طليق اختي

  طليق اختي       أنتم اكيد بتهزروا عايزين تجوزونى لا وكمان مين طليق اختى انا يستحيل اوافق على الجوازه دى….. باباها: من امتى وانتى بتعصيلى امر يا عشق عشق بدموع: ابدا والله يا بابا بس انت عارف انى عمرى ما هوافق يبقى ليه بتجبرنى وانت عمرك ما اجبرتنى على حاجه اعملها غصب عنى باباها: انتى عارفه ان احنا بنعمل كل ده عشان مصلحه ملاك يا عشق

مامتها: ايوه ما انتى عارفه اختك مكنش هممها حاجه غير انها تطلق وبس وبعد ما اطلقت وعملت الى هى عايزاه سافرت ودلوقتى ملاك بقت يا حبيبتى يتيمه الام فكنا لازم نجبلها ام تانيه واحنا مينفعش نجبلها واحده تيجى تربيها بعيد عننا لا انا ولا ابوكى نوافق على كده ابدا وبعدين انتى عارفه قد ايه ملاك متعلقه بيكى وبتقولك يا ماما لأنك فعلا إلى ربتيها باباها: وكمان متنسيش ان مازن راجل يعنى اكيد مش هيفضل يجيلنا البيت كل يوم ويجيب معاه ملاك عشان ناخد بالنا منها فى غيابه وبعد كده بيجى بعد ما بيخلص شغل ياخدها دى مش عيشه يا بنتى

اكيد عايز ست تشوف طلباته وتخلى بالها منهم عشق بعصبيه: وانا فين من ده كله ليه مفكرتوش فيا انا ايه ذنبى اتحمل فشل اختى فى جوازتها ليييييه حد يرد عليا مامتها: يابنتى احنا عايزين مصلحتك ومصالحه حفيدتنا كمان احنا لو كنا شايفين ان مازن وحش مكناش ابدا قررنا انكم تتجوزا بس انتى عارفه مازن كويس وكمان مش عايزين ملاك تتربى مع واحده غريبه عشق بدموع: أنتم عارفين ان انا روحى فى ملاك ده انا إلى سميتها وكنت طول الوقت بهتم بيها وواخده بالى منها

بس الموضوع صعب اوى يا بابا اتجوزه انا لحد قريب كنت بعتبره أخويا الكبير فجأه كده يبقى جوزى باباها: عشان خاطرى يا بنتى كله عشان مصلحه ملاك ومصلحتك انتى كمان عشق بعياط: انا مش قادره يا بابا مش قادره افكر مش عارفه حتى اتصرف ازاى انا عايزه اقعد لوحدى لو سمحتم خرجوا بره وسبوها لوحدها عشق قعدت تعيط بحرقه اووى لانها مش عارفه تفكر مش عارفه تعمل اى حاسه انها فى دوامه ما بين عقلها وقلبها

Flashback مازن بفرح: ازيك يا عشق عامله ايه عشق: الحمد لله يا مازن انت إلى عامل ايه بس مالك ايه الفرحه دى كلها مازن: اصل انا خلاص قررت اتجوز البنت إلى بحبها من زمان من واحنا لسه عيال صغيرين عشق كان قلبها بيرقص ساعتها لانها كانت طول عمرها بتحب مازن من اول ما عرف قلبها يحب مكنش فيه جواه غير مازن وكانت فاكره انو جاى هو كمان بيحبها مازن: انا خلاص هاجى اتقدم واتجوز شهد اختك

عشق ساعتها اقسمت انها سمعت صوت قلبها وهو بيتكسر مليون حته وعمال ينزف عشق بفرحه والدموع مترقرقه فى عينيها: الف مبروك يا مازن الف مليون مبروك انا فرحنالكم جدا مازن: انتى اول واحده تعرفى حتى شهد انا لسه مقولتلهاش على ايه حاجه عشان انتى عارفه انك ليكى فى قلبى معزه حاجه يا عشق عشق بدموع: اه طبعا مش ابن عمى وطول الوقت كنا مع بعض على المره قبل الحلوه مازن: ايه الدموع إلى فى عينك

عشق: فرحانه بس عشانكم لانى مكنتش اعرف انك بتحبها اووى كده عن اذنك يا مازن وراحت طالعه على فوق بسرعه اووى ودخلت اوضتها وقعدت تعيط جامد اوووى وتقول يارب انت عارف حبيته قد ايه بس عمرى ما بينتله لانه حرام اهئ اهئ انا بحبه اوووى اوووووى يارب راضينى يارب Back فاقت على قرآن الفجر راحت بسرعه اتوضت وصلت قيام الليل وصلت الفجر وقعدت تبكى فى الصلاه اوووى وتقول يارب انت الى عالم بحالى يارب قدملى الى فيه الخير وقرأت وردها وراحت نايمه على السجاده

تانى يوم الصبح مامتها دخلت عليها وبتصحيها ماما: عشق عشق يلا يا حبيبتى قومى عشق: حاضر يا ماما حاضر ماما: حضرلك الخير يا حبيبتى قامت عشق صلت صلاه الضحى وراحت حضرتك الفطار على مامتها وقعدوا يفكروا بابا: قولتى ايه يا عشق بلغينى قرارك يا بينتى عشق: انا لسه مخدتش اى قرار يا بابا بابا: طب اخليه يجى يقعد معاكى كرؤيه شرعيه وساعتها تصلى صلاه الاستخاره وتقررى عشق: إلى تشوفه يا بابا بعد ما خلصوا فطار باباها راح مكلم مازن وقاله انا مستنيك الساعه 8 عشان الرؤيه الشرعيه وقفل معاه

الساعه جت 8 ومازن وصل بره ماما: يلا يا عشق يا حبيبتى مازن بره عشق: حاضر يا ماما بس انتى ليه محسسانى انى عروسه ماما : طبعا عروسه وست العرايس كمان يلا اطلعى عشان تقدمى العصير وبالفعل عشق طلعت قدمت العصير وقعدت جمب باباها وفضلت باصه للسجاده بابا: طب هسيبكم لوحدكم شويه عشق عماله تفرك فى ايديها مازن ملاحظ توترها مازن: ازيك يا عشق عامله ايه عشق: الحمد لله فى زحام من نعم مازن: مبدأيا كده ومن غير اى مقدمات انا عمرى ما هقبل اتجوزك بالبتاع إلى انتى لابسه على وشك ده انتى لازم تقلعيه

