مين السبب الفصل الأول ———- دكتوره سميره….
مشروع التخرج السنادي مختلف عن أي سنه مختلف وغريب وجديد بس الإعلام مفيهوش اي حاجه جديده وكمان المنحه مش هياخدها اي حد مشروع السنادي من قلب الشارع المصري قضيه مجتمعيه كبيره مشروع السنادي هيبقى عن تعدد الزوجات بمعنى أصح الزوجه التانيه وهل الزوجه التانيه شئ كويس ولا لا وكل ما يخص الموضوع ده كل مجموعه هتعمل المشروع واجباري الي مش هيشترك فيه مش هيتخرج واحسن مشروع هو الي هيفوز وهيكسبوا المنحه شكرا
$$$
بعض أصوات الاعتراض من الطلبه تخرج من القاعه.،، بعض أصوات الاست..هزاء بالمشروع السخريه من الجامعه والاداره وفكره مشروع التخرج
بعض الشباب يتأكدون من فوزهم باكتساح
لانهم يعتقدوا مثل الجميع أن الإسلام شرع للرجل ان يتزوج من ٤ وهذا كل ما يعرفوه عن الإسلام ولا يعرفون شروط هذا الوضع الذي وضعه الإسلام
بعض الفتيات تنظر الي الشباب بقوه وكره وحقد يرون اي رجل يتزوج من ثانيه خائن وليس رجل
$$$$
ضجه كبيره في المكان حولها تلك التي تجلس وهي شارده لماذا لماذا لماذا بين الاااف من المواضيع تختار الاداره هذا الموضوع لماذا الا يعلمون الا يشعرون بها بتلك الصرخات المتواليه الا يسمعون قلبها الذي ينزف حزنا والما روحها المقيده التي تصرخ الا يسمعون صرخاتها الا يشعرون بحزنها الا يرون دموعها التي تغرق وسادتها كل
يوم يا الله الصبر أشعر أن قلبي يحترق من الالم
#####
فاقت ليل على نداء صديقتها نجمه وهي تهزها برفق
نجمه…. ليل ليل
فاقت ليل من شرودها….. ايه
نجمه.بحنان…. بقول تعالي نروح نقعد في حته يا قلبي ونشوف هنعمل ايه في الموضوع ده
ليل بشرود… يالا يا نجمتي
ذهبا الي منزل نجمه ودخلا غرفتها
نجمه بقلق… انتي كويسه يا ليلو
ليل.
بوجع… اه متقلقيش كويسه جدا انا بس بردانه
نجمه… مقلقش وبردانه ده احنا في عز الحر احنا في شهر ٨ ومقلقش اذاي ده انتي اختي احنا لينا غير بعض بعد ربنا مش هقلق عليكي اذاي ولا مش كويسه
وجذبتها لتعانقها
نجمه… خرجي الي جواكي يا ليل متكتميش
ليل.
وانفجرت في البكاء… ليه من كل المواضيع يبقى ده مشروع تخرجي ليه يسيبني انا وماما عشان واحده زميلته ويتجوزها ويسيبنا ليه ماما عملتله ايه ليه يتخلى عنا وميعرفش عنا حاجه ويسافر وينسانا كأننا مكناش في حياته ليه انا اتربي من غير اب وابويا عايش عشان اختار نفسه واختار حياته وبني ليه حياه تانيه طب بدام هيبني حياه تانيه بيخلفني ليه بيدخل امي حياته لييه ليه تضيع عمرها عليا ليه عيونها دايما فيهم الكسره والحزن يعمل فيها كده ليه دي كانت بتحبه ااه يا قلبي
نجمه وهي تربط على ظهرها… بس يا حبيبتي اهدي استغفري ربنا يا ليل ده ابتلاء وقدرك
ده ابتلائك ولازم تتأدبي في حضره الابتلاء
ليل… استغفر الله العظيم مقصدش بس انا اتعقدت من كل الرجاله بسببه ومبقتش بثق فيهم برفض اي عريس يتقدملي
نجمه… مش صح يا ليل في كل مكان في الحلو وفي الوحش ذي ما فيه رجاله وحشين في حلوين وذي ما في ستات وحشين في حلوين
ليل وهي تكفف دموعها..
معاكي حق بس انا مش هقدر اعمل الموضوع ده
نجمه… لا هتقدرى هتضيعي حلمك مش انتي حلمك المنحه دي
مش ده حلمنا هتخيبي امل طنط وداد انتي قدها وتقدري تعمليها احنا هنقدر نعمل المشروع ده أن شاء الله واحنا داخلين مشروع التخرج مش عشان ننجح عشان احنا الي ناخد المنحه ان شاء الله منحه السنادي بتاعتنا احنا
ليل… ايوه بس
نجمه… مبسش ولا حاجه خدي قرار وخلي الي حصلك دفعه في انك تكسبي مش انتي علمتيني ان اي حاجه تحصلنا عشان تخلينا نضعف ونبطل نحارب لاحلامنا ناخدها دفعه لقدام وتخلينا نحارب اكتر
ليل بحزن … ايوه
نجمه… يبقى خلي الي حصلك انتي وطنط دفعه لقدام اننا نكسب المنحه دي
ليل…بأمل… تفتكري اقدر
نجمه… تقدري ونص يا ليلي
ليل… تمام هنقدر ان شاء الله طول ماحنا سوا ربنا هيقويني ويقدرني ثم انتي معايا بعد ربنا
ربنا ما يحرمني منك يا قلبي
نجمه… ولا يحرمني منك يا حبيبتي
&&&&
ذهبت إلى منزلي وعندما وصلت قبلت راس امي ثم جلسنا لتناول الطعام تناولت طعامي ثم دخلت غرفتي وجلست افكر في كلام رفيقتي إلى أن داهمني النوم
&&&&
انا ليل ٢١ سنه في الفرقه الرابع لكليه الإعلام وهذا مشروع تخرجي يتحدث عن
الزوجه التانيه ، الزوجه التانيه التي دمرت حياتي وأخذت مني والدي وتركتني وحيده دون اب انا مثال من امثله كثيره في مجتمعنا لاضرار الزوجه التانيه
انا اعتقد ان اي رجل يتخذ زوجه ثانيه له هو ذئب بشري وخائن اعتقد ان جميع الرجال خائنين احاول ان اثق بهم كما تخبرني نجمه ولكن مازال الخوف يتسرب الي قلبي، نجمه اكبر مني ب٦ أشهر فقط ومعي في الجامعه صديقتي الوحيده واختي انا ليس لدي اخوه او اخوات على الإطلاق فأنا وحيده امي ولم يكن لدي اخوات الي ان رزقني الله ب نجمه
&&&&
في اليوم الثاني
اجتمعت انا ورفيقي نجمه لنبحث في هذا المشروع
نجمه… هنعمل ايه
ليل….
