صبا ربنا يخليكي ليا يا ماما انت فعلا ريحتيني وحاضر هعمل بنصيحتك.
حضنتها وهيبه بمحبه ورتبت على كتفها
وهيبه ربنا يريح بالك يا بنتي انت وولدي ويرزقكم الخلف الصالح
صبا بكسوف اللهم امين
وهيبه هقوم انزل واسيبك تقعدي مع حالك شويه بس بعد اكده عايزاك تلبسي وتنزلي. تقعدى ويانا
صبا بابتسامه خفيفه حاضر.
اما عند مها عيسى فرح لادهم صديقه الحصان فاكرينه وفضل يشتكي له ويحكي له.
عيسى عايزاني اطلقها يا ادهم عيزانى ابعد عنها بعد ما خلاص لقيتها. انا مستحيل اسيبها انا قلبي عمره ما دق بالطريقه دي غير معاها.
كيف اسيبها وهي بقت الحياه بالنسبه لي.
بس تعرف انا اللي هخليها تحبني كيف ما انا حبيتها. في الوقت ده جه محمد ابن عمه وصديقه في العمل ودخل عليه في اسطبل الخير.
محمد كنت متاكد اني هلاقيك هنا
عيسى خير في حاجه مش بتيجي هنا غير لو في حاجه
محمد الصراحه اه في
عيسى وهو يجلس تعالى اقعد جارى اهنه في ايه يا واد عمي
محمد بصي يا عيسى من غير لف ودوران وحديت كثير انا عايز اتجوز اختك ورد.
وانت اكيد حاسس اني عيني منها من زمان بس انا كنت ساكت ومستني لحد ما تخلص جامعتها بس بصراحه يا ولد عمي انا خلاص ما بقيتش قادر اصبر اكثر من كده كل اللي فاضل هو ترم وتخلص وكلم عمي اخطبها واكتب عليها وبعدها نتجوز بعد الامتحانات الترم الثاني ايه رايك
عيسى وهو ينظر له في عينيه وهي تعرف بكلامك ده
محمد واه انا هكلمها من غير ما اقول لك طبعا لا ما تعرفش حاجه انا حتى ما اعرفش هي شعورها ايه من ناحيتي انا عاوزك الاول قبل ما اتكلم عمي تعرف شعورها من ناحيتي ايه تمام. سكت عيسى شويه.
محمد انت مش موافق يا عيسى. عيسى وهو يحضنه انت اخويا ياواد ومش هلاقي لاختي احسن منك ربنا يبارك فيك. حضن محمد ربنا يخليك ليا يا عيسى.
عيسى حاضر هكلمها وهرد عليك .
نروح بقى عند اولاد صبا ان كل يوم بيكلموا مامتهم تطمن عليهم. وهم كانوا مرتاحين جدا عند جدهم وجدتهم وكانوا من وقت الثاني بيروحوا عند امل جدتهم مامت ماجد ويقعدوا عندها بس كانوا بيتضايقوا جدا لما يروحوا يقعدوا عند باباهم لان زوجته بتتعامل معاهم بطريقه وحشه جدا وبتزعق لهم وتضربهم وقت لما باباهم ما يكونش موجود.
وده كان مخلي الاولاد كارهين يفضلوا مع باباهم واكثر الاوقات لما كانوا بيحبوا يروحوا لباباهم كانوا بيطلبوا منه انهم يروحوا عند جدتهم وهو يروح لهم هناك بس ما يروحوش عند مراته وهو قدر ده ووافق عليه كمان عدى شهر سريعا على ابطالنا وكان وقت جواز فريده اخت صبا من مصطفى خطيبها.
كمان احمد جوز مياده جه علشان ياخد مياده ويسافر تاني بس طول الاجازه علشان يحضر فرح فريده ويطمن على صبا بعد ما عرف الموقف اللي حصل لهم كمان مياده كل يوم والثاني بطنها بتكبر بسبب الحمل هي اصبحت في بدايه الشهر الرابع وعرفت انها حامل في بنوته وقررت هتسميها صبا
هدى بقول يا فضل عاوزاك تتصل على عيسى جوز بنتك وتطلب منه يجيب صبا ويجي عشان يحضروا فرح فريده كمان اعزم باباه ومامته واخواته خليهم يجوا يحضروا.
فضل حاضر انا فكرت في الموضوع ده ان شاء الله هرن عليه بكره
هدى طيب ما ترن عليه دلوقتي وهو نطمن عليهم وادينا قاعدين لوحدينا
(زواج تحت التهديد بقلمي اسراء محمود سبحان الله وبحمده عدد خلقه ورضا نفسه ومداد كلمات. سبحان الله وبحمده سبحان الله العظيم)
فضل حاضر وفعلا مسك تليفونه ورن على رقم عيسى. سمع رنات التليفون وبعد دقائق رد عليه عيسى
عيسى الو السلام عليكم ورحمه الله وبركاته كيفك يا عمي
فضل وعليكم السلام ورحمه الله وبركاته الحمد لله انت عامل ايه يا ابني وصبا عامله ايه طمني عليكم
عيسى بخير والحمد لله وصبا كمان كويسه جدا.
فضل طيب الحمد لله يا رب دائما ربنا يديم عليكم الخير والحمد
عيسى اللهم امين
فضل وازي الوالد والوالده اخبارهم ايه
عيسى بخير والحمد لله كلنا كويسين ازي حماتي وحاتم والانسه فريده
فضل بخير ونعمه والحمد لله انا كنت بتصل عليك علشان اطمن عليكم علشان اعزمكم على فرح فريده
عيسى الف مبروك وحاضر يا عمي انا مش محتاج عزومه على عيني ان شاء الله هو امتى
فضل ان شاء الله بعد اسبوع
عيسى ربنا يتمم بخير حاضر.