عشق: ايييييييه……..😳     #ندى_أبواليزيد…..♥️ #طليق_اختى   انت بتقول ايه انت اكيد مش فى وعيك بجديه : وانا قولت ايه غلط انا بقولك لازم تقلعى النقاب ده عشان انا بحب الى هتكون مراتى تكون حلوه قدامى الناس واتباها بجمالها اتفضل اطلع بره انا يستحيل اقعد دقيقه واحده مع شخص ذيك بابا يا بابا بابا مالك يا عشق فى ايه يا حبيبتى انا يستحيل اوافق على الجوازه ده لو آخر راجل فى العالم عمرى ما اقبل بيه اتفضل اطلع بره

بصوت عالى : عشق انتى مش محترمه وجودى ولا ايه لا طبعا يا بابا العفو والله بس حضرتك متعرفش هو قال ايه مازن ضحك بصوت عالى : اظاهر يا عمى عشق بتزعل من المقالب ونسيت انى كنت موهوب فيها بضحكه عاليه : يهديك يا مازن يا ابن اخويا لسه ذى ما انت بردو متغيرتش   مقالات ذات صلة بقلم ندي ناصر بقلم ندى ابو اليزيد   انت ملكي فقط غنوة حبيب الجزء الاول وكانت هناك عيون تراقبهم بإندهاش وخجل شديد لأنها نسيت ألاعيب مازن منذ زمن طويل

فاقت على صوت والدها   عشق حبيبتى انتى كويسه معلش مازن والله كان بيهزر معاكى ما انتى عارفه مقالبه إلى دايما كان بيعملها فينا انا كويسه يا بابا بس معلش بعد اذن حضرتك عايزه ادخل اوضتى طب مش هتخلى مازن يشوفك بحب : لا لا يا عمى انا مش عايز اشوفها دلوقتى إلى لم تكون فى بيتى   نظرت إليه عشق نظره سريعه إلى عينيه أحست فى هذه اللحظه ان الزمن قد توقف عندها لكن سرعان ما أغضت بصرها من الخجل وركضت إلى غرفته

    شرفتنا يا مازن والله معلش انت عارف قد ايه عشق خجوله اووى عارف والله يا عمى دى قبل ما هتكون زوجتى بتكون بنت عمى ربنا يقدملنا إلى فيه الخير ويجعلها من نصيبى معلش بس يا عمى هطلب منك طلب صغير اووى الرساله دى انا كنت هديها لعشق لم نقعد ونتكلم ممكن حضرتك تديهالها حاضر يابنى حاضر والله   على الجانب الآخر كانت عشق جالسه فى غرفتها لديها الكثير من المشاعر التى بداخلها ولا تستطيع تحديد الشعور الأقوى بينهم

لديها صراع بين عقلها وقلبها لا تستطيع معرفه ماذا تريد او ماذا يجب عليها أن تفعل قطع كل هذا دقات باب غرفتها ففاقت على صوت أبيها   عشق حبيبتى انتى لسه صاحيه اه طبعا يا بابا اتقضل عامله ايه يا عشقى تهز كتفيها بلا إجابه مالك يا حبيبه بابا مش عارفه يا بابا والله مش عارفه اقولك ايه انا تايهه اووى ومتلخبطه اكتر ومش عارفه انا عايزه ايه ولا هعمل ايه انا حاسس بيكى وعارف كل إلى بيدور جواكى

بس قبل ما اقولك اى حاجه مد يده برساله ايه ده يا بابا دى رساله يا سيدتى مازن قالى اوصلهالك وتقعدى تقرأيها لوحدك انا متأكد أنها هتساعدك   خرج الوالد من الغرفه وتركت عشق فى حيره جديد وهى الرساله التى تحملها ماذا يوجد بها وهل سوف تساعدها اما انها سوف تزيد من صراعتها الداخليه وبعد برهه قررت فتحت الرساله وهنا كانت صدمتها الأكبر لأن الذى قرأته كان من الصعب تصديقه……………..😳 #ندى_ابواليزيد……♥️ #طليق_اختى #البارت_الثانى   كانت تفتح الرساله بعنايه شديده وكأنها هى المنقذ الوحيد لها من أفكارها وأن ما فى الرساله سوف يحدد قرارها من دون أى تفكير….

  فتحت عشق الرساله وكان بها : ( ازيك يا عشقى تعرفنى انك وحشتينى اوووى وحشتينى لدرجه انتى نفسك متتخيلاهاش من ساعه ما اتجوزت اختك وخسرت وحشنى كلامك وحشنى ضحتك وحشنى كل حاجه كنتى بتعمليها معايا انا عارف انى مينفعش اقولك الكلام ده ابدا وانتى لسه مبقتيش على ذمتى وحلالى بس انا كان لازم اقولهالك عشان خاطرى يا عشقى وافقى لو مش عشانى عشان ملاك حتى ارجوكى يا عشق وافقى على جوازنا لأن فيه حاجات كتيره انتى متعرفيهاش ولازم اقولهالك…..بحبك….)

