روايع كامله بقلم وعد يحيي

.الحلقه 19 دولت:-ها قلتي ايه؟
فضلت روح بصه للارض و سكته و مش عرفه تعمل ايه
دولت:-سمعت ان السكوت علامه الرضا مش كده؟؟
روح:-….
دولت:-تمام متفقين يلا تصبحي ع خير
خرجت روح و هي حسه ان في مليون و مليون سكينه بتقطع في قبلها و ان الوقت وقف هيه للحظات حست انها مش عرفه نفسها انسانه عاجزه عن التفكير و اتخاذ القرار
همست روح:-كلوا يهون عشان ماما!!
حطت دماغها علي الماخده و نزلت الدموع بتكون دواير بس اليوم ده كانت امطار بتكون بحر!!
و لسه السؤال بياكل في عقل روح…
ازاي؟؟ازاي عرفت كل ده؟؟

ازاي؟
___________________________________
فضل ادهم اعد في الجنينه كتير و لكن روح منزلتش تاني فقرر انو يطلع ينام و يكلمها الصبح كان جواه كتير لازم يتقال
**تاني يوم الصبح اتمنت روح ان الي حصل امبارح يكون مجرد كابوس لكن للاسف ده كان حقيقه و راحت عند وداد و لكن مكلمتهاش نص كلمه
وداد:-يا روح ردي عليا ارجوكي فهميني مالك
روح:-…
وداد:-روح ارجوكي طمنيني في ايه بس اتكلمي انطقي
روح:-…..
وداد:-يا روح بقه!
روح:-حاجه تاني يا هانم؟
وداد:-هانم؟؟اه في حجات
قفلت وداد الباب و اصرت تتكلم مع روح
وداد:-في ايه؟؟

روح:-انا هحكيلك بس ارجوكي متقليش لادهم باشا و لا تعترضي
وداد:-قولي
روح:-((حكت كل شيئ))
وداد بارتباك:-اه..فهمت
روح:-مش عرفه اعمل ايه بس الي محيرني هيه عرفت ده كلو ازاي؟؟
وداد:-ت…تلاقيكي….رغيتي مع حد كده و لا كده…اه …اه اكيد
روح:-لا و الله ما حصل
وداد:-هممم ط…طب روحي بقه لادهم انتي اتاخرتي
لحظت روح توتر وداد
روح:-خير يا وداد في ايه مالك؟

وداد:-روح..انا اسفه اوي
روح:-ع ايه
وداد:-انا الي حكيت لماما ظروفك كلها و حكيتلها ع ان ادهم صارحني بموضوع صدقتكوا و كده
روح نسيت هيه فين و مع مين و بغضب الدنيا صرخت:-
-ليه كده يا وداد ليه حرااام عليكي
مع حب وداد ليها الا ان وداد محدش زعقلها ابدا بالشكل ده
وداد:-انتي اتجننتي و لا ايه ازاي تعلي صوتك عليا كده؟؟
روح:-حرام عليكي!!انا بكره البيت ده بكل الي فيه
وداد:-احترمي نفسك البيت ده بيبقي بيتي انا متأ:ده ان جواكي حقد عليا و انا اصلا غلطانه عشان اتكلمت مع وحده زيك يلا برااا برااااا
روح بضعف:-حاضر…حاضر يا وداد هانم!!

خرجت روح بره و هيه حسه بالدنيا بتلف بيها و مع كل الي حصل غلطت نفسها لانها نسيت هيه مين وسط الناس دي راحت اوضتها و مقدرتش تروح عند ادهم علطول كان لازم تعيط شويه بسبب شعورها انها عوزه تنفجر
روح:-يا ربي انا عملت ايه يستاهل كل ده!!!انا طول عمري في حالي و كويسه و بعمل كل حاجه لكل الناس و في الاخر باخد علي دماغي ديما….
قامت روح و مسحت دموعها و راحت لادهم
ادهم:-بدري!
روح:-اسفه…اي خدمه؟

ادهم:-كنت عاوز اقلك حاجه يا روح بصراحه انا من ساعه ما حضنتك امبارح و انا حاسس بسعاده غريبه روح انتي فعلا ص…
كان مبتسم و هو بيتكلم بسعاده اوي كده لكنه شاف نظره روح
ادهم:-مالك؟
روح:-مليش
قرب منها شويه قامت بعدت عنه تماما تجاهل ده و قرب من الدولاب الي محدش بيفتحه غيره و فتحه
ادهم:-انتي اول وحده هتشوفيه مسكها من اديها و قربها من الدولاب روح كانت سكته و مستسلمه
روح من جواها:-ازاي اكرهك فيا؟؟و انا متعلقه بيك!