المفروض نشوف ايه أحكام الزوجه التانيه في الإسلام وايه الأحكام الي الإسلام وضعها عشان الراجل يتخذ زوجه تانيه ليه
نجمه… تمام ونعمل ابحاث ونقرء مقالات عن الموضوع
ليل…. ونسئل البنات والسيدات المتزوجات عن رأيهم وونصور او ندون ده
نجمه… ونسئل الرجاله كمان عن رأيهم في الموضوع ده
وندون كل ده ونعمل إحصاء لكل الكلام ده ونظبط الدنيا
ليل… إن شاء الله هيبقى مشروع حلو وهنكسب
نجمه…. أنا متفائله وان شاء الله هنكسب
ليل….. إن شاء الله يالا بينا عشان نبدء ندور
نجمه…..
يالا
&&&
في المساء انتهينا من البحث ووجدنا الكثير من المعلومات المهمه والتي ستساعدنا في مشروعنا
نجمه….
ااااه يا رجلي خلاص مش قادره
ليل… عملنا شغل حلو انهارده
نجمه… فعلآ انا اول مره اعرف ان من شروط التعدد
العدل والقدره الماليه واعلام الزوجه الأولى ومن حقها تقبل وترفض
ليل… وانا كمان وشرط العدل ده كبير لان صعب تحقيقه لان اصلا النفس دايما بتميل لحد اكتر من التاني
نجمه… فعلآ القدره الماديه سهله لكن اعلام الزوجه ده مهم جدا يعني اصلا كل الي اتجوزوا على مراتاتهم من غير ما يقولولهم غلطوا لانهم خدعوهم وحطوهم في أمر واقع وهوما لازم يتخيروا ويا يقبلوا يا يرفضوا
ليل… فعلآ معاكي حق ربنا عامل كل حاجه بحساب
مش سبهلله ولا ذي ما أغلب الرجاله فاهمين
نجمه….. كمان الاراء الي جمعنا اغلبها غلط سواء من الرجاله او الستات
ليل… متنسيش ان قدامنا لسه شهر احنا بنسمي لسه
نجمه… معاكي حق يالا انا هروح
ليل… خدي بالك من نفسك يا قلبي واقرئي ايه الكرسي
نجمه وهي تعانقها… حاضر
ليل..
مع السلامه يا حبيبتي
نجمه… سلام يا قلبي
&&&&
وذهبت نجمه الي منزلها
ارتاحت قليلا وتناولت بعض الطعام ليأتي أمامها احد المقالات عن الزوجه الثانيه وتقرئه وتدون بعض المعلومات
كانت ليل تجلس أمام الحاسوب تتصفح سؤالها على احد المواقع ولكن بهيئه مجهوله وكانت تنظر إلى الاراء وتدونها والسؤال هو…. ايه رئيك في التعدد وتعملي ايه لو جوزك اتجوز عليكي
ليل….
يااااه ده واضح ان كل الستات مش هتقبل بس الكلام غير الفعل
لتجد بعض التعليقات التي جذبت انتباهها لتدونها وتتخذ ذاك القرار وتتصل بنجمه لتبلغها كل شئ
نجمه… بتهذري انتي بتتكلمي بجد
ليل… اه والله ادخلي على البوست وهتلاقي التعليق
نجمه….
وهي تفتح هاتفها… ايييه دده هو ده الكلام ده المشروع هيبقى نار ان شاء الله
ليل… إن شاء الله
نجمه… انا كمان لاقيت مقالات وحاجات و دونت معلومات كتير
ليل… يبقى نتقابل بكره في كافيه & & & & ونشوف هنعمل ايه
نجمه… تمام تصبحي على جنه يا قلبي انا هروح انام
ليل… وانتي من اهل الجنه يا حبيبتي وانا كمان نعسانه اوي
لتذهب كل فتاه الي سريرها ويخلدا سريعا في النوم
$$$$
أشرقت الشمس وانتشرت اشاعتها الذهبيه في كل مكان لنشر البهجه والسرور
استيقظت كل من نجمه وليل
لتدخل كل
فتاه الي الحمام فيفعلوا روتينهم اليومي ويتوضئوا ويخرجوا
أمسكت ليل هاتفها لتهاتف نجمه
كانت نجمه ترتدي ملابسها لتجد هاتفها يرن باسم ليل
نجمه… صباح الخير يا ليلي
ليل… صباح النور يا حبيبتي انا خلاص بخلص لبس
نجمه… وانا كمان هنتقابل في كافيه & & & & ذي ما اتفقنا امبارح عشان نشوف الموضوع ده
ليل… تمام يا قلبي متنسيش تصلي الضحي
نجمه… . متقلقيش يا حبيبتي فاكره متنسيش انتي تقرئي ايه الكرسي وانتي نازله
ليل… حاضر يا قلبي متقلقيش مش هنسي ان شاء الله
نجمه… سلام يا روحي هروح اصلي
ليل..
وانا كمان سلام يا قلبي
&&&&
انتهت كلتا الفتاتين من ارتداء ملابسهم واحكمت كل فتاه ربط حجابها وصلتا الضحى ونزلت كل فتاه من منزلها
بعد مده تقابلتا وانطلقتا الي وجتهما
$$$
تجلس كلتا الفتاتين في احد الشقق الفاخره بالمعادي تتأملان المكان من حولها الشقه من الطابع الكلاسيكي
قطع تاملهما في المكان دخول احد السيدات في العقد الرابع من عمرها لترحب بهم وتجلس امامهم
###
اميمه….