  ودموعها تنهمر بشده على خديها يعنى ايه يع يع يعنى مازن بيحبنى انا انا مش قادره اصدق طب طب ازاى طب ليه عمل فيا كده ليه   بالرغم من بساطه الكلامات المكتوبه إلى انها ظلت تحدث نفسها بكلامٍ كثير وظلت فى صدمه لمده لا تتذكر كم استغرقت من الوقت كل ما تتذكره هو انها والدتها تقوم بإفاقتها   عشق حبيبتى عشق انتى يا بت يا عشق اصحى يا بت انتى على طول مغلبانى كده اصحى احنا بقينا الضهر

نعم يا ماما نعم صح النوم يلا اصحى ابوكى مش عايز يفطر إلى لم انتى تصحى حاضر يا ماما حاضر هقوم اهو حضرلك الخير يا أميره   افاقت من نومها وتتسأل كيف ومتى ذهبت إلى النوم تضايقت من نفسها لأنها اضاعت قيام الليل والفجر ذهبت إلى المرحاض وقامت بالتوضئ وقامت بأداء صلاه الظهر وصلاه الصباح ثم ذهبت إلى والدتها فى المطبخ   أساعدك فى حاجه يا ست الكل اه يا حبيبتى خدى قطعى البطاطس دى

حاضر مقولتليش صحيح الرساله كان فيها بصدمه ممزوجه بضحك هو لحق يقولك اوماااال من امتى يا بت وابوكى بيخبى عنى حاجه انتى هتقوليلى الحب يا امير😂😂 انا فى الحب معنديش ياما ارحمينى تعالى يا بابا اسمع مراتك بتقول ايه بتقول ايه انت صحيح قولتلها على الرساله بتاعت مازن بقولك يا سعاد كان فيه هنا جرنال متعرفيش راح فين قول يا بابا انت هتضحك عليا انا وتعمل من بنها الجرنال راح فين يا حجه بضحك الجرنال فى ايدك يا حج

ايه ده والنبى ايه بنظره خبيثه من عشق انا بصراحه مبعرفش اخبى عن امك حاجه بتقعد تسحبنى فى الكلام وانا غلبان والله هى إلى بتجرجرنى وعشق فطسانه ضحك على طريقه والدها طب بذمتك تقدر تقاوم جرجرتى ليك فى الكلام هو انا اقدر استغنى عنك انت بردو يا جميل احم احم نحن هنا فى ايه يا حج ده انتى فصيله ذى امك بتقول حاجه يا حج سلامتك يا ست الكل يلا عشان الأكل جاهز   جلسوا جميعا على طاوله الطعام ليتناولوا الإفطار فى جو ملئ بالبهجه والضحك

وفجأه دق جرس الباب ذهبت عشق لفتحه وإذا بها تجد مازن يحمل ملاك على ذراعه وتحمل لعبه فى يديها وعندما رأت عشق قامت بمد يديها حتى تحملها وتقول عسق عسق وتضحك بشده أخذت عشق ملاك منه وهى فى غايه السعاده بها   مين يا عشق ده استاذ مازن يا بابا وملاك ازيك يا عشقى الحمد لله لو سمحت بعد اذنك انا اسمى عشق بس من غير ياء انا مش ملك حد متخافيش هتكونى ملكى انا وعن قريب اوووى وانا هكون ملكك لآخر العمر

بعصبيه مش هيحصل ده بعدك لسه مازن هيرد اتفضل يا مازن يا حبيبى واقف بره ليه معلش يا عمى والله ما انت عارف الشغل بإذن الله هاجى بالليل عشان اخد ملاك لا لا لو سمحت انا عايزاها تبات معايا النهارده معلش يا مازن سيبها معانا النهارده عادى يا عمى والله وبالمره تقدر عشق تكون مبسوطه معاها عشان تقدر تفكر فى موضوعنا عايز حاجه يا عمى عايز سلامتك يابنى والله خلى بالك من نفسك الله يسلمك السلام عليكم ورحمة الله وبركاته

وعليكم السلام ورحمة الله وبركاته   مين حبيب ماما اناااا مين حبيب جدو اناااا مين حبيب تيته اناااا وسط ضحكاتهم وفرحتهم بملاك وضحكاتها التى تملأ البيت عليهم كانت ملاك تريد أن تأكل   هقوم اعملها أكل لا يا عشق مامتك هتعملها إلى هى عاوزاه اقعدى انتى عشان نتكلم شويه تعالى يا روح تيته نعم يا بابا رأيك ايه يا عشق موافقه ولا لا بابا انا……..   #ندى_ابواليزيد #طليق_اختى #البارت_الثالث  

كانت حائره لا تعرف ماذا تقول لوالدها أتقول له موافقه وتسعده وتكون أمً لملاك وتكسر قلبها أم ترفض من أجل أهم شئ وهو كرامتها التى إذا تناذلت عنها لن تكن لحياتها معنى….. أستجمعت شجاعتها ورتبت كلماتها بتخبر والدها بقرارها وتوقف الصراع الذى يدور بداخلها   بابا انا عايزه اقولك انى م…….. وقبل أن تكمل حديثها كان للقدر رأى ثانى أوقفها اهتزار هاتف والدها وهو يعلن عن رقم مجهول الهوية يقوم بالاتصال   ثانيه واحده يا حبيبتى

السلام عليكم ورحمة الله وبركاته الشخص : وعليكم السلام ورحمه الله وبركاته حضرتك والد الأستاذ مازن ايوه انا والده خير فى ايه الشخص : يؤسفنى أبلغ حضرتك والله أستاذ مازن عمل حادثه كبيره اووى بعربيته ونقلناه المستشفى ومن خلال الاوراق الشخصيه بتاعته وتلفونه عرفت اتوصل لحضرتك انت بتقول ايه اكيد حضرتك غلطان هو فين فى مستشفى ايه خرجت والدة عشق على صوت زوجها وعشق لا تعرف ما الذى يحصل هو فى مستشفى ال….. انا جاى حالا جاى

وقف الأب فى حاله صدمه يقسم أنه فى هذه اللحظه أن عقله توقف عن التفكير   بتوتر بابا فى ايه فى ايه يا حج مين إلى فى المستشفى مازن مازن فى المستشفى عمل حادثه كبيره عشق الصدمه ايه مازن مين يا بابا إلى فى المستشفى أكيد إلى بيكلمك ده بيهزر صح مازن كويس الوالده بدموع مازن فى المستشفى يا عشق يلا يا حج انا هلبس واجى معاك خليكى انتى يا حجه مع ملاك وانا هاخد عشق معايا

يلا يا عشق بسرعه   ذهبوا إلى المشفى بأقصى سرعه وصلوا إلى الاستقبال   لو سمحتى ارجوكى ساعدينا فى حد لسه جاى عندكم اسمه مازن وعامل حادثه كبيره اووى هو فين ارجوكى ايوه فعلا فى حد جاى عامل حادثه من نص ساعه هو دلوقتى موجود فى الطوارئ وكانت حالته حرجه جدا وأكيد دلوقتى فى العمليات   ذهبوا إلى الطوارئ مسرعين وعندما وصلوا وجدوا الأطباء والممرضين فى حاله من الهرج يسارعون فى الدخول والخروج لغرفه العمليات