ادهم:-ده في ذكرياتي انا و ملك اول ما بتوحشني بروح افتح الدولاب و اعد قدامه بصي دي جوبات كنت اتخانق معها و اروح الشغل القيها اعده ع جمب و سيبهولي وسط ورقي ههههه كانت طيبه جدا و بصي دي اول هديه جبتهالها يوم ما…..روح مالك؟؟
روح:-انا مالي و مال كل ده؟؟انا جيه اقوم بوجبي و امشي و واضح ان حضرتك لبست
رمت االجوابات الي كانت علي رجلها علي الارض و قامت خرجت برا الاوضه و لسه ادهم مدهوش بالي حصل ازاي تستهزأ بحاجه هو بيحبها ازاي؟؟

_____________________________________
راحت بعد كده لاوضه ساندي و فادي اول ما شفوها جريوا بيتسابقوا مين يحضنها
روح:-انا تعبانه اوعو عشان مش مستحمله و عوزه اعد
اعدت روح و فتحت مجله
ساندي:-رورو ممكن نلحب جنون؟؟
فادي:-اه و عوزين مسرحيه
روح بتحاول تكون قاسيه:-بقلكوا ايه لجنون و لا غيره
ساندي:-ليه
روح:-كده و مش هنلعب تاني سامعين؟؟
ساندي:-بس يا ماما رورو….
روح:-انا مش ماما اعدوا سكتين عشان مجبلكوش وحش يكلكوا يلا روحوا!
فادي:-خوخ انتي شليله انهلده!!((شريره النهارده))
روح:-و كل يوم!

ساندي:-يلا يا فادي نبعد دي وحشه
روح حست بضيق اوي لانها فعلا كانت بتحبهم و لكن في نفس اللحظه حس ادهم انها زعلانه منه و دخل الاوضه فجريت عليه ساندي و فادي
فادي:-سفت يا بابي خوخ بقت شليله
ساندي:-اه
ادهم:-ده مفيش اطيب منها بس انامزعلها
قرب منها و قفل المجله و اعد
ادهم:-انا اسف عارف كلام فاتن كان قاسي لكن احنا صحاب و الصحاب مفيش بينهم زعل صح؟؟

قامت روح وقفت و قالت بغضب مصطنع
روح((اسفه اوي يا ادهم و الله انا بحبك اوي)))بقول ايه بقي انا مجرد هنا وحده بتشتغل و هتجوز السبت الجاي و مينفعش كده ((اصلا العريس اعتذر))
حس ادهم بخنقه:-هتتجوزي؟
روح:-اه…هسيب حضرتك مع اولادك لما تخلص اندهني
ادهم:-لا! انا ماشي و مبروك
و خرج بضيق الدنيا و حست روح انها بالفعل خسرت اول واحد!!

و بعد ما ساندي و فادي نامو نزلت روح فقبلت دنيا في وشها
دنيا:-تعالي ورايا عوزاكي
دخلت روح ورا دنيا لمحت خالد اعد علي اللاب توب و ارتبك لما شفها و كأنه خايف
دنيا:-هاتي الفستان الاحمر بسرعه
روح:-حاضر
دنيا:-بقلك تفتكري اللون الاحمر بيبين اني حامل؟؟
كانت دنيا بتتكلم بود و مش غطرسه زي كل مره
روح:-الاسود احسن لو في حاجه اسود يا هانم
دنيا:-طب طلعيلي الاتنين و هجرب
روح:-حاضر
طلعت روح الفستنين و هي ملحظه نظرات خالد و حسه انها نفسها تدير و تسكعه الم بس طبعا دي مجد امنيه
دنيا:-فعلا الاسود احلي شكرا يا ….

