روايع كامله بقلم وعد يحيي

.الحلقه 13 اول ما روح شافت ادهم عرفت انها اخر يوم هتنام في السريا
روح بهدوء:-عرفه اني مخالفه للاوامر و همشي بكره
ادهم:-تمشي بكره ليه؟
روح:-عشان خلفت الاوامر
ادهم:-لا انا مليش دعوه بدل ماما مشفتكيش يبقي خلاص انا مليش دعوه
روح:-فعلا؟؟اشكرك
جت تمشي
ادهم:-بس سؤال؟
روح:-همم؟

ادهم:-ايه الي خرجك دلوقتي
اتنهدت روح و هي بتيص للسما و نسيت هي وقفه مع مين
روح:-تعبت اوي من التفكير فحبيت اتمشي شويه حسيت اني هتخنق
بصلها ادهم كتير بيتأملها و كأنه بيشوفها لاول مره و هي مش وخده بالها لانها كانت بصه للسما
ادهم بهدوء:-و انا كمان
بصتله و كأن جملته قطعت تفكيرها و افتكرت هيه وقفه مع مين فاتعدلت فوقفتها
ادهم بيعد ع الارض:-انا كاره حياتي اوي و تعبان
حست انو بيكلمها و هيحكي فأعدت قدامه و هو معلقش برده
روح:-ليه يا ادهم باشا بتقول كده؟

ادهم:-ماما عوزه تجوزني فاتن بالغصب
روح:-مع احترامي بس يعني مفيش واحد بيتغصب البنت اه انما الولد لا
ادهم:-كل شيئ ملكي بأسمها حتي الشركه و ممكن تسحب كل حاجه زي ما بتسحب سجاده من تحت رجلي بكل سهوله و انا مشفتش ام ترضي لابنها كده بس عشان رغبتها الغبيه
روح:-بس…فاتن هانم دي…
ادهم قطعها:-لو سمحتي يا روح انا اعد بتكلم معاكي لا تقولي هانم و لا باشا انا زهقت من حياتي دي اصلا و عايز اتكلم عادي…انسان عادي
روح:-طيب بس فاتن هانم؟

ادهم:-حتي ماما متقليش هانم و لو مش عيزه تتكلمي قومي
و بص الناحيه التانيه بضيق فأبتسمت روح
روح:-كنت يعني بقول ان فاتن بنت حلوه و حميله و محترمه و قريبتك و نفس المستوي و بتحبك جداااا
بصلها ادهم تاني باهتمام
ادهم:-و الحب؟
روح:-ملك هانم….اصدي ملك الله يرحمها محظوظه بكل وفاق حضرتك بس ربنا ميرضاش كده ده عدي 8 سنين بحلهم يا باشا……ادهم!
ادهم:-لا يا روح ملك مكنتش زوجه دي كانت اكم و اب و اخت و حبيبه و عشقي و حبي مش قااااااااااادر بقه!

و صرخ فجأه في عز اليل و مره وحده عيط جامد اوي
اتوترت روح مش عرفه تتكلم و لامت نفسها انها اتكلمت اصلا و فجأه و من غير وعي رفعت ايديها و اعدت تطبطب علي كتف ادهم بس من بعيد لبعيد
روح:-قل لن يصيبنا الا ما كتب الله لنا و ده عمرها و يمكن ده الاريح ليها يا ادهم
المره دي قالت ادهم عادي من غير ما تاخد بالها
روح:-و بعدين هيه شخصيا عمرها ما كانت ترضي ده و اولادك محتجين ام و فاتن بتحبهم
ادهم:-بس هما مش بيحبوها
روح:-دول اطفال يعنب لو اعدو مره

بعاها و لعبت معاهم خلاص كلو بقي تمام
ادهم:-بس انا مشفتش ولادي بالسعاده او بالحب ده لحد غيرك
احمر خدها من كتر الكسوف
روح:-اه…مهو عشان…كنت بلعب
ادهم:-ماشي بس لو فاتن فعلا كانت بتحبهم عمرها ما كانت هتمشيكي ابدا و انا بقه مش همسح انك تمشي…روح انتي لو فكرتي تمشي هخليكي غصب عنك
بصتله بدهشه و بعدين اتحولت لابتسامه عطف
روح:-طيب ممكن لو سمحت متبقاش عصبي انا مش همشي اصلا و حضرتك المفروض تتجوز فاتن ممكن ترضي بالامر الواقع و تستقبل الامر بابتسامه و تعامل فاتن حلو صدقني الحياه هتمشي حلوه بعدها و هتبقي عيله و

بصراحه انت جرحت فاتن اوي
ادهم:-طيب انا موافق ع كل كلمه قلتيها طب و اولادي
روح:-بعد ما تصالح فاتن خليها تزورهم و انا معاهم و سعتها مش هيقدروا يبعدوا عنها لحظه
ادهم:-ماشي يا روح انا فعلا هعمل كده
سكتوا شويه
ادهم:-و انتي ايه الي خانقك
روح:-لا لا مفيش مش هدوش دماغك
ادهم:-يووووه
روح:-خلاص خلاص هقول
ادهم:-ايوه
روح:-بيتنا مهدد انو يقع و ماما عيشه فيه و جارتي بتصرف عليها و مش عرفه اعمل ايه و هحوش فلوس بيت منين و فلوس مصاريف ماما و بعدين هيام جارتي الي في العماره الي قصادي