نورتوني اهلا وسهلا بيكوا
ليل… اهلا بحضرتك
نجمه… ده نور حضرتك والله
ليل… احنا متشكرين لحضرتك جدا انك وافقتي تتعاوني معانا
اميمه… أنا تحت أمركم فهميني كويس بس لاني مفهمتش منك اوي لما بعتلك على الخاص امبارح انا مبحبش اعلق كتير لكن سؤالك لفت نظري يا
ليل… أنا ليل ودي نجمه
نجمه… حضرتك احنا في الفرقه الرابعه كليه الاعلام ومشروع تخرجنا السنادي عن الزوجه التانيه والتعدد فبدئنا نسئل وندور
اميمه… اهلا يا ليل اهلا يا نجمه وانا اميمه
اكملت اميمه كلامها… موضوع شيق وبرافو عليكو
سؤالك لفت نظري جدا وبما اني زوجه
تانيه فأنا حابه أشارك معاكم مش بس برأيي كمان بتجربتي بس بدون أسماء لو سمحتي
ليل وهي تفتح الاجنده لتدون… متقلقيش يا مدام اميمه.
أنا ناويه اني مش هحط اسماء
اميمه… تمام
انا بشتغل منظمه أفراح وكنت ذي بنات كتير في مصر عديت التلاتين ولسه متجوزتش وطبعا طلع عليا لقب عانس كل الناس كانت بتجرح فيا كان الجواز ده بإيدي وكأنه مش رزق من عند ربنا وانا نصيبي مجاش الاهل الصحاب المعارف كل الناس بتجرح لو مش بالكلام بالنظرات لو مش قدامك يبقى في ضهرك صحابي الي يبعدوا عني عشان خايفين اني اخطف أزواجهم مني كأن اني اهد بيت أو أوجع غيري دي حاجه سهله
كانت بنت عمتي دايما تجرحني بالكلام وتقولي أقبلي باي حد انشالله ابقي زوجه تانيه
نجمه… وعملتي
ايه يا مدام اميمه
اميمه… بقيت زوجه تانيه لجوزها
ليل.بصدمه… هدمتي بيتها
اميمه بقوه… لا طبعا قولتلك انا مهدمش بيت
نجمه بهجوم… . اومال حضرتك عملتي ايه
اميمه…..
بعد كام شهر لاقيتها جايالي البيت وطلبت اني اتجوز جوزها وطبعا انا رفضت بس لما عرفت هي عايزانى اعمل كده ليه وافقت
ليل بفضول… وهي كانت عايزه حضرتك تعمل كده ليه
اميمه… هنا الله يرحمها جالها كانسر في المخ ولما اكتشفنا كان في مرحله متقدمه جدا هي مكنش عندها اخوات بنات وتقريبا انا كنت أقرب حد ليها انا عارفه انها كانت عايزه مصلحتي ونفسها تشوفني عروسه بس كانت بتجرح فيا بالغلط شايفه ذي ناس كتير غلط انها كده بتشجعني
هنا كانت محتاجاني معاها اساعدها وتقربني من ولادها وتخليهم يتقبلوني عشان متسيبهمش من غير ام وهتضمن منين ان مثلا
الي هيتجوزها أمير هتبقى حنينه عليهم
ليل… وهو يتجوز ليه ما يعيش وفي لذكراها
اميمه… على فيكره أمير بيحبها ووفي ليها وبيحبني انا كمان بس معتقدش ان في راجل هيعرف يشيل مسؤليه بنتين وولد لوحده ويشتغل
نجمه… مع حضرتك حق كملي
اميمه… الموضوع كان صعب علينا كلنا وخصوصا مع هدير بنتها الكبير اكتر حد انا مكنتش عارفه اكسبه دلوقتي هي أقرب واحده ليا في ولادي الخمسه، هنا كانت ساعات بتغير ولما تلاقيني ضحكتهم او عدلت مزاجهم اي حاجه كنت بعملها او اتعلم وصفات من النت كانت بتعدل وتعمل كنت بزعل بس كنت بحط نفسي مكانها بقول انا
لو بموت وجبت واحده تاخد مكاني مع جوزي وولادي انا هبقي عامله اذاي صعب اوي اوي انا الي هموت وهسيبهم وانا الي امهم وهي الي هتكمل معاهم حياتهم انا الي معايا ماضيهم وهي هتبقى معاها حاضرهم ومستقبلهم احساسها اكيد كان صعب اوي اوي كنت بعزرها ومزعلش وحقيقي هي وحشتني اوي اوي
في الأول كل صحابي بعدوا عني وشافوني خطافه رجاله لان محدش يعرف الجزء الخفي من القصه لما ماتت الكل اتصدم وبقيت الملاك الي ضحى وعمل وشال بيت بنت عمته بدل الغريب الناس دول منافقين مبياخدوش غير بالمظاهر عمرهم ما هيبطلوا كلام ابدا
نجمه… مع حضرتك حق
ليل…
قصه حضرتك غريبه جدا وانتي فعلا مش شخص وحش انتي ضحيتي وانتي حد كويس انو قبل على نفسه وضع مكنش مجبور عليه
اميمه..
كنت مجبوره شويه لاني كنت في نظر مجتمعنا العقيم عانس وكان في ضغط كبير عليا من الأهل والمعارف اقبل اي وضع المهم اني اتخلص من لقب عانس
نجمه… مع ذلك حضرتك مش حد وحش خالص
اميمه… حبيبتي تسلمي
على فيكره انا واحده من صحابي زوجه تانيه بردو هكلمهالك وتقعدي معاها
ليل… تمام كده احنا هنستأذن و حضرتك ادينا رقمها وهنكلمها
&&&
املتهم اميمه رقم الهاتف وسلموا عليها ثم ذهبوا الي مطعم $$$
نجمه… قصه غريبه جدا
ليل… فعلآ ولازم ندونها
نجمه… وده حقيقي وده يثبت ان مش كل زوجه تانيه وحشه
ليل… معاكي حق
________________
اتمنى تعجبكوا
بقلمي انا سنيوريتا الروايات اروى العش 🧚♀️🧚♀️
مين السبب
الفصل الثاني
______________
انتهوا من تدوين ما حدث وذهبت كل فتاه الي منزلها وظلتا تبحثان وتدونان
مر اسبوع والفتاتان تبحثان وتدونان وكان من المقالات والمقابلات التي كانت مثيره للاهتمام
مقابلتهم مع سميه منصور الصحفيه الشابه التي تبحث عن الحقائق وتحارب الفساد والتي رحبت بمساعدتهم بشده بعد ان قرئت سؤال ليل وسمعت عن المشروع فهذا المشروع أحدث ضجه كبيره في كافه الصحف وقنوات الاخبار في مصر
$$$$
في جريده & & & & & & تجلس الصحفيه الشابه لتكتب بعض المقالات التي ستنزل كخبر رئيس وتوضع في الصفحه الأولى في صحيفه الغد
طرقت نجمه على الباب لتأذن سميه لها لتدخلا
وقفت سميه وسلمت على الفتاتين وجلسوا جميعا بعد التعارف والترحاب
نجمه…. اعتقد حضرتك عارفه احنا جايين ليه
سميه… ايوه عارفه وانا حابه أشارك معاكم بقصتي
ليل… هو حضرتك زوجه تانيه
سميه… لا انا لسه انسه بس امي هي الي كانت مش زوجه تانيه قولي زوجه عاشره خمسه عشر
نجمه… اييه
سميه… أنا عندي فوق العشرين اخ واخت
ليل… ماشاء الله اذاي
سميه….
