اختي اطلقت

اختي أطلقت من جوزها راح بابا قالي لازم تتجوزي انتي وقبل ما بدا حكايتي اعرفكم بنفسي انا اسمي هبه عندي 26 سنة ولسه انسة عايشة مع ماما وبابا وليا اختي الكبيره متجوزة راجل كبير في السن وفي يوم كانت عندنا وقالت لي تعرفي يابت ياهبه انتي نعمة كبيرة وانا بحسدك عليها هبه ودي نعمة ايه دي بقا يا رقيه اللي انا فيها رقيه عايشة من غير جواز لسه متجوزتيش لحد دلوقتي ودي احسن حاجة عملتيها والله بلا جواز بلا هم ياختي

هبه طيب ولما هو الجواز هم يارقيه ليه وافقتي تتجوزي ابيه شاكر من الاول ليه ماكنتي رفضتي تتجوزيه مع انه اكبر منك ب 15 سنة رقيه مانا شوفت الفلوس والعز اللي هو فيه عيوني زغللت بصراحة وكنت فاكرة اني هاعيش في نعيم لا لا دي غلطة عمري يابنتي هبه بصي يارقيه من الاول انتي اللي اختارتي وده كان اختيارك انتي وبموافقتك انتي يعني محدش ضړبك على ايديك وفي الاخر كل شيء قسمة ونصيب وده نصيبك بقا ياحبيبتي وارضي وعيشي

رقيه ارضى واعيش ايه انتي كمان انا نفسي اطلق منه انا بقيت بكرهه جدا ياهبه ومحدش حاسس بيا خالص هبه ربنا معاكي يارقيه ويعينك على اللي انتي فيه ودخلت ماما وقالت انتو قاعدين هنا عمالين ترغو وجوزك جه بره يارقيه وبيسال عليكي رقيه هوووف وده ايه اللي جابه ده ما انا قولت له اني هاروح لوحدي لازم يجي يعنى لحد هنا الام وفيها ايه يابنتي لما جوزك يجي ياخدك ده كده بېخاف عليكي ياحبيبتي بقولك ايه انتي تقابليه كويس عشان ابوكي مايزعلش منك انتي فاهمة ولا لا

رقيه حاضر ياماما انا هحاول اقابلة كويس اهو روحيله انتي وانا جايه وراكي علطول ياساتر ده عامل زي الهم على القلب هبه انا مش فاهمة انتي عايشة معاه ازاى وانتي بتكرهيه كده ده كويس بقا انك مخلفتيش منه يارقيه لحد دلوقتي احسن حاجة كان زمانك عامله مشاكل معاه اااد كده رقيه وطت صوتها وقالت كلام في سرك ياهبه انا اللي باخد حبوب منع الحمل ومش عايزة اخلف منه خالص اسكتي ياهبه انتي عايزاني اجيب عيال منه ازاى وانا مش بطيقة يلا انا خارجة له لحسن يقول اني مش معبراه ولا حاجة

وسابتني وخرجت بره الاوضة وانا قولت لنفسي يلهوي يارقيه انتي ايه ياشيخة معقوله في كده ربنا يهديكي ولما خرجت بابا قالها ايه يارقيه جوزك قاعد من بدري مستنيكي هنا وانتي قاعده جوه بتعملي ايه ده كله الام دخلت لقيتها قاعده بترغي هي وهبه ياحاج والكلام اخدهم اخوات بقا ياخويا وكده رد شاكر وقال وهي فين هبه صحيح اصلي كنت عايز اسلم عليها ولا هي مش عايزة تشوفنا ولا ايه ياحماتي الحما لا طبعا ازاى مش عايزة تشوفك ياشاكر هي بس مشغولة شوية بتعمل ورق للشركة اللي هي شغاله فيها دي

شاكر انا مش عارف ايه لازمة الشغل بتاعها ده ياحماتي المفروض بنوتة زيها تقعد في البيت هانم ومتنزلش الشغل رقيه جرا ايه يا شاكر اختي هبه حره تشتغل ماتشتغلش بابا وماما بس هما اللي يقولو تعمل ايه انما هاتقول انت رايك تخليه لنفسك ياحبيبي ولا انت هتتحكم فيها زي ما بتتحكم فيا لا اختي حره في اللي بتعمله شاكر في ايه يارقيه هو انا قولت حاجة يعنى ولا الواحد ميعرفش يتكلم معاكي خالص الام جرا ايه يارقيه هو الجدع قال حاجة يابنتي ده بيتكلم عادي خالص