و لو اتنقلت بعيد لازم انا اسيب الشغا و افضل جمبها و ارعها
عنيها دمعت لا اراديا لما افتكرت همها
ادهم ببساطه:-اتجوزي!
روح بكسوف:-احم…نعم؟
ادهم:-انا بتكلم جد اتجوزي واحد يصرف عليكي و يأعدك في البيت جمب مامتك ترعيها
روح:-و مين هيستحمل اني اصرف علي ماما بفلوسه؟
ادهم:-واحد يكون غني و مش بيقرف معاه ال….
قطع كلامه بصتها و افتكر انها فقيره يعني عمرها ما هتتجوز حد غني
ادهم لاول مره يحس بالاحراج قصاد حد اقل منه
ادهم:-احم…ربنا يحل مشكلنا و مشكله وداد
روح بخضه حقيقيه:-ليه؟

ادهم باستغراب:-مالك اتخضيتي ليه
روح:-بصراحه و من غير ما تقول لوداد انا و هيه اتفقنا نكون صحاب و بقلها دودو كمان
ادهم:-هههههههه مجنونه يا وداد
روح بزعل:-ليه مجنونه عشان بتتكلم مع خدامه مش كده يا ادهم باشا؟

ادهم بخضه:-لا لا اسف مش ده قصدي ده انا كنت هقلك نكون صحاب بردوا
فرحت اوي لتغير ادهم
روح:-موافقه…بس مالها وداد
ادهم:-هيجوزوها واحد غصب عنها
روح:-اه دي بتحب احمد
حطت اديها علي بقها لانها فشت سر
ادهم:-هههه لا ده انتو صحاب جدا بقه متخفيش هيه قالتلي
روح:-ممكن حضرتك تتكلم مع مدحت تفهمه
ادهم:-بفكر اعمل كده و الله
مي:-ادهم باشا؟؟روح؟
اتخضيت روح و ادهم وقف يا تري ايه الي هيحصل لما مي شافتهم مع بعض في الجنينه و بليل و بعيييد؟؟

💗💗💗💗💗💗💗💗💗💗💗💗💗💗
.الحلقه 14 حست روح ان قلبها اتعصر و اتخضت من وجود مي الا ان ادهم اتكلم بهدوء
ادهم:-ايه الي جابك هنا؟

مي:-كنت وقفه في البالكونه و سمعت حد بيصرخ و عشان بيكونتي قريبه من هنا فنزلت بسرعه اشوف
ادهم:-انا الي صرخت بردو روح جت جري ياريت ترجعو بقه انا دخل في رجلي حاجه و متملكتش اعصابي و بعدين مش انتوا عرفين ان ممنوع تنزلو؟؟يلا غوروا
قال الكلام ده انقاذا لموقف روح الي منطقتش و لا كلمه طول ما هيه مشيه مع مي راجعين السريا
مي:-هههه كنتو بتعملو ايه
روح:-انتي هبله؟؟سمعتوا بيصرخ و جيت
مي:-اصلك كنتي اعده جمبه لزق…لا بس شطره
روح وقفت:-بقلك ايه لا فوقي و اتعدالي و خلي بالك من كلامك ايه الخيبه دي عيب

عليكي الي بتقليه ده
مي:-و الله؟؟بتعملي نفسك محترمه عليا يا شيخيه اتلهي
و سابت روح و مشيت و روح جريت علي اوضتها و هيه خلاص انفجرت عياط و كل الي جواها طلع لان دي سمعه و مسير كل الي في القصر هيوصلهم الكلام و ادي مشكله جديده فوق كوم مشكلها…
____________________________________
و تاني يوم الصبح فضلت روح مسهمه و مش بتتكلم مع حد و لما قبلت مي في وشها مفكرتش تبصلها الا انها حست بنظرا مي الساخره و راحت لوداد الي كان حالها اسوأ من حال روح بس روح مفكرتش تواسيها و قررت انها مديره منزل و

مربيه و بس لا صديقه حد و لا حاجه و لاحتي وداد
و ادي اوضه ادهم…!!
دخلت بعصبيه
ادهم بابتسامه:-صباح الخير
طلعت القميص و البنطلون و حطتهم علي السرير
روح:-حاجه تاني؟؟دول مكوين
ادهم بيقرب:-في ايه
بعدت خطوتين لورا
ادهم:-مالك يا روح احكي مش احنا صحاب؟

