حد
وصايف بحنان
طيب يا حبيبتي ارجعي وأنا هنا مستنياكي… بس لو رجعتي لازم تواجهيا وتسمعي اللي لازم يتقال.
تاج بصوت أقوى من قلبها لكنه مكسور
أنا جاية بس مش علشانه
أنا جاية علشانك إنتي وبابا
تاني يوم كانت داخلة تاج بيت العيلة وهي علي وشها ابتسامة جميلة وبتسلم علي كل الموجودين وڠصب عنها عنيها بتدور عليه..

هو ادهم بس لسة مشفتهوش ووقفت تسلم بحرارة علي امها وابوها راضي اللي كان باين عليه الفخر والفرحة وسط ناس البلد
راصي بفخر
نورتي بلدك يا بتي يا باشمهندسة جد الدنيا
تاج بابتسامة
بلدي متورة باهلها يابا انا متشكرة ليكم كلكم علي مجيكم ههنا حجيجي انا اللي فخورة بيكم واني وسطيكم
وصايف بابتسامة
ده احنا فرحانين برجوعك وسطنا اكتر من اي حاجة في الدنيا يا بتي