فين الدكتور المسئول عن العمليه ارجوكم خلونى اكلمه حد يرد علينا بعد مده طويله من الوقت لا يتذكرون كم عددها هدأت الأمور خرج الطبيب من الغرفه دكتور ارجوك مازن عامل ايه احنا مش عارفين حاجه من الصبح ارجوك قولنا للأسف الأستاذ مازن كان عنده نزيف داخلى جوه الجمجمه فكنا لازم ندخل جراحيا الحمد لله قدرنا نوقف النزيف وعدينا مرحله الخطر بس للأسف بسبب الخبطه الشديده إلى اتعرضلها فى الحادث أدت إلى دخوله فى غيبوبه مش عارفين هيوفق امتى ادعوله لأن دلوقتى بين ايدين ربنا احنا عملنا كل إلى نقدر عليه عن اذنكم

  والد عشق لم يتحمل الخبر وجلس على الكرسى من الصدمه كان يقول فى عقله أبن أخى بل أنه ابنى الذى قمت بتربيته بين الحياه والموت انا لا أصدق أتمنى أن يكون كل هذا حلما ولأن كام موحدا ومؤمن بالله تعالى كان يردد ويذكر الله إن لله وان اليه راجعون وكان يحمد لله كان يبكى بشده ولكن ما باليد حيله كان واثقا فى الله تعالى بأنه سوف ينجى ابنه   أما عن عشق فنسيت كل شئ والذى كانت تتذكره هو حبها الكبير له نعم انها تحبه بل تعشقه برغم ما حدث كانت تريد اى شئ سوى أن يستيقظ حبيبها

الحب لا ينسى والقلب لا ينسى من أحب مهما مرت الأيام والأعوام الذى فى القلب يبقى مخلدا إلى الأبد كانت تنظر من وراء الزجاج عليه وتتمنى من الله أن يستيقظ وان يعود مره أخرى لها وسوف توافق على زواجهم حتى تخبره على كل ما فى قلبها دموعها كانت تسقط من عينيها على الزجاج كانت تقرأ له آيات القرآن الكريم وتناجى الله ان يشفى وان يعود لهم سالماً   يلا يا عشق يا حبيبتى الوقت اتأخر عشان اروحك وانا ارجع تانى

لا يا بابا لا انت عارف انى مش ممكن اسيبه ابدا عشان خاطرى سيبنى روح انت يا حبيبى وانا هفضل معاه عشان انت تعبان وكمان عشان ماما وملاك تكون معاهم حاضر يا حبيبتى خلى بالك من نفسك بس قبل ما أمشى عايز اقولك على حاجه   خدها فى حضنه انا عارف قد ايه انتى بتحبيه وعارف ايه إلى حصل زمان عارفه انا كنت متأكد ان أختك مينفعلهاش جواز لأنها متقدرش تشيل مسئوليه بس كانت لازم تتجوز مازن كنت عارف قد ايه انتى كنتى بتحبيه ولحد دلوقتى لسه بتحبيه

فيه حاجات كتيره انتى متعرفيهاش يا حبيبتى بس لم مازن هيفوق هتعرفى كل حاجه اوعدك   ذهب وتركها فى صراع مع عقلها ما الذى يعرفه والدى ومازن وانا لا اعرفه قالت فى نفسها لا يهم الآن الأهم هو الإطمئنان على حبيبى   انا لازم اروح اتكلم مع الدكتور ذهبت الى غرفه الطبيب دق دق اتفضل ازى حضرتك يا دكتور اهلا اهلا اتفضلى انا آسفه انى جايه اتكلم مع حضرتك بدون استأذان بس انا والله عايزه اطمن على مازن

انا اسمى عشق وكمان فى كليه الطب والله وفاضل سنه وخلاص هخلص ارجوك قولى الحاله بالظبط والله يا دكتوره ذى ما انا شرحتلكم الوضع بره مع والدك وانتى ذى بنتى والله وكنت لازم اقولك الحقيقه ومخبيش عليكم حاجه بدموع طب هو ممكن يفوق امتى انتى عارفه ان الغيبوبه دى بيكون الدكتور عاجز قدامها لأن إلى بيكون فيها بيكون بين ايد الله عز وجل اطمنى يا بنتى بإذن الله يفوق خلى ثقتك بالله كبيره وسبحانه عمره ما هيخذلك ابدا

ونعمه بالله يارب يا دكتور يارب انا متشكره لحضرتك جدا والله ده واجبى يا دكتوره وانا متأكده فى يوم من الأيام انك هتكونى شاطره اووى اشكرك يا دكتور عن اذن حضرتك   كانت على وشك الخروج إلى أن دخول الممرضه المفزع اعربها وقلبها قام بألمها إلحقنا يا دكتور الحاله إلى عامله حادثه كل الاجهزه وقفت من عليه مش راضى يستجيب يلا بسرعه مستنين ايه   دخلت عشق والطبيب إلى الغرفه وقاموا بحاولات كثيره لتشغيل الأجهزه مره أخرى لكن الجسد كان لا يستجيب……

البقاء لله لااااااااااا   #طليق_اختى♥️   #الجزء_الرابع♥️   #ندى_ابواليزيد♥️   انتم بتقولوا اييييه لااااا مازن عايش والله عايش انا مصدقه انو عايش انو قدامكم اهو عايش متصدقوش الأجهزه متصدقوش اى حاجه صدقونى انااااا مازن عايش والله عايش حتى شوفوا اتجهت ناحيته والدموع منهمره على خديها مازن حبيبى عشان خاطرى مش انا عشق حبيبتك صح يا مازن صح مش انت قولتلى انك عمرك ما هتسيبنى وهتخلينى ملكك هيئهيئهيئ