روح:-روح يا دنيا هانم
دنيا:-ماشي روحي يا روح دلوقتي
خرجت روح و فضلت تراقب الخدم و هيه سرحانه و دمغها في حته تانيه روح عمرها ما اتكلمت بغضب او بقسوه مع اطفال لكن النهارده عملت كده
عمرها ما اتكلمت مع حد بتحبه بجفاء لكنها عملت كده
و بعد ما اليوم خلص قفلت باب اوضتها بالمفتاح و دخلت الحمام الي في الاوضه و ملت البانيو و قررت تسترخي تماما
روح من جوها:-يوم ما تحبي..تحبي حد يستحيل يبقي ليكي و حتي لو في امل كلو هيبعدك عنو!

لبست فستان اسود قصير و جزمه من غير كعب و قررت تعد في الجنينه و لو شافت ادهم تبعد لانها مش عوزه تحتك بي و فعلا راحت حتي بعيده عن السريا و شافت ضوء جي من قريب ضوء بسيط يعني قربت براحه لقت حد اعد ع لاب توب عرفت انو اكيد ادهم فبعدت شويه و وقفت عند شجره و فضلت بصه فوق كالعاده
روح:-ياااارب!
…:-بخخخخخخ
روح:-هااااا!
لقت قدامها خالد بعدت شويه بخوف
خالد:-ايه؟؟لسه خيفه؟

روح:-لا مش خيفه عن اذنك
شدها من ايديها
روح:-ادهم باشا اعد هناك ع اللاب توب علفكره و لو صرخت هيجي سيب ايدي لو سمحت!
خالد:-ههههه انا الي كنت اعد و لمحتك وقفه زي القمر قلت معقول انعكاس القمر باين كده!
روح حست بخوف شديد لما عرفت ان ادهم مش في الجنينه و هو زعلان يعني يستحيل يفكر ينزل يشوفها
روح:-برده هصوت!
خالد بسخريه:-احنا بعيد عن القصر يعني صوتي للصبح
قال كده و هو بيقرب روح بدأت عنيها تدمع و بتحاول تبعد لكن مفيش فايده في فرق اكيد في القوه!

**ادهم نزل الجنينه كان عاوز يشوف روح مره اخيره لانه كان عنده سفر بكره اعد ماشي يبص حوليه بس مش لقيها خالص
ادهم:-اكيد مش عاوزه تشوفني
سمع ادهم صوت حد و خربشه كده فأعد يقرب براحه و مسك فاس لانه فكر في حرامي لمح ادهم روح و خالد و بص بدهشه من بعيد و في نفس اللحظه لمحه خالد قام باعد روح عنه
خالد بزعيق:-انتي انسانه حقيره ازاي تحولي تعملي كده؟
روح:-ايه؟
قرب منهم ادهم و شافته روح و شهقت من الخضه
خالد:-اوعي!

و مشي بيمثل الضيق قربت روح من ادهم و حضنته و هي بتعيط
روح:-الحمد لله انك جيت الجمد لله
بعدها ادهم بقسوه
ادهم:-بطلي بقه دموع تماسيح بتاعتك دي انتي انسانه قذره و مش متربيه انتي…انتي….حيوانه كلبه!!لا ده انا اعتذر للكلب اني شبهتك بيه!!انا فهمت كنتي بتحولي تستدرجيني و منفعش و ملقتيش قدامك غير خالد…انتي واطيه بقلك ايه يا بت انتي امشي براحه كده بكره الصبح يا اما هعملك فضيحه فهمه؟؟
روح وشها قلب الوان و اتجمدت الدموع في عنيها
روح:-ايه؟؟

💗💗💗💗💗💗💗💗💗💗💗💗💗💗
.
.الحلقه 20 حست روح بالدنيا بتلف بيها فعلا كان نفسها ادهم يكرهاها عشان رغبه دولت لكن اكيد مش بالشكل ده
ادهم مضربهاش…
مخنقهاش…
و مقلش نص كلمه كمان…
لكن كانت كفايه نظراته عشان تقتلها و الاغرب ان عنيها مدمعتش حتي في موقف زي ده
روح:-لو سمحت يا ادهم اسمعني
ادهم:-ادهم في عينيك اسمي ادهم باشا و متجبيش اسمي علي لسانك
روح:-طيب ممكن تسمعني
ادهم:-انا مش طايق اسمع صوتك و لا ابصلك حتي منك لله ازاي وحده زيك كنت بسبها مع ساندي و فادي غوري من وشي!