روح:-لا….انا مديره منزل بس
ادهم:-هو ايه الي حصل
ممسكتش نفسها و عنيها بدمع
ادهم:-طب قولي
روح:-مي لما شفتني معاك فهمت غلط و بتبصلي ع اني وحده زباله و بكره الكل يعرف و انا محلتيش الا سمعتي
ادهم:-يتقطع لسانها و الله لاوريها
روح:-لا لا لا كده هتقول اني بتكلم معاك و مش كويسه
ادهم:-ليه يا روح عمله حساب لكل حاجه ارفعي راسك و امشي و طز في الي يبص و الي يتكلم
روح:-لاني مقدرش اسكت الي يتكلم و محلتيش غير الي بيتكلموا عليه فهمت يا ادهم باشا؟؟؟

و خرجت قبل ما تعيط جامد و حس ادهم بضيق ع زعلها
اعدت روح مع فادي و ساندي بس فضلت ساكته حاولو يلعبو معاها لكنها قررت تكرهم فيها عشان تمشي!!
فادي:-العبي بقه
روح:-قلت لا
ساندي:-طب بتسعئي ليه
روح:-كده
دخل ادهم و باس ساندي و فادي و بعدين اعد علي ركبته قصادهم
ادهم:-مين يلعب مع بابي؟
ساندي:-و بابي يعلف يلعب؟
ادهم:-اه قولوا و انا العب
فادي:-نلعب جنون
ساندي:-اه
ادهم:-هههه و اده ايه ده بقه انكش شعري و اصرخ؟

فادي:-ههه لا يا بابي انت تشلينا و تلف بينا و نقع علي الالض و نتحك
اعدت ساندي تلف تلف تلف حولين ادهم و وقعت و هيه بتضحك
ساندي:-كته هو يا بابي
قام ادهم وقف و شال ساندي و اعد يلف بيها و راح فادي اروح الي ابتسمت و هيه مش عرفه تخبي بسمتها
فادي:-يلا يا رورو احنا كمان
قامت روح وقفت و شالته و اعدت تلف بيه و وقعت مع فادي في نفس اللحظه الي وقع فيها ادهم و اعدوا يضحكوا كلهم
قام ادهم تاني و شال فادي و بردوا اعد يلف و قامت روح

و شالت ساندي و في وسط ما هما بيلفو:-
ساندي:-بث بث بث كفايه كته
وقفت روح و نزلتها و لسه ادهم بيدور و روح مدياله ضهرها و بتعدل شعر ساندي
روح:-هههه شعرك اتنكش
ساندي:-انتي يا رورو اموره اوي و شعرك مش بيتنكس
روح:-ههههههههههه
و فجأه ادهم نزل فادي و بص علي روح الي مديره
فادي:-ايه؟؟تاااااااااااااااني؟؟

و بدون اي تفكير قام ادهم حاوط روح و شالها فعلا و اعد يلف و روح اعدت تضحك و نسيه الدنيا كلها و ساندي و فادي كانو فرحنين اوي بشكلهم و لغايه ما ادهم وقع و فوقه روح الي خدوده احمرت و هي بصه في عينه بثبات
حطت ساندي ايدها علي عين فادي و الايد التانيه علي عينها
*قامت روح جري لما افتكرت الزمان و المكان……و الشخص!!
روح:-اف….افرض كان حد دخل يا ادهم باشا؟؟

ادهم:-انا كنت بضحك الاولاد و بضحكك اسف و بعدين احنا اصحاب اسمها ادهم بس و لازم تعرفي انك اول وحده اقولها كده بعد…..ملك
روح:-لا يا ادهم باشا مش يتفع كده
ادهم:-قلت ادهم بس!
و باس اولاده و مشي و هو مبتسملها
و اول ما قفل الباب حطت اديها مطرح ايديه و اعدت تلف لوحدها و تضحك و ساندي و فادي يلفو………..

_________________________________
لمت روح شعر ساندي لفق و عدلت شعر فادي و مسكت اديهم بعد ما خلصت و لبست جزمتها الكعب العالي
روح:-يلا نروح لنانا
ساندي:-يلا
وصلتهم روح لاوضه دولت و جت تخرج
دولت:-روح؟؟
روح:-ايوه يا هانم
دولت:-خليكي
روح:-حاضر
فضلت وقفه في حين ساندي اعدت ع رجل دولت و فادي علي الرجل التانيه
دولت:-مبسوطين مع روح؟؟
فادي:-اه خوخ عثوووله اوي
دولت:-هههههههههه خوخ؟؟
ساندي:-اه رورو
دولت:-بابا بيعدي عليكو؟
ساندي:-ده بقي طيييب خالص
فادي:-خالص
دولت:-فعلا؟

ساندي:-اها
دولت:-هههه الحمد لله
فادي:-و بيلعب معانا
دولت:-هههههههههههههههه بجد؟؟مش معقول؟؟
ساندي بحماس:-اه اه و من سويه سال رورو و اعد يلف بيها و وقعوا ع بعض و بعد كده غمضنا عنينا ههههههههههههههه
فادي:-ههههههههههههههههه
بصت دولت باسرع ما يمكن لروح الي ارتبكت جدا و دولت في عنيها شرار نار يا تري ايه الي هيحصل؟؟ .