هحكيلكم
بابا كان شايف ان الراجل المفروض يتجوز ويخلف إنما يربي مش مهم المفروض يتجوز اربعه عشان يخلف ولاد كتير كأن البنات مش حاجه كويسه المهم بابا كان غني كان يتجوز اربعه ويخلف وشويه ويطلق ويتجوز اربعه غيرهم ويخلف ويطلق
مش مهم الي بيخلفهم مين يربيهم هو بيحب يتجوز كتير ويخلف بس إنما دوره كأب مش مهم يزود ظاهره الطلاق واعداد المطلقات في المجتمع مش مهم يكسر بخاطر ستات كتير مش مهم يرمي ولاده وميربيهمش مش مهم المهم ان يتجوز ويخلف كتير عشان ذيه ذي رجاله كتير فاكره الإسلام مثنى وثلاث ورباع بس وحاليا احنا كل الي نعرفه انو.
بيتجوز واحده وشهرين ويطلقها ويدور على واحده جديده كل ده عشان معاه فلوس بس ورجاله كتير كذالك لانهم بكل بساطه ميعرفوش أمور دينهم ميعرفوش حاجه عن شروط التعدد ولا الإسلام شرع ايه كان ممكن بدل ما يتجوز كل دول يساعد شاب مش معاه يتجوز انو يتجوز ويساعده يعف نفسه ويساعد بنت عانس فقيره مش معاها فلوس انها تتجهز ويرحمها من تجريح المجتمع فيها
نجمه… فعلآ معاكي حق انا اسفه بس الي باباكي بيعمله غلط جدا
ليل… هو مش بس فاهم التعدد غلط.
ده كمان بيزود من مشاكل المجتمع ومن اعداد المطلقات وبيخلي المجتمع العقيم يجرح فيهم
سميه… عارفه وأكملت بحزن… ربنا يهديه
ليل… متزعليش ربنا بيعوض والعوض نساي بدام اخد منك حاجه هديكي حاجه احلي صدقيني
سميه… الحمدلله
نجمه… احنا متشكرين لتعاونك معانا جدا
ليل… اتشرفنا بمعرفه صحفيه شابه شاطره ذيك
سميه… ليا الشرف شكرا بالتوفيق في المشروع
&&&&
خرجت الفتاتين من عند الصحفيه الشابه وذهبت كل فتاه الي منزلها واضافا المعلومات الجديده واكملها البحث
كانت ليل تكمل البحث و وتشرد قليلا تفكر في التجارب التي رأتها فتجربه مثل تجربتها هي واه من تجربتها
تركهم والدها وهي في سن صغيره من أجل زميلته وابتعد عنهم واخذها زوجه ثانيه على امها ورحل ولا يعرفون عنه أي شئ
تجربه اميمه كانت تجربه غريبه هي حتى ليست زوجه ثانيه لقد ضحت وانقذت منزل واصبحت ام لاطفال ابنه عمتها لم تكن زوجه اب لهم بل أصبحت امهم فأعتقد انها زوجه بقلب ام
تجربه سميه تجربه مؤلمه فهي مثل ليل عاشت وتربت بدون اب و والدها على قيد الحياه كيف استطاعوا فعل هذا الشئ المشين في أطفالهم كيف استطاعوا تركهم وهم صغار يواجهون الحياه كيف استطاعوا الهروب من واجباتهم تجاه أطفالهم عندما يكبروا ماذا سيفعلوا عندما يموتوا ماهي
حجتهم أمام رب العالمين
كانت تلك الأفكار تعصف في رأس ليل لقد اكتشفت ان ليست كل زوجه ثانيه هي امرأه سيئه تغيرت نظرتها لهم بسبب هذا المشروع
تسطحت على فراشها وهي تحاول نفض الأفكار من راسها هذه بعض التجارب عن الزوجه الثانيه ستكمل البحث لترى أين سيأخذها هذا المشروع هي ورفيقتها
&&&&
في اليوم الثاني تقابلت الفتاتان في احد الكافيهات
ليل… اعتقد المفروض نعمل مقابلات مع ناس في الشارع
نجمه… فعلآ المقابلات مش هتبقى كفايه لا هي ولا المقالات المقابلات هتبقى ٣ او ٤ او ٥ مقابلات بالكتير
ليل… معاكي حق يبقى احنا ننزل
الشارع ونصور مع الناس
نجمه… والكاميرا ممكن نستخدم كاميرا الفون بتاعك او بتاعي
ليل…. تمام يالا بينا
نزلت الفتيات الي الشارع وبدئتا في إيقاف النساء وسوالهم السؤال الشهير (هتتعملي ايه لو جوزك اتجوز عليكي ولو حصل فعلا ايه هيبقى رد فعلك) وسوالهم عن وجه نظرهم في التعدد وسؤال الرجال ايضا عن التعدد
وكانت من بعض الاجوبه
هدي :
انا عن نفسي شايفه ان تعدد الزوجات اصلا غلط هو مش سي السيد ولا احنا في زمن سي السيد هي زوجه واحده كفايه وخصوصا لو هي شايله البيت كله بس طبعا هو عشان يعمل كده هيطلع في حج فارغه ويقول مثلا انتي مش مهتمه بنفسك يعني مثلا انا ام لاطفال بتابعهم في كل حاجه ومعنديش إمكانيات اجيب داده وشغل البيت فوق دماغي وكمان بشتغل وبساهم معاه وبساعده وبسنده وبهون عليه واي ضيق او ورطه او مشكله بهون عليه وابقى معاه وشايله عنه هم كبير كفايه بس تعب تربيه الأطفال بس وياجي في الاخر يقولي مش بهتم بنفسي
تسنيم :
بالظبط لو انا مثلا مش بهتم بنفسي يبقى المفروض انو يقعد معايا وينبهني انا عن نفسي شايفه ان الراجل يتخذ زوجه تانيه لو أرمل او مطلق او مراته مبتخلفش وهي طلبت ده غير كده انا شايفه ان اي راجل بيتخذ زوجه تانيه على مراته هو مجرد شبه راجل ولا ينتمي الرجوله بصله انا ليه اتجوز على مراتي بدام هي مكفياني وقايمه بكل ادوارها وكمان المفروض اني مطلعش أسرار بيتي بره اي مشاكل بينا محدش يعرفها البيوت أسرار مش اي مشكله احكي لمامتي او لصحباتي او لأي حد وخلاص لازم اي مشاكل بينا احنا الي نقعد سوا ونحلها بس بدام انا مكفياه
وقايمه بواجباتي على أكمل وجه يبقى يتجوز عليا ليه ولو عمل كده يبقى اكرملي اني اطلق لانوا كده مش راجل في نظري وبس كده
هدى : فعلا
نجمه…. تمام شكرا برأيكم جدا بس انتوا عارفين ان التعدد حلال بس ليه شروط
هدى… فعلآ بس انا بصراحه مبحبوش
ليل… هو كلنا مبنحبوش شكرا لرأيكم جدا
تسنيم… الشكر لله يا حبيبتي
وذهبت الفتيات
&&&&
وسئلت نجمه وليل بعض الشباب عن رأيهم في التعدد وكانت من بعض الاجوبه
مجدي….