فضلت روح وقفه و بصاله مستنيه اي نظره اشفاق نفسها تتكلم بس لسنها تقيل و مش عرفه تنطق
ادهم:-قلت غوري!
مشيت روح لا الاصح جريت لاوضتها و برده معيطتش و القوه دي جبتها من كتر ما شافت ازاي تمشي من البيت بالسمعه دي؟؟
لا و ازاي اول مره قلبها يدق لواحد يشفها كده؟؟
لا الي حيرها هدوءها و اعمقها ؟؟!!
روح فعلا مش فهمه نفسها الكلام جرحها طبعا و يجرح حجر كمان لكن عيونها متهزتش ليه؟؟

روح لمت كل حجتها بسرعه كانت عرفه ان فكره انها تخرج دلوقتي مجنونه شويه و لكنها اقسمت متحطش دماغها تاني علي سرير في البيت ده !

و خرجت روح برا القصر كله و بصتله بصه اخيره كانت امبارح قبضت 2000 جنيه و حمدت ربنا ع كده و سافرت و اول ما ركبت الاتوبيس و كأن عنيها كان ليها كبرياء قصاد ادهم
بكت روح…لا انهارت و كلامه بيرن في ودنها…
_______________________________
وصلت روح بيتها الساعه خمسه الصبح و طبعا امها رحبت بيها لكن لحظت الشنطه الكبيره الي تدل ان روح مش رجعه تاني
امها:-خير يا بنتي
روح:-خير و كل خير
امها:-يالهوي!انتي عينك دبلانه من كتر العياط حصل ايه؟

روح:-و لا اي حاجه يا ماما عادي خلاف في الشغل و مشيت
امها:-يمشوكي في نص اليل!لا معندهمش قلب خالص ايه معندهمش بنات يافو عليها
روح:-ماما لو سمحتي انا دماغي ادي مرتين و مش طيقه حد
و قامت دخلت اوتها الصغيره
روح:-انا هنام متصحنيش خالص….الهي ما اصحي اصلا
امها:-يا ساتر يا رب في ايه يا روح؟
روح :-…………
______________________________________
مع ان روح فضلت في سريرها سبع سعات الا ان عنيها مغمضتش لحظه فضلت تفتكر كلام ادهم لغايه مصدعتش من دمغها هيه شخصيا….!

الباب بيتفتح قامت روح مغمضه عنيها بسرعه
هيام:-روح!روح قومي يلا الساعه 11 الصبح كفايه نوووم يا زفته
روح:-…
هيام:-قومي يا بنت وحشاني
قامت روح و فضلت بصه لهيام و سكته
هيام:-مالك يا روح مال وشك في ايه؟؟
روح حضنت هيام و اعدت تعيط و هيام حست ان في حاجه..
لا حاجه كبيره جدا كمان!

هيام:-طب خلاص طيب اهدي
روح بتبعد عن هيام و بتمسح عنيها الي فعلا وجعتها من قله النوم
و من كتر العياط
هيام:-مالك؟؟احكيلي
روح:-انتي وحشتيني بس
هيام:-لو سمحتي يا روح متتعمليش معايا ع اني معرفكيش انا متربيه معاكي من 20 سنه
روح:-هيام انا مش قدره افتكر او احكي
هيام:-اهمممم يعني في حاجه؟
روح:-اه و اوعدك احكي بس مش دلوقتي
هيام:-طيب بصي خدي دول
طلعت من جيبها ورقه
هيام:-دول 1500 باقي فلوسك من الشهر الي فات
خدتهم روح:-كده بقو 3500 بس!