مازن عشان خاطرى رد على عشق حبيبتك إلى انت بتحبها وحياتى عندك ترد عليا انا عمرى ما حبيبت غيرك ولا هحب والله ارجعلى انت بس والله هوافق وهنتجوز بعياط هستيرى مازن انت ليه مش بترد عليا مازن عشان خاطرى رد عليا بلاش الهزار البايخ ده عشان خاطرى يا مازن مازن ماااااااااااازن لااااااااااا قووووووووم عشااااااانى طب طب انا وحشه متقومش علشانى على الأقلللل عشاان خاطر ملاااااك بنتنا ،،،،،،،،،؛،،،،،،،،،،،،   كانت الممرضه تضع الغطاء الأبيض على وجهه

انتى بتعملى ايه ابعددددى عنننه ماااازن مماتش يا دكتور ارجوك قولها انو مماتش عشق بابا انطلقت إلى مكانها وهو احتضانه التى تعبره ملجأها التى تهرب إليه من كل ما يحدث حولها بابا عشان خاطرى قولهم ان مازن عايش مازن عايش يا بابا عشان خاطرى صدقنى مازن مماتش انا متأكده لو كان مات كنت موت وراه قلبى مرتبط بيه يا بابا عشاااان خاااطرررى قولهم انو لسه عايش ،،،،،،،،،،؛،،،،،،،،،   شغل الصدمات يا دكتور ارجوك دى مسأله حياه او موت ولا مسئوليتى بس خلى عشق هى إلى تعملها

  اتجهت مسرعه إلى جهاز الصدمات الكهربائيه مازن لو بتحبنى ارجعلى ارجوك اول محاوله لم يستحيب ثانى محاوله لا يستجيب وعشق لا تريد تصديق حقيقه موته ثالث محاوله……… ارجوك يا استاذ محمد كفايه الجسم مش هيقدر يستحمل أكتر من كده خلاص يا عشق لا يا بابا والله مازن عايش قرب منها وخدها فى حضنه وقعد يطبطب عليها إن لله وان اليه راجعون لااااااااا يا بااااااباااااااا لااااااااا ،،،،،،،،،؛،،،،،،،،،   تيييييييييييييت تيت تيت تيت الحق يا دكتور النبض رجع تانى النبض رجع يا دكتور

بسرعه رجعوا الأجهزه إلى اتشالت مازن عايش يا عشق مازن عايش وكأن الروح ردت إلى جسدها مره أخرى فور سماعها صوت والدها اهو يخبرها وصوت جهاز القلب وهو يقول أن هذا الجسد رجع من الموت إلى الحياه مرةً أُخرى دى معجزه من عند ربنا الف حمد والف شكر ليك يارب العالمين   مازن مازن حبيبى اصحى يلا يلا قوم شوفت شوفت ربنا بيحبنى ازاى رجعك ليا اهو ومحرمنيش منك بابا انا هفضل جمبه والنبى يا بابا

وهو يمحو دموع فرحه برجوع والده افضلى يا بنتى افضلى جمبه وانا هروح اجيب مامتك وملاك خرج الأب وخرج طقم الأطباء والممرضين بعد ما اطمئنوا على استقرار حالته   جلست عشق بجواره وتريد انا تمسك بيديه تريد اخده بين ضلوعها حتى تشعر أنه أصبح بخير حتى تطمئن قلبها وروحها مليئين بالمشاعر المختلطه لكنها اوقفت مشاعرها عن الخروج لأن دينها يحثها على عدم إخراج هذه المشاعر إلا فى الزواج الشرعى…… مازن انا عارفه انك سامعنى مازن عشان خاطرى فوق والله اول لم تفوق هنتجوز وهنعيش حياه حلوه اووى اوعدك بس انت تقوملى بالسلامه

بعد مرور مده من الوقت وصل والد ووالده عشق وملاك الصغيره إلى المشفى استنى يا فريده رايحه فين داخله اشوفه يا محمد لا يا فريده بنتنا جوه سبيها معاه بس يا محمد مفيش بس يا فريده سيبى عشق معاه شوفيه من ورا الإزاز حاضر ملاك تقوم بالبكاء والصراخ مالك يا حبيبه جدو حملها بين ذراعيه عاوزه ايه يا حبيبتى عسق عسق أى (عشق عشق) خرجت عشق بعد الدق على الباب من والدها وقول يقول لها ان ملاك تريدك

تعالى يا ملاكى تعالى اخدتها عشق إلى حضنها وجلست فى مكانها مره أخرى شوف يا مازن ملاك اهئ ايه موحشتكش مش نفسك تاخدها فى حضنك نامت ملاك على كتف عشق دخل والد عشق إلى الغرفه هاتيها يلا يا حبيبتى عشان نروح لا يا بابا لا انا مش هسيب مازن لوحده ابدا لازم تروحى يا عشق انتى لا بتاكلى ولا بتنامى وحياتك كلها متلخبطه ولو يا بابا كل ده يهون عشان خاطره وضع يده على كَتِفها بتحبيه اوووى كده

بحب اوووى يا بابا اوووى ربنا يقومه بالسلامه هخلى مامتك تعمل أكل وهجبهولك ونامى شويه وريحى دماغك من التفكير حاضر يارب وطبع قبله على رأسها وذهب _____________   لو سمحت يا جميله اسمك ايه اسكى نغم يا دكتوره وانا أسمى عشق اهلا بيكى انا طالبه منك طلب معلش اؤمرينى طبعا انا عايزاكى بس تبلغى الدكتور وهو فى الورديه بتاعت بالليل مدخلش الاوضه لانى هبقى قفلاها بالمفتاح عشان هقلع النقاب وكده ممكن حاضر يا دكتوره هبلغه والله وانا بذات نفسى هكون أمينه على الاوضه ان مفيش حد يدخلها غيرى طول ما انتى كاشفه وشك

بجد شكرا ليكى اوووى يا نغم تقبلى تكون اصحاب أكيد طبعا يا دكتوره ده شرف ليا مفيش شكر بينا ابدا عن اذنك اتفضلى كشفت عشق عن وجهها لكى تكون على راحتها وجلست بجواز سريره تعرف انا قولت للممرضه انى اقفل الباب مش عشان بس ارفع النقاب لا عارف عشان ايه بجد بدموع عشان أعيط ارجعلى يا مازن عشان خاطرى ارجعلى كانت تقولها وهى تبكى بحرقه إلى أن نامت وهى لا تدرى