ماله التعدد حاجه حلوه الإسلام شرعها انا عن نفسي عايز اتجوز كذا واحده وأخلف ولاد كتير
محمد… موضوع التعدد حلال وده شئ مفروغ منه ومن رأيي هو مش حاجه وحشه بس بالنسبالي زوجه واحده تكفى يعني انا عن نفسي مش برجحه انا شايف ان واحده كفايه في ناس بتحتاج لزوجه تانيه عشان كده ربنا حلل التعدد بس هو خلاه بشروط وأحكام معينه لازم الراجل يمشي عليها
مروان… هو موضوع التعدد حلال بس انا مش بحبه ولا برجحه بصراحه لانه في إيذاء للمشاعر انا هئذي مشاعرها ليه يعني بدام هي كويسه وبتتقي الله فيا هعمل فيها كده ليه عن نفسي
انا رافض الموضوع ده تماما ومش حابه بصراحه
ليل… شكرا جدا لرأيكم
مروان… . الشكر لله عن اذنكم
وذهب الشباب
$$$$
نجمه… أغلب الولاد رأيهم كان ذي اول واحد
ليل….
فعلآ معاكي حق لان الاغلبيه العظمي مش عارفين الدين كويس
نجمه… فعلآ يالا عشان عندنا مقابله
ليل… مع مين
نجمه… واحده زميله ماما في الشغل خدت منها معاد وهنروح نقابلها
ليل… تمام يالا بينا
&&&
ذهبت الفتيات لمقابله الحاله الثالثه
في احد أحياء السيده زينب وصلت الفتيات الي المكان ودخلت احد البيوت البسيطه لتصلا الي الدور ثاني وتطرق ليل الباب لتفتح فتاه في مرحله الشباب ولكن يظهر على وجهها الكبر نتيجه لتحمل الألم والمسؤليه معا
دليدا… افندم عايزين مين
تنحنحت نجمه…وقالت… احنا جايين لمدام سعاد
دليدا… اتفضلوا وهنده لماما حالا
دخلت الفتيات ليجلسا في الصالون البسيط
وذهبت داليدا لتنادي على والدتها
بعد مده دخلت سيده في نهايه العقد الرابع لها ولكن يبدوا ان الشيب نال منها مبكرا
سلمت على الفتيات وقدمت واجب الضيافه وجلست سعاد معهم
سعاد… أنا هحكيلكم يا بنات على حكايتي
ليل بانصات وتركيز… اتفضلي يا مدام سعاد
سعاد… أنا مش من القاهره انا وجوزي كنا من المنيا وجينا القاهره عشان يبدء حياته ويشتغل وعيشت معاه واتحملت طبعه الصعب وذي اي راجل شرقي جوزي بيحب الولاد جدا وعايز ولد عيشت معاه وخلفت دليدا ويسر وزينه و تمارا وطبعا جوزي مكنش مبسوط هو عايز
ولد يشيل اسمه اتجوز التانيه وخلف ٣ بنات واتجوز التالته وخلف بنتين واتجوز الرابعه وخلف ٥ بنات ولسه مجابش الولد وشايف ان العيب منا احنا وكأن الراجل مش هو الي بيحدد نوع الطفل ومش هو الي بيخلف بنات مش احنا وشيلت مسؤليه بناتي لوحدى و اشتغلت و َاتمرمطت وداليدا سابت تعليمها واشتغلت عشان تساعدني اعلم اخواتها وهو مبنشوفوش اصلا سابنا ومشي عشان مخلفتلوش البنت بيزورنا كل فين وفين ميعرفش حاجه عن بناته اصلا ولا عني ولا يعرف محتاجين ايه ولا مش محتاجين ايه منه لربنا على الي عمله فينا ده.
نجمه….