هيام بهزار:-بس ايه يا طماعه
روح:-البيت ده مهدد انو يقع و كمان في وحده اشترته و هتهده قريب
هيام:-ههههه و انا رحت فين مش انا الي جبتلك الشغل الفظيع؟
روح:-اه اوي
هيام:-المهم فاكره عماد؟
روح:-لا
هيام:-طب حسام؟

روح:-لا و ربنا ما فكره انا مش فكراكي شخصيا
هيام:-المهم دول كانو في الشقه الي فوقينا و خدو عفشهم و مشيوا و الشقه دي بيأجروها في الشهر ب1900 جنيه ايه رأيك تمضي عقد معاهم علي خمس سنين و بعدها ربنا يكون وفقك
روح:-بس كده كتير و الشهر ده معايا الي بعده مش معايا
هيام:-ما انتي شغلك بتكسبي منه حلو
روح:-انا سبت الشغل
هيام:-سيبيلي انتي عماد و انا هتفاهم معاه علي 1300
روح:-لا حتي لو ب1300 مش هينفع هجيبهم منين
هيام:-هندور ع شغل
روح بتتنهد:-امري لله لو 1300 ماشي مع انو كتير علي شقه

هيام:-ماشي هو ده الي مخلي نفسيتك زفت؟؟
روح بدموع:-لا
هيام:-امال؟؟
____________________________________
ادهم برده منمش و لا غمض عينيه وشها الملاكي و برائتها يستحيل يكونوا كدب!
مع كل الي حس بيه بأنه كان مخدوع و انو بقه بيكرها كان خايف خالد يقول لكل الناس لسه كان خايف ع سمعتها برده
ادهم:-ليه كده يا روح؟؟ليه!؟

استناها يمكن تعدي علي الاوضه بتاعته قبل ما تمشي لكن برده كان مستحيل
هو عارف انها حتي لو ممشيتش مش هتعدي عليه بس اصر يبصلها و يحفظ ملمحها لاخر مره و خرج و فضل واقف علي السلم بيتظاهر انو بيعدل جزمته لكن باب اوضتها كان مقفول!
راح ادهم اوضه ساندي و فادي لازم يبصلها و لو حتي ثواني ده كان احساسه لما فتح الباب لقي فادي و ساندي اعدين يعيطوا و معاهم وحده محتاسه و بتحاول تسكتهم
ادهم:-انتي مين؟
دعاء:-انا دعاء المربيه القديمه دولت هانم كلمتني النهارده الصبح اجي عشان القديمه مشيت
ادهم:-مشيت؟؟ازاي؟؟امتي؟؟

________________________________
وداد:-منعرفش صحينه سته الصبح كالعاده و ملقنهاش و ماما اعدت تشتم و كده
ادهم بسرحان:-مشيت بليل!
وداد:-ادهم؟؟انا كنت مزعلها مني اوي تفتكر ده السبب؟
ادهم:-لا
وداد:-ايه الثقه دي؟؟هو انت عارف؟
ادهم:-انا؟…
فكر شويه
ادهم:-لا
و نزل جري علي اوضه خالد الي اول ما شاف ادهم حس كأن لوح تلج علي دماغه
ادهم:-خالد؟عوزك لحظه
خالد بأرتباك:-ماشي
ادهم:-حكيت لدنيا حاجه او لاي حد؟
خالد:-لا..لا
ادهم:-طيب متحكيش لحد الموضوع اتقفل تمام؟

ارتاح خالد لما عرف ان ادهم وقع في الفخ الي هو عمله و ان روح اطردت مظلومه
خالد:-طبعا طبعا انا مبحبش القلق
ادهم:-لكن هو ازاي ده حصل؟
خالد:-هو ايه؟
ادهم:-احكيلي ازاي هيه قربت و كده؟