شاكر اهي علطول كده ياحماتي كل ماقول كلمة قدامها تعمل فيها كده وتطلع فيا الام معلش ياشاكر دي بتتدلع عليك بس شاكر مانا مستحملها اهو ياحماتي اعمل ايه تاني وانا خرجت من الاوضه ودخلت عندهم لقيت شاكر وقال ازيك ياهبه اخيرا خرجتي من اوضتك وشوفناكي هبه معلش اصلي كنت بعمل شوية ورق للشركة وكده فمكنتش فاضية اخرج انت عامل ايه شاكر انا كويس الحمد لله ياهبه طيب ماتسيبك من الشركة اللي انتي شغاله فيها دي وتعالي اشتغلي في شركتي واختاري الوظيفة اللي انتي عايزاها

هبه لا لا شكرا يا ابيه انا مرتاحة في شغلي ومعايا زمايلي وواخدين على بعض وكده شاكر اممم طيب ياهبه اللي يريحك اعمليه يلا بينا يارقيه نرجع البيت بقا لحسن انا تعبان من كتر الشغل في الشركة رقيه يلا بينا وبعدين انا مش عارفة انت ايه اللي جابك اصلا مش انا قولت لك اني هاروح لوحدي انت جيت لي ليه شاكر يعني الحق عليا اني خاېف عليكي تروحي لوحدك يارقيه بابا رد عليها وقالها عيب كده يارقيه عماله تدي للراجل كلام كلام وهو مقالش حاجة غلط ده لحد دلوقتي عمال يدلع فيكي ومقالش كلمة واحده اهانك بيها

رقيه هو انا عملت ايه يعني يابابا الله هو ايه ده ياجماعة انتو كلكم عليا بقا ولا ايه شاكر خلاص ياجماعة حصل خير يلا بينا عن اذنكم ورقيه وجوزها مشيو من عندنا وماما قالت لبابا والله الجدع خسارة في بينتك دي انت شوفت البت بتعاملة ازاى يا حامد حامد انا مش عارف البت دي طالعة لمين هبه ربنا يهديها يابابا لنفسها دي بقت علطول عصبية ومش بتستحمل كلمة منه وساعتها تليفوني رن وكان وليد زميلي في الشركة وانا وهو بنحب بعض وقولت لبابا

طيب انا هدخل اوضتي يابابا عن اذنك انت وماما ودخلت الاوضه ورديت عليه وقولت ايوه ياوليد معلش مكنتش عارفه ارد عليك اصلي كنت قاعده مع بابا وماما بره في الصاله وليد ولا يهمك ياحبيبتي انا كنت بطمن عليكي لانك كنتي ماشية الصبح من الشغل تعبانة انتي عاملة ايه طمنيني عليكي هبه انا تمام الحمد لله بس كان عندي صداع جامد اوي الصبح وانا في الشغل عشان كده رجعت بدري وليد طيب مش هتحددي ميعاد مع ابوكي بقا عشان اجي اقابلة واطلب ايديك منه ياهبه بجد انا مبقتش متقبل فكرة اننا نكلم بعض من غير ارتباط دي خالص

هبه ومين سمعك ياوليد انا كمان نفسي اوي لاني بقيت بخاف لحد في الشركة ياخد باله من كلامنا مع بعض يجيبو سيرتي ولا حاجة وليد محدش يقدر يقول عليكي كلمة وحشة ياهبه انتي احسن بنت في الشركة ياهبه وهو ده اللي مخليني متمسك بيكي هبه خلاص ياوليد هبعتلك نمرة بابا وانت كلمة واتفق معاه انك تقابله وقفلت مع وليد وطلعت على السرير عشان انام وعند رقيه وصلت هي وجوزها الفيلا بتاعتهم وقالها اتفضلي انزلي ياهانم ونزلت ودخلو وقالها

مش معنى اني مش برضى اتكلم قدام ابوكي وامك واختك يبقا تسوقي فيها قدامهم وتعملي فيها انك المسيطرة لا انتي عرفاني لما بقلب ببقا عامل ازاي رقيه والله كنت عارفه انك هتعمل كده لما نرجع البيت عشان اصلا انت كنت قدامهم هادي وراسي خالص الا ليه بقا ياشاكر كنت هادي قدامهم شاكر عشان احترمك قدامهم يارقيه عشان محسسش ابوكي انك بتعامليني وحش برغم كل اللي بعمله معاكي كل اللي بتطلبيه بيجي لك تحت رجلك مش فاهم كل ده مش عاجبك