أنا اسفه جدا لحضرتك حضرتك ست عظيمه وربنا هيجاذيكي خير والله وهيعوضك عوض خير في بناتك
سعاد… اللهم امين يا بنتي
ليل… وحضرتك مطلقتيش ليه
سعاد… لو أطلقت هروح فين ببناتي هرجع بيهم البلد اخواتي هيتحكموا فيهم ومش بعيد يجوزهم لولادهم عشان ورث بناتي على فيكره انا جوزي غني جدا دلوقتي بس لما جينا هنا ده اول بيت قعدنا فيه طبعا مراتاته التانين وبناته قاعدين في حتت احسن من هنا مش ذيي انا وبناتي بس هو رمانا من زمان هقول ايه غير حسبي الله ونعم الوكيل ربنا ينتقم منه ويجيبلي حقي انا وبناتي
ليل… اللهم امين احنا
متشكرين لحضرتك جدا واسفين لو ازعجناكي
سعاد… الشكر لله يا حبيبتي والله انتوا نورتونا انهارده
#####
بعد مده نزلت الفتيات من المنزل
ليل… اتظلمت اوي حرام عليه جوزها ده
نجمه… منه لربنا هو هيحاسبه
ليل… معاكي حق يالا انا هروح
نجمه… وانا كمان عايزه حاجه يا حبيبتي
ليل… لا يا قلبي خدي بالك من نفسك واقرأي ايه الكرسي
نجمه… حاضر وانتي كمان
ليل… حاضر سلام يا قلبي
نجمه… سلام يا ليلي
وذهبت كل فتاه الي منزلها
_____________&
اتمنى تعجبكوا
بقلمي انا سنيوريتا الروايات اروي العش🧚♀️🧚♀️
مين السبب
الفصل الثالث والأخير
___________________
صلوا على النبي
استغفروا يالا
سبحان الله وبحمده سبحان الله العظيم
لا حول ولا قوة الا بالله العلي العظيم
&&&&
نبدء بقي
#####
مر اسبوع اخر وهما تبحثان عن معلومات أخرى ليذهبوا
لمقابله مدام نسمه صديقه اميمه
تجلس الفتيات في نادي & & & & أمام نسمه محمد سيده في أواخر العقد الثالث لها
نسمه…. اميمه كلمتني وقالتلي على المشروع بتاعكم
نجمه…. اتمنى ان حضرتك تساعدينا
نسمه….
اتمنى ان معلوماتي تفيدكم وقصتي تبقى من ضمن التجارب الي هتحطوها في المشروع بتاعكم
ليل… ده شرف لينا يا مدام نسمه ومتقلقيش من غير اسماء
نسمه… تمام انا نسمه محمد زوجه تانيه عندي ولد وبنت زين وزينه تؤام
انا كنت متجوزه قبل جوزي كنت بحبه من الجامعه الحقيقه ان اهلي كانوا رافضين بس ذي ما بيقولوا مرايه الحب عاميه والحقيقه اني كان لازم اسمع كلام اهلي بس انا رفضت وصممت عليه وعملت حاجات كتير عشان اضغط عليهم ذي الإضراب عن الأكل المهم ان اهلي وافقوا واتجوزته وعشت معاه سنه جحيم فعلا بدون ما ادخل في تفاصيل أطلقت مقابل
اني اتنازل عن كل حاجتي وكل حقوقي ووافقت طبعا بعدها اتقدملي باسم هو متزوج بس مراته مبتخلفش وهي طلبت منه ده أتقدم واتعرفت عليه واتفقنا واتجوزنا في الأول مكنش فيه تعامل بيني وبين مليكه مراته بس بعدين واحده واحده بدئنا نتعامل ويحصل بينا مواقف كتير سخنت مره وكنت تعبانه قعدت جمبي وخدت بالها مني وبصراحه من ساعتها وبدئت علاقتنا تتطور ساعه ما كنت حامل كانت بتاخد بالها مني وتساعدني و بتهتم بيا هي كان نفسها تسمى بنتها لو خلفت زينه وانا كنت عايزه اسمي زين ولما خلفت.
التؤام سميناهم زين وزينه هي بتعشق ولادي وهوما ولادها فعلا ولادي عندهم ٢ أمهات نسمه ومليكه ابني زين متعلق بيها اكتر مني واحنا صحاب جدا دلوقتي وباسم جوزي محترم جدا وانا بحبه وهو بيحبني وبيحبها بس هي اكتر شويه
وحياتنا جميله جدا والحمدلله ربنا عوضني عن تجربتي الأولى بزوجي وولادي ومليكه صاحبتي
ليل… ربنا يبارك لحضرتك فيهم تجربتك حلوه اعتقد من أحسن التجارب الي شفناها عن الزوجه الثانيه
نجمه… فعلآ يا ليل والحمدلله ربنا عوضك فعلا
نسمه… الحمدلله اتمنى اكون فيدتكم وتجربتي تكون ليها فايده بالنسبالكم وتساعدك في المشروع
نجمه… متقلقيش تجربه حضرتك فادتنا جدا
ليل… فعلآ هنستئذن احنا فرصه سعيده يا مدام نسمه
نسمه… أنا اسعد يا بنات
&_&&
استئذنت الفتيات وسلموا على نسمه ثم ذهبوا الي احد المطاعم من اجل المقابله الاخيره فهذا هو الأسبوع الاخير للبحث وهذه اخر مقابله وباقي الاسبوع سيكون لإعداد ما تبقى من المشروع
ذهبوا الي مطعم $$$$ لمقابله دكتور معتز ياسين
&&&&&
نجمه… أنا حددت معاد مع دكتور معتز ده دكتور جارنا
ليل….ماله دكتور معتز ده متجوز اتنين
نجمه….. لا كان متجوز اتنين ومراته الأولى اتطلقت
ليل.. ليه
نجمه… معرفش لما نروح هنعرف
ليل….
تمام يالا
####
وصلت الفتيات الي المطعم ودخلتا وسلمتا على دكتور معتز وجلستا
معتز… والدتك يا نجمه قالتلي على المشروع الي بتعملوا للجامعه وحبيت اني أشارك معاكم
ليل… تمام حضرتك ابتدي احكي ومتقلقش بدون اسماء
معتز… تمام انا معتز ياسين دكتور مخ واعصاب عندي ٣٥ سنه انا كنت متجوز منال زوجتي الأول واتجوزت عليها موج ودي كانت زوجتي التانيه وحاليا الوحيده الحقيقه انا عن نفسي موضوع التعدد ده مكنش في دماغي يعني انا كنت شايف ان مش محتاج اتجوز اتنين بدام مراتي قايمه بدورها
نجمه… بدام حضرتك شايف كده اتجوزت ليه
معتز… عشان منال
مقامتش ب ولا دور من ادوارها مكنتش بتهتم بنفسها ولا بنضافتها كان عادي اشوفها بمنظر مش كويس هقول عادي مطحونه طول النهار في شغل البيت بس شغل البيت ايه ده البيت بيبقى متبهدل علي طول مبيتروقش مبتعملش اكل مبتهتمش بنفسها بترد عليا بنديه شديده بتتعامل معايا كأنها واحد صاحبي مش مراتي مش حاسس انها ست اصلا مفيش انوثه اصلا بتتعامل بقوه كأنها راجل مش ست حاولت استحمل وقعدت اربع سنين بحاول انها تتغير وبنبهها بس كل واحد وليه طاقه وبصراحه انا طاقتي خلصت في علاقه خسرانه محدش بيحاول فيها غيري حتى لما بنبهها مكنتش بتغير من نفسها لا دي كانت بتعند
وتخلي نفسها تسوء اكتر في نظري انا مش هعمل حاجه تغضب ربنا فاتجوزت تاني اعتقد انو حقي بعد ما حاولت
ليل… بصراحه مع حضرتك حق اكيد محدش هيستحمل كل ده
نجمه… فعلآ كمان هي كانت مهمله في نفسها ومش بتهتم باي حاجه
معتز… بالظبط الحمدلله على كل حال
نجمه وليل… الحمدلله
ليل..