خالد:-الحجات دي مش بتتحكي
ادهم:-هممم ماشي
خالد:-ايه يا ادهم انت كنت واقع و لا ايه
ادهم:-خالد و النبي ما ناقصه هواجس
و مشي و اول ما ركب عربيته كان سرحان مجرد تخيل روح بتعمل كده مش راضي يجي لان فعلا روح فيها طيبه و براءه عجيبه
ادهم بيمسح علي شعره بايده:-استغفر الله العظيم..يار ب وجهني للحقيقه قلبي و عيني مصدقين بس قلبي مش راضي يقتنع!
________________________________
هيام:-ياااااه يا روح كل ده حصل؟
روح:-اه
هيام:-و فعلا حبتيه؟؟

روح:-اكتر مما تتصوري
هيام:-بس انتي غبيه مكنش المفروض تمشي قبل ما توضحي
روح:-اسكتي يا هيام انتي لو شفتي بصته و طريقه كلامه بقك هيتعوجع حسيت بجد اني وحشه انا شخصيا صدقت
هيام:-لا كنتي تكتبي جواب و تسيبهولو و لا الي اسمه خالد ده و الله نفسي ادب ايدي في زماره رقبته
روح:-الله يسهله
هيام:-يسهله؟؟الهي يصعبها عليك و تموت مخنوق يا اخي قادر يا كريم
روح:-خلاص بقه دي مراته حامل
هيام:-يا نهار اسود و كمان متجوز و مراته حامل؟؟ايه يا ناس هيه البلد خلاص معدش فيها اخلاق
روح:-خلاص و النبي
هيام:-من وسط كل

الطقم بتاع العمل حظك انتي الاسود
روح:-يا هيام انا مأعداكي جمبي عشان تفكريني ان حظي اسود انتي كمان؟
هيام:-خلاص خلاص انا همشي بقه عشان ماما مجهزنله صنيه اكل انها ايه و لا الهوا يا معلم
روح:-ربنا يخليكي و الله وحشني اكل طنط
هيام:-ماشي سلام
روح:-هيام؟؟
هيام:-ايون؟
روح:-متنسيش تتكلمي مع عماد
هيام:-عيب يا بت اكيد هكلمهز..يلا سلام
روح:-هيام؟
هيام:-يادي النيله عوزه اروح اجيب الاكل
قامت روح جريت و حضنت هيام
روح بعياط:-قسما بالله انتي جدعه!
هيام:-استغفر الله العظيم طب انتي بتعيطي ليه دلوقتي؟

روح:-متسبنيش ابدا يا هيام
هيام:-عيب يا بت الكلام ده
بعدتها عنها بهزار:-اوعي بقه عوزه اجيب الاكل همووووووووت
روح:-هههه ماشي
__________________________________
دخل ادهم مكتبه بنرفزه من غير سبب كل ما يقابل حد يوبخه بسبب او من غير!!
كان عامل زي المجنون بالظبط و هو مش عارف ليه؟؟
دخل مكتبه لقي فاتن اعده و مستنياه
ادهم:-فاتن اخرجي برا انا مش طايق نفسي النهارده
فاتن:-انا اسفه اوي يا ادهم
ادهم:-اسفه؟؟و انا اعمل ايه باسفه دي؟

فاتن:-انا عملت ايه اصلا
ادهم:-كمان؟؟اصلا انا ازاي هتجوز وحده كل شويه تهددني
ادهم اعد بعصبيه قامت فاتن اعدت علي ايد الكرسي
الغريب انو سكت
حطت ايدها علي كتفه برقه
و الغريب انو سكت
فاتن:-انا جيه اعمل معاك اتفاق اخير
ادهم:-خير؟؟

فاتن:-ادهم اوعدك ان املاكك هتكون معاك بس قلي انت عاوزني و لا لا و في الحالتين و الله املاكك معاك قول يا نتجوز و نعيش حياه حلوه و اوعدك مقرنش بيني و بين ملك و اعامل ولادك احسن معامله و ايما مش هنتجوز و انا هصر علي الرفض باي حجه
ادهم:-لو…
فاتن:-قبل ما تجاوب يا ادهم اعرف حاجه مهمه انا كنت بحبك من قبل ما تتجوز ملك!!ها قلت ايه؟؟
___________________________________
روح:-اتأخرت ليه البت دي؟
كانت هتخرج برا الاوضه لما…
امها:-يالهوي روح الحقيني!