قصه للكاتبه رنا احمد

البارت الاول…
في ڤيلا الجبالي ….
في مكتب الجد حسن …
كان قاعد ادهم وهو ماسك الاوراق ومصدوم من الي فيها ..
/ايه ده يا جدي حضرتك كتبت كل حاجه باسمي ليه مش فاهم ..
وقف حسن بهيبه/اسمع حديدي ده زين يا ادهم يا ولدي انا شربت المر علشان اعمل الثروه دي كلها ومش هسمح أنها تتضيع وانت انسب واحد يكون مسؤول عن كل ده …
ادهم بقلق /ارجوك يا جدي بلاش انا بالذات انت عارف انا اصلا مش من العائله ووو..

حسن بتوتر ملحوظ /انا جولتلك جبل سابق انسا موضوع الملچا دي انت ابن الجبالي وحفيدي فاهم ولا لا والموضوع خلاص لحد كده انتهاء الحديد فيه ….
علي باب المكتب كان واقف ريان بعد ما سمع كلام جده كل يوم حقده وكره ل ادهم بيكبر لأن في أيده كل حاجه…
/ماشي يا ادهم خليك بحركاتك دي واكل عقل جدي بس الحكايه دي مش هتستمر كتير يا ابن عمي …
ادهم مدير شركه الجبالي شخصيه جاده جداا وحازم في كل قرارته …
ريان مهندس في الشركه شخصيه حقوده ومستهتر لابعد الحدود…
في الجناح الاعلي…..

كانت واقفه منه وهي بتحط مكياچها قربت منها هند اختها بضيق …
/هو مينفعش النزول غير وأنتي ملخبطه وشك كده وكل ده ليه علشان واحد تافه زي ريان ..
منه بزهق /اووووف هو كل يوم نفس الاسطوانه ايوه يا ستي علشان ريان علشان حبيبي انتي لما تحبي هتفهمي كلامي هتبقي ساعتها نفسك تبقي اجمل واحده في الدنيا علشانه ..

هند باستنكار /لا طبعا الي بيحبني وعايزني ياخدني زي م انا واكيد مش هيكون زي ريان يالا علشان نفطر ونروح الجامعه …
هند ومنه أختين لكن مختلفين تماما هند كليه صيدله ومنه علوم …
في جناح سليم ….
كان واقف وهو بيلبس چاكيته دخل حازم اخوه الصغير الي في ثانويه عامه..
/ايه الحلاوه دي علي الصبح يا احسن ظابط حراسات في الدنيا كلها ..

سليم بابتسامه /اخلص وقصر عايز ايه …
حازم ابتسم /دائما كده فاهمني عايزك تخليني اشترك في الدوره السنه دي علشان خاطري يا سليم …
سليم بغيظ /يا ابني انت ليه فاكر نفسك ميسي ده انت بتتغلب بفرق عشر اجوان ..
حازم مسك أيده بسرعه /لا وحياتك عندي الايام دي ناوي اتدرب كويس وهرفع راسك أن شاء الله…
سليم ضحك /ههههه ربنا يستر يالا بينا نفطر .
في اوضه ريان …. كان واقف بينفخ سيجارته بضيق دخلت منه واتكلمت بحب وعشق …
/ريان ليه منزلتش نفطر بصيت علي السفره لقيتك مش موجود ..