فرصه سعيده يا دكتور
معتز… أنا اسعد واتمنى اكون فيدتكوا
استئذنت الفتيات بعد ان سلمتا وخرجتا سويا
&&&&
ذهبوا الي منزل ليل لتنظيم المشروع فهذا هو الأسبوع الاخير وسيتم تسليم المشروع في نهايه الاسبوع
ليل… تعالي نرتب الحالات عشان لما نتكلم يبقى عارفين بنتكلم عن مين
الحاله ١… هتبقى مدام اميمه
الحاله ٢… هتبقى انسه سميه
الحاله ٣…هتبقي مدام سعاد
الحاله ٤… هتبقى مدام نسمه ومدام مليكه
الحاله ٥ هيبقى دكتور معتز
الحاله ٦ هتبقى تجربتي انا
نجمه… هتحطي تجربتك معاهم
ليل… محطهاش ليه ما الي حصلي من
اضرار التعدد
نجمه… فعلآ ماشي يا قلبي
$$$$
كانت الفتاتات
تعملان على المشروع طوال الاسبوع الي ان جاء يوم التسليم
ذهبت الفتيات الي الجامعه وسلموا المشروع ووجدوا الكثير من المشاريع الجيده وبدء القلق يتسرب إليهم ولكن طمئنوا بعضهم البعض واخبرت اداره الجامعه الجميع أن النتيجه ستعلن في حفل التخرج الذي سيقام بعد اسبوع في الجامعه
&&&&
مرت الايام والفتاتان تتأكلان من القلق هل ستفوزا ام لا الي ان انتهي الاسبوع
####
في منزل ليل
ارتدت ليل ملابسها هي والدتها وخاطبت نجمه التي كانت ارتدت ملابسها هي والديها ونزلوا جميعا للذهاب إلى
حفله التخرج اتصلت نجمه وليل بجميع الاشخاص الذين ساعدوهم وكانوا التجارب في المشروع ودعوهم جميعا الي الحفل
وصلوا جميعا وسلمت ليل ونجمه على اميمه وابناءها الخمسه (أبناء هنا وأبنائها) وزوجها وبعد مده وصلت سميه وسلموا عليها ووصلت مدام سعاد وبناتها الاربعه ليسلموا عليها وبعد مده وصلت نسمه ومليكه وأبنائهم زين وزينه وزوجها وتعرفوا على مليكه،في النهايه وصل دكتور معتز وزوجته موج
تعرفوا جميعا على بعضهم البعض ثم جلس الجميع في هدوء لصعود الدكتوره سميره على المنبر لإعلان الفائز
$$$
دكتوره سميره… الحقيقه في مشروعات كتير كانت متشابهه وموضحتش ايه اضرار وفوايد الزوجه الثانيه ونظره المجتمع ليهم وفي
مشروعات تانيه كانت كويسه جدا جدا وفي مشروعات كانت ممتازه بس الحقيقه كان في ٥ مشاريع اختلفنا كلنا عليهم ومكناش عارفين مين اكتر حد يستحق انو يفوز فقررنا اننا هنختارهم واول ٣ مراكز هياخدوا المنحه
دلوقتي هنعلن عن المركز الأول وبعدها هيطلع الشباب او البنات الي عملوا المشروع عشان يتكلموا عنه
المشروع الي حصل على المركز الأول بعنوان مين السبب للطالبتين ليل مصطفى ونجمه ممدوح، يتفضلوا هنا
&&&
لقد صدمت بشده هل قالت الان ان مشروعنا قد حصل على المركز الأول هل فزت بالمنحه حقا انا ونجمه لا استطع ان أصدق اذناي
فاقت ليل على هز
نجمه بشده لها
نجمه…. كسبنااا يا ليل كسبنااا الحمدلله
ليل وهي تبادلها العناق…. ايوه يا قلبي احنا كسبنا الحمدلله فعلا
$$$$
بارك الجميع لهم وصعدت الفتاتات الي المنبر
لتسلم عليهم سميره بحفاوه وتقترب الفاتاتان من المايك
&&&
بدئت ليل الكلام….