رقيه لا ياشاكر مش عاجبني وهي كانت غلطة بقا اني اصلا وافقت اتجوزك من الاول لان الحياة بينا بقا صعبه شاكر يعني انتي عايزة ايه وايه اللي يريحك وانا اعملهولك يارقيه رقيه عايزه اطلق ياشاكر ايه هتطلقني ولا ايه شاكر هطلقك بس كلامي مش معاكي كلامي هيبقا مع ابوكي مع الراجل وعدت الايام والمشاكل بين رقيه وشاكر جوزها بتزيد وبابا كل مايهديهم يرجعو تاني يعملو مشاكل وليد كلم بابا وقاله انه عايز يقابلة وجه عندنا وقاله

انا جاي وطالب القرب منك ياعمي في هبه بنتك انا زميلها في الشغل حامد وانت بقا يابني عندك شقه على كده ومرتبك هيعيشك انت وهبه وليد والله ياعمي انا حاليا معنديش شقة لسه بس ممكن اسكن مع امي في شقتها لحد ماحوش واجيب شقه وبعدين حضرتك عارف احنا لسه على أول الطريق ومع بعض هنكون مستقبلنا حامد اسمع يابني انا اب واحب ان يكون لبنتي مستقبل جاهز مش لسه هتكونة مع جوزها المفروض اني بجوز بناتى للي يقدرهم واللي يخليهم ميبهدلوش معلش يابني اعذرني انا مش موافق

ومشي وليد وانا قولت لبابا ليه كده يابابا بترفض وليد ليه انا وهو عايزين بعض وزي ماهو قالك نكون نفسنا سوا حامد انا قولت اني مش موافق وخلاص ياهبه مش عايز كلمة زيادة انا بدور على مصلحتك ونفسي اجوزك جوازه زي بتاعت اختك هبه بتقول جوازة زي بتاعت اختي جوازة كلها مشاكل جوازه ملهاش طعم وكل ده عشان هي مش بتحبة الام اسمعي كلام ابوكي ياهبه محدش هيخاف عليكي اده هو الوحيد اللي عارف انتي هتنفعي تعيشي ازاى وخلاص بقا متتكلميش تاني

وعدي كام يوم ورجعت رقيه البيت وقالت لابوها طلقني منه يابابا طلقني ده مد ايده عليا وضړبني بالقلم حامد ضړبك ازاى يارقية ده شاكر عمره ماعملها عملتي ايه يا رقيه خلتيه يمد ايده عليكي رقيه بارتباك م م معرفش اسالة انت يابابا بس رجوع ليه تاني مش راجعة الام يعني عايزة تسيبي العز اللي انتي فيه ده كله وعايزة تتطلقي يارقيه يابنتي اعقلي يابنتي بقا وبلاش حكايه الطلاق دي رقيه انا عايزة اطلق يابابا يعنى عايزة اطلق خلاص انا لايمكن اعيش معاه تاني

وراح بابا يقابل شاكر وقال له ايه ياشاكر يابني هي رقيه مصممة على الطلاق ليه كده هو ايه اللي حصل لده كله وبعدين بتقول انك مديت ايدك عليها انت عمرك ماعملتها ليه كده يابني بس شاكر يعني مش قالت لك انا ضړبتها ليه ياعمي انا ضړبتها عشان خدعتني وضحكت عليا تصور اكتشفت انها بتاخد حبوب منع الحمل عشان مش عايزة تخلف مني تصور يعنى قايد ليها صوابعي العشرة شمع تقوم تحرمني من الخلفه حامد انت بتقول ايه ياشاكر معقوله رقيه بنتي تعمل كده طيب ليه عملت كده يابني

شاكر قالت لي بالفم المليان انها مش عايزة تخلف مني انت يرضيك كده حامد لا طبعا مايرضنيش وانا هكسر لك دماغك على اللي عملته ده شاكر لا مفيش داعي ياعمي انا خلاص هطلقها عشان بنتك متلزمنيش خلاص حامد ياشاكر يابني متقولش كده احنا معندناش حاجة اسمها طلاق شاكر لا ياعمي انا خلاص هطلقها الصبح وورقتها هاتكون عندها انا بس ليا طلب عندك حامد طلب ايه يابني اللي انت عايزة انا اعمله شاكر انا عايز اتجوز هبه اخت رقيه يعنى لما اطلق رقيه اتجوز هبه وهدفع لها المهر اللي تقولو عليه وكل اللي هبه عايزاه هنفذهولها