استمر هذا الحال لمده شهر كل يوم تستيقظ وتجلس بجواره وتتكلم معه تأكل ما يبقيها على قيد الحياه فقط لا تذهب إلى البيت والدها يأتى إليها من حينٍ إلى آخر لا تريد أن تفعل أى شئ فى حياتها سوى أن تبقى بجانبه تريده ان يفيق ويكون معها تريد أن تراه بخير حتى يهدأ قلبها لقد تعب كثيرا بسببه تريده أن يكون هو من يجعله يهدأ ويحنو عليه……….   ألن تعود إلىِ مرهً أُخرىَ لقد اشتقتُ لكَ كثيراً

يُوجد الكثير من الحديث الذى أُريد أن أُخبرك بهِ عُد إلىِ يا مَالكٌ قلبى ومُذهِبٌ عقلى وسَاكِنٌ روحى إلىَ هذه الدرجه أُحبك لم أَكُن أعرف كُل ما أعرفه هو رُجوعكَ لىِ……….عُد كانت تقولها عشق وهى بجواره وكأنها كانت تخاطب عقله بأن يستجيب ويعود إلى الحياه مره أخرى وكأن عقله حقا أراد الرجوع مره أخرى فقط من أجل حبها الذى يسكن الفكر والقلب قام بإعطاء إشارات للعين لتُفتح حتى يدخل إليها نور الحياه عشق كانت تنزل إليه فى تلك اللحظات

بدأت جفونه بالتحرك حتى تظهر عيناه مازن مازن انت بتفوق صح اااااه انا فيين بسعاده يا دكتور يا دكتوره يا بابا يا ماما مازن فاق مازن فاق مازن فاق ازيك يا بطل ازيك يابنى انا فين يا عمى انت فى المستشفى يا حبيبى هو ايه إلى حصل دى حكايه طويله اووى نسيب الدكتور يطمنا عليك وهنقعد معاك وهنحكيلك كل حاجه خرجوا كلهم بره وسابوا الدكتور يفحصه خير يا دكتور ايه الأخبار الحمد لله يا حج محمد ابن حضرتك اتكتبله عمر جديد مره والحمد لله انه فاق هنعمل أشعه على الدماغ عشان نطمن أكتر ولو كل حاجه تمام يبقى تقدروا تاخده

كتر خيرك يا دكتور والله مش عارف اشكرك او ارد جميلك ده ازاى تشكرنى على ايه يا حج ده واجبى اسيبكم انا عشان تدخلوله اتفضل يابنى ربنا معاك يلا ندخل بص على عشق مالك يا حبيبتى خايفه يا بابا خايفه ادخله مش مصدقه انه فاق واول ما فاق فتح عينه عليا انا ولقانى جمبه خايفه يكون سمع اى حاجه كنت بقولها انا معاكى يا حبيبه بابا متقلقيش من أى حاجه يلا بإطمئنان يلا يا حبيبى

الف حمدله على سلامتك يا حبيبى الله يسلمك يا عمتى عامل ايه دلوقتى يابنى أحسن والله يا عمى الحمد لله نظر إلى عشق يريد أن يسمع صوتها بخجل وعيناها تنظر للأسفل حمدله على سلامتك بحب واشتياق الله يسلمك يا عشق مش عايز تعرف يا مازن ايه إلى حصل عايز اعرف جدا يا عمى بدأ يروى له كل ما حدث وكيف وصل إلى المشفى وغرفه العمليات وكل شئ وأثناء حديثه قاطعته والده عشق وهى تقول وعشق من ساعت الحادثه مسبتكش لحظه

بخجل وتوتر واضح مااااماااا والله يا مازن مكنتش ولا بتاكل ولا بتشرب ولا بتنام من ساعتها مرجعتش البيت على طول كانت جمبك ومازن عمال يبص عليها وفرحان اووى من جواه بجد يا عمتي عشق عملت كده واكتر من كده يا حبيبى عمتك والله تعالى يا ملوكه اما ننزل نشترى حاجه حلوه اه ييا (يلا) عن اذنك يابنى هعمل تليفون مهم وهرجعلكم لم يتبقى فى الغرفه سواهما الصمت كان حديثهما لكن عينان مازن كانت تفضح حبه واشتياقه الشديد لها

اما عن عشق فكانت تنظر فى كل ركن من أركان الغرفه ما عدا عينيه لأنها تعرف حين النظر إلى عينيه سوف تضعف واروح له بكل شئ قطع صمتهما بسؤال مازن بتحبينى يا عشق……؟ صُدمت عشق من السؤال لم تستطيع الإجابه عليه أحست فى هذه اللحظه ان عقلها قد توقف عن التفكير ولم يستطع فمها عن النطق بحرفٍ واحد أحست فى هذه اللحظه أن بقائها سوف يضعفها ويجعلها تقول كل ما بداخلها وقفت لتخرج من باب الغرفه لتذهب بعيدا عن عيناه ولكن قبل أن تذهب نظرت إليه فوجدت عيناه وتعبيرات وجهه عاشقهٌ لها ينتظر إجابه منها حتى يهدأ قلبه

عشق انتى رايحه فين سبيها يا حبيبتى انا عارف هى رايحه فين طب على الأقل يا حبيبى نفهم ايه إلى حصل متقلقيش هتعرفى كل حاجه انتى كمان انت مخبى عنى حاجه انتى عارفه انى عمرى ما خبيت عنك حاجه صح صح كنت على طول بتحكيلى كل حاجه فيه حاجه كده انا خبيتها عنك وعن عشق وبالأخص عشق تعب قلبها إلى هى فيه ده بسببى فيه ايه يا حبيبى احكيلى حصل……… بصدمه انت بتقول ايه ازااااااى………

  اقبل يا ادمن بعد اذنك🥺♥️   #ندى_ابواليزيد♥️   #طليق_اختى♥️   #الجزء_الخامس♥️ بفضول ايه إلى حصل يا حبيبى احكيلى هحكيلك بس لازم مازن يكون حاضر كل كلمه دخلوا ليه جوه عمتك يا مازن لازم نقولها كل حاجه انا مش قادر اخبى اكتر من كده حاضر يا عمى وانا كمان عايز اشيل الحاجز إلى بينى وبين عشق قلبها مكسور وانا السبب فيه انا هتصل عليها لازم تيجى وتعرف كل حاجه ،،،،،،،،،،،،،،، كانت عشق جالسه فى مكان هادئ لتريح بالها من التفكير الدائم وفى لحظات التأمل خاصتها قام هاتفها بإعلان إشعار وهو اتصال من والدها