الحقيقه المشروع ده كان مشروع صعب وقوي جدا انا عن نفسي مش بحب موضوع التعدد لكن المشروع ده خلانا عرفنا معلومات كتير عن التعدد
اكملت نجمه… اغلبنا شايف ان الزوجه التانيه دي ست مش كويسه لكن الحقيقه احنا شوفنا واتعاملنا مع تجارب بجد حلوه جدا جدا وده عرفنا ان مش كل زوجه تانيه وحشه
##
ليل… الحاله الأولى مثلا من الحالات الايجابيه معتقدش انها اصلا تستحق لقب زوجه تانيه هي تستحق لقب زوجه بقلب ام مين السبب الي يخليها تقبل وضع ذي ده هل هو المجتمع ونظرات الناس ل البنت الي متجوزتش مين السبب ضغط الاهل ولا كلام
الناس مين السبب في تقبلها وضع ذي ده مين السبب؟
$$
نجمه…. الحاله الثانيه من الحالات الي تدل على جهل الراجل بأمور الدين وعدم معرفته يعني ايه تعدد اصلا مين السبب فيها مين السبب الي يخلي الاب يعمل كده مين السبب الي يخلي الراجل يعتقد ان الدين جواز وخلفه بس مين السبب الي يخليه ميربيش ويرمي ولاده مين السبب الي يخليه يزود اعداد المطلقات ويخلي المجتمع العقيم يجرح فيهم مين السبب هل هو نتيجه للتربيه الاهل الغلط ولا العادات والتقاليد ولا مين
مين السبب؟
$$$
ليل… الحاله الثالثه من الحالات السيئه للتعدد مين الي قال ان الراجل لو خلف بنت تبقى العيب من الست الراجل هو الي مسؤول عن تحديد نوع الجنين يبقى ايه أسبابه انو يعمل كده مين السبب في انه يتجوز ويخلف عشان يجيب الولد مين السبب في انه يعترض على أمر ربنا كأنه هيعرف يغير المكتوب هل السبب هو العقليه الرجعيه لأغلب الرجاله ولا هي نظره المجتمع للبنت وعدم رغبتهم فيها ولا العادات والتقاليد مين السبب في انه يرمي بناته عشان عايز الولد مين السبب في انه ميحبش بناته وميعرفش عنهم حاجه مين السبب في ان بنت من بناته تتحمل مسؤليه
أخواتها وتضطر تبقى راجل
مين السبب؟
$$$
نجمه… الحاله الرابعه من الحالات الكويسه للزوجه التانيه و واذاي قدروا انهم يبقوا صحاب واذاي الزوجه الأولى كان ده اختبار قوي ليها وقدرت تتحمل وتجتاز واذاي مكانتش انانيه وسمحت لزوجها انو يتزوج ومحرمتوش من انو يبقى اب وبقت هي كمان ام لأولاده الحاله دي من احسن الحالات الي شفناها للزوجه التانيه فعلا
$$$
ليل… الحاله الخامسه مين قال ان الراجل لما يتجوز يبقى هو الخاين والوحش دايما مين قال ان هو مش راجل او مش من حقه ليه مش السبب تبقى الزوجه اه الزوجه الي تخلي جوزها يتخذ زوجه تانيه عليها الزوجه الي مش بتهتم بنفسها الزوجه
الي بتتعامل بنديه مع زوجها الزوجه الي مش بتهتم بنفسها ولا ببيتها الزوجه الي بتتعامل مع زوجها كأنها واحد صاحبه اعتقد ان هي السبب في انو اتخذ زوجه تانيه عليها
&&&&
نجمه..
الحاله السادسه والاخيره مشابها للحاله التانيه شويه لكن الراجل هنا مش جاهل في أمور الدين هو بس اختار حياته بدل حياه بنته اختار انو يتخذ زوجه تانيه ويمشي ويسيب زوجته الأولى وبنته اختار انو ميعرفش حاجه عن بنته وانها تحس باليتم في حياته وتعيش من غير اب وابوها عايش بالاختصار اختار نفسه بدل بنته بس يا ترى هو هيكسب يا ترى الندم هيفيده
ليل… معتقدش ان الندم هيفيده لانه هيندم في وقت مينفعش فيه الندم مين السبب في الي هو عمله مين السبب في انه يختار نفسه بدل بنته ها مين السبب؟
&&&&
نجمه… احنا مش بس اكتفينا بأننا نعرض الحالات دي احنا نزلنا الشارع وسئلنا ناس كتير
٧٠ ٪ من الرجاله شايفين ان التعدد حاجه حلوه وان الإسلام عمله عشان يتجوز كتير ويخلف ولاد اكتر
ليل… ٢٠ ٪ شايفين ان التعدد حاجه كويسه بس هوما مكتفيين
ب زوجه واحده بدام قايمه بكل ادوارها يبقى مش محتاجين فعلا
نجمه… ١٠٪ من الرجال رافضين موضوع التعدد تماما لانه في إيذاء لمشاعر المرأه وشايفين ان زوجه واحده تكفى
$$$
ليل… بالنسبه للسيدات
نجمه… ٦٠ ٪ شايفين ان الرجال مش من حقهم يتجوزوا واي راجل يتجوز يبقى خائن
مهما كان السبب
ليل… ٢٠٪ شايفين ان مش من حقه يتجوز غير لو كان أرمل او مطلق او زوجته مبتخلفش وطلبت ده
نجمه… ٢٠ ٪ كمان شايفين ان من حقه يتجوز لان ده حقه شرعا بدام هي مش قايمه بدورها او هو حاله من الحالات الي اتذكرت في ال٢٠ ٪الي قبل دي بس ١٠٪ منهم قالوا ان لو حصلهم كده هيطلبوا الطلاق و١٠ ٪ قالوا مش هيطلقوا
ليل… اخر ١٠ ٪ شايفه ان من حق الراجل انو يتجوز لان ده حقه في الشرع والمفروض ان الزوجه متعترضش بالعكس ترحب لما سئلناهم وانتوا هترحبوا الحقيقه تملصوا من الاجابه غريب
اوي الناس تبقى مرحبه باي حاجه بدام مش ليها إنما لما تبدء تبقى ليها تلاقيهم قلبوا
&&&&
ليل … مين السبب بقى قضية الزوجه التانية من القضايا المجتمعية المهمة الي العنوسة والمطلقات او الأرامل او أشباه الرجال كلهم بيشتركوا ب جزء من الزوجة التانية فمين السبب لما البنت توافق تبقى زوجة تانية عشان تتخلص من لقب عانس او مطلقة
نجمه….
مين السبب لما الاب يتهرب من واجبه تجاه أولاده عشان زوجة تانيه مين السبب في كره الرجالة لبناتهم وعدم قدرتهم علي تقبل البنات وتفضيل الولد على البنت مين السبب في عدم معرفة اغلب الشباب بشروط التعدد واغلب الرجال الي فاهمين التعدد غلط وعمالين يتجوزوا ويطلقوا ويزيدوا من ظاهرة المطلقات
ليل… قولولي مين السبب المجتمع ولا الناس ولا الرجعية والتخلف
نجمة…. ولا العادات والتقاليد ولا رأي الناس الي مش مهم وبيأذي بس ولا نظرات الناس وكلامهم الي عمرهم ما هيبطلوا يتكلموا
نجمه وليل… قولولنا انتوا مين السبب؟
####
تصفيق شديد من الحضور بشده على هذا المشروع الرائع
صدمه كبيره على أوجه الكثير من الأشخاص الشباب والنساء
فرحه وفخر في أعين اهل نجمه وليل
تسلمت الفتاتين شهاداتهم ونزلتها من على المسرح لتعانقا أهلهم
وتتلقيا التهاني والمباريات من الجميع
&&&&
يوجد الكثير من الحكايات في مجتمعنا ولا نعلم من السبب بها ولكن سيظل السؤال الذي يتردد في رأسي و رؤسنا جميعا
مين السبب؟
____________
أتمنى تعجبكم
بقلمي انا سنيوريتا الروايات أروى العش 🧚♀️🧚♀️