حامد طيب اشمعنا هبه ياشاكر انت عارف ان كده ممكن يحصل مشاكل بين البنات وبعضهم بسبب الحكاية دي شاكر ويعملوا مشاكل ليه ياعم حامد بالعكس انا شايف انه هيكون في تفاهم بين الاتنين لان اصلا رقيه بنتك مش عايزاني يعنى الموضوع بالنسبة لها هيكون عادي وبعدين انا عايز اتجوز هبه لان هبه هاديه كتير عن رقيه وهي اللي هتحافظ على بيتي وهي اللي هقدر اخلف منها ومش هتخدعني حامد خلاص يابني سبني بس اتشاور مع هبه واشوف الموضوع ده معاها هي واختها لان الحكايه صعبه شوية

شاكر الصعب هو العيشه مع بنتك رقيه وبصراحة كده انا عايز هبه توافق على الجواز وانتي تخليها توافق وكل اللي انت عايزة انا هنفذه حتى لو عايز اكتب لها فيلا باسمها هكتب لها ومش بابا من عند شاكر وهو محتار يفاتحني ازاى في الموضوع ده واستني لما شاكر طلق رقيه وقالهاكده يارقيه تخلي الراجل يطلقك وسبب الطلاق انك مش راضية تخلفي انتي ايه ياشيخة معندكيش ډم رقيه اسمع يابابا انا أطلقت وخلاص بقا واهو راح لحال سبيلة ومش عايزة بقا اسمع سيرتة تاني

حامد طيب يابنتي شاكر عايز يتجوز اختك هبه وانا مش عارف ارد عليه اقوله ايه رقيه وانا مالي يابابا مايتجوزها هو حر بقا بس المهم بنتك هبه هتوافق على أنها تتجوزه هاتها كده واسألها ونده بابا عليا ورقيه قالت لي تعالي ياست هبه شوفي شاكر أفندي جوزي بعد ماطلقني عايز يتجوزك انتي تعالي شوفي هتقولي ايه هبه انتي بتقولي ايه هو مين ده اللي عايز يتجوزني بقا شاكر عايز يتجوزني انااا ليه رقيه معرفش بس باين البيه كان معجب بيكي ودايب فيكي وانا معرفش عشان كده مصدق انه يطلقني عشانك

هبه ايه الكلام الهبل ده بقا جوزك يطلقك عشان يتجوزني ده باينه اټجنن وبعدين اصلا مين اللي هتوافق بيه انا عن نفسي مش موافقه حامد يعني ايه مش موافقه انتي هتوافقي ورجلك فوق رقبتك انتي فاهمة ولا لا هبه انتي عايزني أوافق عليه يابابا بعد ماطلق اختي وعشان ايه يعني اذا كان انت رفضت الراجل اللي كنت عايزة اعيش معاه حامد انا رفضتة عشان مش حيلتة حاجة ده واحد مرتبه على اده لا وكمان معندوش شقه عشان تتجوزو فيها قال ايه جاي يقولي هاعيش في شقه امي يعنى يتجوزك وتروحي تعيش مع أمه ده مين اللي قال كده

هبه ومالو يابابا لما اعيش معاه عند امه انا طالما بحبه هاعيش معاه في اي مكان انشالله حتى في الشارع حامد وانا بقا مايرضنيش انك تعيشي في الشارع وهتتجوزي شاكر ده ناوي يكتب لك فيلا باسمك لا وكمان هيدفع المهر اللي اقوله عليه من جنية لمليون هبه وانا اسفه يابابا انا مش موافقه عليه ولو غصبت عليا انا هولع في نفسي حامد شوفتي بنتك يانادية وكلامها ياريت تعقليها بدل والله هطلق وارميكي في الشارع انتي وهما

وحسابنا مع ماما ودخل الاوضه وهي قالت لي جرا ايه ياهبه يابنتي ماتسمعي كلام ابوكي مينفعش كده ياحبيبتي انتي عارفه دماغه عامله ازاي ده مش هيسكت ده ممكن يقلب علينا كلنا عشان خاطري ياهبه وافقي هبه أوافق على مين ياناس حرام عليكم الناس تقول علينا ايه بس ماتقولي حاجة يا رقيه هو ده مش كان جوزك ايه انتي موافقه انه يتجوزني عادي كده رقيه بقولك ايه يا هبه انا مليش دعوة بيه انا خلاص اتطلقت منه هو عايز بقا يتجوزك يتجوز غيرك هو حر ياحبيبتي انا مالي انا مصدقت خلصت منه وعايزة اشوف نفسي