عشق انتى فين انا موجوده يا بابا تعالى يا حبيبت بابا فى حاجات كتيره لازم تعرفيها حاضر انا جايه اهو قامت عشق متلهفه للوصول إلى الغرفه لانها تريد أن يقف عقلها عن التفكير فى أسئله ليس عندها إجابات لها وصلت عشق إلى الغرفه تعالى يا بنتى فى ايه يا بابا انا مش فاهمه حاجه هفهمك انتى ووالدتك كل حاجه دلوقتى اخد الأب ومازن انفاس عميقه حتى بدأ الأب فى السرد ،،،،،،،،،،،،،،،،، من سنتين اتنين بالضبط لم مازن كان جاى يتقدم لرشا للأسف انا هو كنا متفقين على كده

مازن عمره ما حب رشا كان بيحب عشق وكنت عارف قد ايه عشق بتحبه اووى بس لم شوفت بناتى الإتنين بيحبوه كان ساعتها لازم اضحى بقلب واحده فيهم عشان التانيه مازن كان ساعتها رافض فكره انا يتجوز رشا لأنها طايشه وبتحبه عشان شكله ومستواه بس لكن عشق كان بتحبه بجد بس إلى حصل بعد كده غير كل الموازين لم رشا راحت تعترفله بحبها رفضها وقالها انو هيتقدم لعشق عشان بيحبها ساعتها رشا بنتك مسكتتش وكانت لازم تنتقم من اختها وتحرق قلب مازن عليها وقلوبنا كلنا

فاكره الحادثه إلى عملتيها يا عشق مكنتش صدفه او قضاء وقدر للاسف كانت مدبره والسبب فيها كانت اختك وإلى عرفنى انها هى……   Flash back   بعد الحادثه بعد ما عشق بقت كويسه جت وقفت قدامى انا ومازن وقالت لازم تتجوزنى وإلى هموتهالكم كنت فى حاله صدمه ازاى بنتى تعملى كده فى اختها قولتلها جبتى القسوه دى كلها منين احنا عملنا فيكى ايه عشان كل ده احنا عمرنا ما ميزنا بينك وبينها بالعكس احنا كنا بنيجى عليها عشانك ليه تعملى كده

قالت ساعتها ان هى بتحب مازن وممكن تعمل اى حاجه عشان تبقى مراته كل ده مازن واقف يسمعلها ملامحه هاديه هدوء مريب لأنه كان حاسس ان الموضوع مش حب نهائى وان فيه فى الموضوع حاجه هو مش مرتاحلها وقف بكل شموخ ساعتها وقال موافق اتجوزك بس تبعدى عن عشق نهائى موافقه يبقى نكتب الكتاب يكون فى اقرب وقت وانا موافق كل ده وانا قاعد مصدوم من إلى بيحصل مش عارف اتصرف ولا اتكلم لوهله حسيت ان تفكيرى اتشل

قعدت افتكر وافكر هو انا فعلا فشلت فى تربيتها هل كنت مهملها اووى كده قولت انا عملت ايه عشان بنتى تبقى كده تفكر تموت اختها عشان ايه الف سؤال كان فى وقتها بيدور فى دماغى بس ولا واحد منهم لقيتلهم إجابه مازن جه عليا وقالى تعالى يا عمى انا عايز اتكلم معاك طلعت معاه واتكلمنا قالى انو مش مرتاح وان الموضوع مش متعلق بالحب وانو حاسس ان فى ورا رشا حاجه وهو لازم يعرفها Back

  للاسف اتخدعت فى ان رشا بتحبه بس طلع ذى ما قال مازن الموضوع مالوش علاقه بالحب مازن فضل يراقب كل تحركاتها لحد ما لقاها بتتردد على عياده نساء وتوليد انا بقا روحت وسألت الدكتور قولتله انى جوزها ولسه راجع من السفر وعرفت انها هنا ولم جيت مالقتهاش فقولت بالمره أسأل حضرتك عنها هى مالها اصل انا خايف انها تكون تعبانه ولا حاجه الدكتور قاله ان المدام حامل هو حضرتك متعرفش دى حامل فى الشهر التالت مبروك

الله يبارك فيك يا دكتور الف شكر لحضرتك العفو ده واجبى ،،،،،،،،،،،،،،،،، نزلت من العياده وكلمتها وقولتلها لازم نتقابل دلوقتى وفعلا اتقابلنا فى كافيه ومن غير اى مقدمات منى انتى حامل من مين يا رشا مكنتش بترد فى حاله صدمه انى عرفت ودموعها ذى الشلال قولتلها اهدى واحكيلى حصل ايه بدأت تحكيلى على كل إلى حصل مكنتش عارفه تتصرف ازاى بعد ما الكلب ده سافر وتقولكم ايه كانت لازم تعمل اى حاجه عشان اتجوزها واكون ابو الطفله او الطفل

ساعتها كان لازم اوافق اتجوزها لأنها مالهاش ذنب على قد ما عملت حاجات وحشه على قد ما هى مظلومه واضحك عليها قولت لعمى انى موافق اتجوزها لانى بحبها وانى معجب بيكى بس يا عشق مش بحبك انا مكنتش مصدق بصراحه انا عارف قد ايه بيحبك وروحه فيكى ازاى من يوم وليله يغير رأيه أكيد فيه حاجه قالى ثق فيا يا عمى وكل حاجه هتبقى كويسه بعدها وافقت على طول على الجوازه عشان واثق فيه ،،،،،،،،،،،،،،،،،،