فضل انا عاوزك كمان تبلغ الحاج مهران والحاجه وتخليهم يشرفونا وتجيب معاك كمان اخواتك البنات واخوك الدكتور يونس ومراته
عيسى حاضر ان شاء الله هقول لابوي واخويا ولامي كمان بس احتمال ابوي وامي ما يقدروش يجوا علشان الطريق واعر وحضرتك عارف انما اخواتي واخوي ان شاء الله هجيبهم معاك.
فضل هتنورونا والله بس بلغ الحاجه مهران دعوتي ليه وبلغوا سلام
عيسى حاضر ان شاء الله يوصل. امال فين حماتي اديها لي اسلم عليها
فضل اهي معاك خذ. عيسى عاوز يكلمك
هدى الو السلام عليكم
عيسى وعليكم السلام ورحمه الله وبركاته.
كيفك يا امي وكيف حالك
هدى بخير والحمد لله يا حبيبي انت عامل ايه وصبا عامله ايه طمني عليكم.
عيسى بخير والحمد لله.
هدى هي صبا جنبك
عيسى لا والله انا بره في شغل وهي في البيت.
هدى تمام يا حبيبي سلم لي عليها وعلى الحاجه وعلى البنات اخواتك وكمان جميله مرات اخوك ووصل لهم سلام ومستنياهم ان شاء الله في فرح فريده
عيسى حاضر يا امي والف الف مبروك.
هدى الله يبارك فيك يا حبيبي يلا محتاج حاجه في رعايه الله
عيسى سلامتك.
ربنا يطمننا عليكم السلام عليكم
هدى ويطمننا عليكم يا حبيبي عليكم السلام ورحمه الله وبركاته. اغلقت الخط وهي تدعو لهم بهدوء السر .
فضل امال فين فريده وحاتم
هدى فريده خرجت مع صاحبتها بتجيب شويه حاجات ناقصاها
وحاتم عندي اصحابه في النادي
فضل تمام هقوم اريح شويه عقبال ما يجوا وتحضروا الغداء
هدى ماشي يا حبيبي.
كده البارت خلصالبارت الخامس عشر
هدى بعد ما دخل فضل يرتاح شويه في اوضته قامت حضرت الغداء ودقايق وكانت فريده وصلت.
فريده انا جيت يا اهل الدار يا ناس يا اللي هنا فريده وصلت
هدى بابتسامه انت لازما يعني تعملي دوشه ما تدخلي وانت ساكته
فريده لازم احسسكم بوجودي.
عشان لما اغيب اعمل فراغ واوحشكم
هدى مش هتوحشينا احنا ما هنصدق انك تمشي
فريده بضحك كده برده يا هدهد ماشي يا ستي مش هصدقك برده وانا متاكده اني هووحشك قوي بس على فكره مش هبعد كثير انا هبقى كل يوم عندك
هدى ليه بقى ان شاء الله هو انا بجوزك عشان كل يوم تبقي عندي
انت لازم تبعدي شويه علشان توحشيني يعني اقعدي لك بتاع شهرين ثلاثه كده ما تجيش
فريده بزعل مصطنع كده برده يا هدهد ماشي واهون عليك
هدى وهي تحضنها لا يا حبيبتي ربنا يتمم لك على خير ويهدي سرك ويجعلها
جوازه السعد واوعي تقطعي بيا لازم تكوني هنا كل يوم.
فريده شفتي بقى ان كان عندي حق. امال بابا فين
هدى بابا دخل يرتاح شويه عقبال ما انتوا تيجوا من بره واكون انا جهزت الغداء
فريده اه والله يا هدهد انا كمان همو*ت من الجوع.
هدى طب يلا ادخلي غيري هدومك وتعالي اعملي معايا مساعده علشان نخلص بسرعه ويكون اخوك حاتم جه وبابا صحي وناكل مع بعض
فريده حاضر يا ماما.
فعلا دخلت فريده تغير هدومها وبعد دقائق خرجت دخلت لمامتها المطبخ وهم واقفين بيحضروا الاكل
فريده ماما انا عايزه اكلم طب علشان تيجي لازم تكون معايا في الوقت ده مفروض كانت جات من بدري بس مش مشكله
هدى بابا كلم جوزها وهو قال ان شاء الله هيجوا. بس كلميها يمكن تقدر تيجي بدري شويه وهو تقعد معانا حبه علشان هي وحشتني قوي.
فريده تمام. كمان علشان تلحق تقعد مع مياده شويه قبل ما تسافر لانها هتسافر بعد فرحي باسبوع على طول
هدى تمام يا حبيبتي ربنا يتمم لك على خير ويقومها هي كمان بالسلامه ويطمني على صبا.
فريده وهي تحضنها امين يا رب ويخليكي لنا يا ست الكل.
وفى اللحظه دي دخل حاتم عليهم
حاتم بتريقه ايه فقره العشق الممنوع دي
فريده يا لهوي على الرخامه الرخامه كلها وصلت
حاتم بقى كده برده اقفلي مش انا اخوكي حاتم ماشي دلوقتي تروحي بيت جوزك وتقولي ولا يوم من ايامك يا حاتم.
فريده وهي تحضنه حبيبي ربنا يبارك لي فيك.
حاتم ماما انا هم*وت من الجوع
هدى طيب خدي يا حبيبي الاطباق جهز الترابيزه عقبال ما انا واختك نطلع الاكل
حاتم تمام