قالت كلامها وسابتني وانا قولت لنفسي يعنى ايه اللي بيحصل ده اختي تطلق من جوزها ويجي عايز يتجوزني انا لا وكمان الكل موافق اعمل ايه ياربي وجات في دماغي فكرة وقولت اتصل بوليد يشوف لي حل ولما رد عليا قولت له ايوه يا وليد انا عايزة اشوف ضروري محتاجة اتكلم معاك وليد مالك ياهبه صوتك ماله انتي بټعيطي ولا ايه في ايه هبه انا لازم اشوفك عشان اتكلم معاك خلينا نتقابل في المكان اللي كنا بنتقابل فيه

وفعلا نزلت رحت لوليد واول لما شافني قالي في ايه ياهبه قلقتيني عليكي هو ايه اللي حصل بس هبه اڼهارت من العياط وقالت بابا يا وليد عايز يجوزني لجوز اختي وليد نعم ابوكي عايز يجوزك لجوز اختك ده اللي هو ازاى ده مش فاهم حاجة انتي بتهزري صح هبه لا مش بهزر وهي دي الحقيقة بابا عايز يجوزني جوز اختي اقصد اللي كان متجوز اختي وطلقها وعشان خاطر فلوسة واكمنه غني بابا عايزني اتجوزه انا

وليد ليه بقا هو ابوكي هيبيعك بصراحه ياهبه انا اول لما شوفت ابوكي اول مره اتكلمت معاه عرفته وحسيت انه مادي وبيدور على الفلوس عشان كده رفصني وقالي انه مش موافق عليا وليه كل ده عشان الفلوس هبه انا تعبت ياوليد انا مش متصورة اني ممكن شاكر ده يبقا جوزي ده اكبر مني بكتير ده انا بقول له يا ابيه اتجوزه ازاى بس وليد انت لسه عايزني ولا لا وليد اكيد طبعا ياهبه انتي عارفه اني بحبك جدا

هبه خلاص يبقا تتجوزي هسيب البيت واجي لك تتجوزني ونهرب انا وانت بعيد عنهم خالص وليد انتي بتقولي ايه ياهبه انتي واثقه من كلامك ده يعني انتي ممكن فعلا تسيبي اهلك وتيجي تعيشي معايا هبه ايوه طبعا يا وليد اعمل كده انا عشانك اعمل اي حاجة المهم اتجوزك انت مش اتجوز راجل تاني وليد خلاص ياهبه سبيني بس اشوف الموضوع ده وافكر فيها وارد عليكي بس لو هربنا هنروح فين هبه نروح اي مكان المهم اننا نبقا مع بعض

وليد حبيبتى ياهبه انا كل يوم بحبك اكتر من اليوم اللي قبلة هبه انا مش عايزة حد غيرك يا وليد شاكر اتصل ببابا عشان يروح يقابلة عشان يتكلم معاه في موضوع جوازي منه ولما شاف بابا قاله ها عملت ايه ياحامد مردتش عليا في الموضوع اللي كلمتك فيه بابا ارتبك ومش عارف يقولو ايه وقاله ااا ااه كلمتها وقالت هتفكر اطمن ياشاكر انا قولت لك ان هبه ليك المهم دلوقتي فين الفلوس اللي وعدتني بيها اصل المشروع اللي انا داخله الناس مستعجلة على الفلوس وانا مش عارف ارد عليهم وخاېف يجيبو شريك غيري

شاكر الفلوس جاهزة اهيه جيبتهالك امال انا بعت لك ليه ياعمي هو انا ليا بركة الا انت ياحمايا العزيز ولسه بابا بيمد ايده عشان ياخد الشنطة شاكر شدها وقاله استني انت هتاخد الشنطة دي كلها من غير مانتفق الأول حامد نتفق على ايه ياشاكر هو انا مش قولت لك ان هبه بتفكر واني هخليها توافق شاكر لا هتمضي لي على الورق ده الأول عشان لو هبه موافقتش تتجوزني ساعتها هيكون ليا كلام تاني حامد طيب هو لازم امضي على الورق ده مينفعش اخد الفلوس من غير مامضى

شاكر لازم تمضي ياعمي الأول ماهو زي مانت هتضمن حقك وتاخد فلوس مهر بنتك مقدم انا عايز اضمن حقي ولا ايه حامد عند حق ياشاكر هات القلم لما امضي لك وفعلا بابا مضى لشاكر على وصلات الأمانة واخد الفلوس وراح بيها على سيد صاحبه وقاله خود ياسيد الفلوس اهيه 500 الف بالتمام والكمال دخلني معاك في المشروع بقا سيد بص للفلوس وعيونة لمعت وقال