جيت قولتلك انى بحبها وهتجوزها كان ساعتها فى نار فى قلبى حب عمرى كله جاى وبقولها انى هتجوز غيرها من ساعتها والنار دى جوايا منطفتش ولا ثانيه كفايه لم كنت بشوف نظراتك ليا كنت ببقى نفسى اجرى واجى واقولك على كل حاجه بس مكنش بإيدى اجوزنا انا ورشا وسافرنا بره عشان مفيش حد يعرف حاجه ولدت هناك جابت ملاك إلى نورت حياتنا كلنا رجعنا مصر بعدها وانا على طول طلقتها لأنها كانت خلاص بتشوف حياتها وده كان اتفاقنا انها تولد وتمشى

وفعلا انا خدت ملاك كتبتها على اسمى لانها بنتى بجد انا الى ربتها انا الى خليت بالى منها لحد ما بقى عندها سنتين ،،،،،،،،،،،،،،،،،،،، بعد ما رشا سافرت مازن جه وحكالى كل حاجه قلبى كان حاسس ان فيه حاجه بس مكنتش اتخيل كل ده ممكن يحصل من ساعتها والسر ده مدفون جوايا انا ومازن قولنا مش هنقول إلا فى الوقت المناسب وملقتش أفضل من الوقت ده كل هذا الحديث جارى ودموع عشق غزيره لقد بللت نقابها وكأنها تقول لها اتركينى ان اسقط من عينيكى لأعبر عن كل ما بداخلى

ذهب إليها الأب مسرعا لأخذها بين ضلوعه حقك عليا على قلب بابا بس انا عملت كل ده عشانك انا عارف انتى مش زعلانه منى وانك عارفه قد ايه بحبك يا نور عينى ده انتى لو طلبتى عينى هديهالك حقك عليا يا حبيبتى وظلت بين احضانه تبكى كى تخفف عن قلبها كل ما مر بيه من آلام وأوجاع مازن كان عمال يبصلها كان نفسه ان هو إلى ياخدها فى حضنه ويخفف عنها بعد مده توقفت عشق عن البكاء وكان والدها يمسح لها دموعها

مازن عشان يخفف الجو ويخليها تضحك ايه يا عمى مش هتجوزنى ولا ايه ولا انا عشان يتيم يعنى ربنا يسامحك يا عمى انا كنت عارف انك هتضحك عليا هو اصلا الاهتمام مبيطلبش و…… ايييه بلاعه واتفتحت عليا اسكوووت فقامت عشق بالضحك عليهم وبعدين بتاخد رأيى ليه هو انت هتتجوزنى انا فنظر مازن لعشق بمشاغبه وقال عندك حق يا عمى انت احسن عم فى الدنيا انا فعلا لازم اخد رأيى إلى خطفت قلبى احمى وجه عشق من الخجل الشديد فلاحظ والدها

انت شايفنى قفص جوافه مش مالى عينك انا صح بص قدامك يا ولاا بلا قله حيا حاضر يا كبير كل هذا فى وسط ضحكهم جميعا ،،،،،،،،،،،،،،،،،،،،،، بعد مرور مده ليست بطويله خرج مازن من المستشفى بعد أن تعافى تماما عشق كانت فى السنه الأخيره فى كليه الطب وخلاص الامتحانات على الأبواب بابا انا خايفه اووى مجبش تقدير بنتى حبيبتى انا واثق فيها ذى ما جابت فى الخمس سنين إلى فاتت امتياز مع مرتبه الشرف هتجيب السنه دى كمان مش عشان انتى اشطر دكتوره عشان انا واثق من قدراتك وبضحك وطبعا عشان بنتى

بضحك وفخر اومااال طبعا يا حبيبى هدخل انا بقا اكمل ربنا معاكى يا حبيبتى ،،،،،،،،،،،،،،،،، دخلت عشق لغرفتها وجلست لتبدأ مذاكرتها حتى تلقت رساله على هاتفها كانت من مازن اولا كده انا جوايا كلام كتير عاوز اقولهولك بس مش دلوقتى خليه فى وقته ثانيا انا بكلمك عشان عارف قد ايه انتى متوتره وخايفه عشان آخر سنه ونفسك تبقى معيده ودكتوره وده من هيتحقق غير بتقدير السنادى

عايز اقولك انك اشطر بنوته فى الدنيا دى انا واثق فيكى اووى وفى قدراتك عارف كمان ان عمى قالك كل الكلام ده لانه عارف قد ايه بيحبك ودايما بيديكى ثقه فى نفسك بس انا عارف حتى بعد الكلام إلى قاله انتى لسه متوتره انا معاكى وهفضل طول العمر معاكى وانا متأكد انك هتبقى احلى دكتوره فى الجامعه يا عشقى…. عشق فرحت اووى عرف منين انها متوتره وان هى محتاجه انو يكلمها وتسمع منه الكلام ده كل إلى كان يهمها انها تسمع صوته او حتى يبعتلها

شافت الرساله ومردتش وهو عارف انها مينفعش ترد عليه وفرح جدا انو على الاقل قدر يطمنها ويفرحها طول فتره الامتحانات وهو كان معاها بس من بعيد بيراقبها من غير هى ما تعرف ويطمن عليها من عمه لحد ما جت اللحظه إلى راح فيها مازن يجبلها نتيجتها من الجامعه عشق رايحه جايه فى الصاله اهدى يا حبيبتى ان شاء الله خير انا وباباكى واثقين فيكى انا خايفه يا ماما متخفيش يا حبيبتى باباكى بعت مازن يجبهالك بإذن الله خير

يارب يا ماما يارب دق دق دق ماما متفتحيش خليه يمشى مش عايزه نتائج انا عيزه من التعليم اصلا يارب صبرنى مخلفه عاهات ياربى ها يا بنى ورينى خدت الورقه وشافت فسكتت فى ايه يا حجه ورينى كده خد الورقه وسكت انا سقط صح اه انا سقط يختاااااااااى هى صوتت من هنا وهم مش قادرين يبطلوا ضحك من الناحيه التانيه أنتم بتضحوا عشان سقط أنتم مش اهلى بضحك اه احنا مش اهلك دى الحقيقه المره إلى كنا مخبينها عنك من سنيييين

عاااااااااااااااا خلاص يا حج بقا متخليهاش تعيط خدى الورقه شوفى كده يعنى انا نجحت انا مش مصدقه لولولولولولولولولولى لا ومش بس كده فيه مفاجأه كمان ليكى مفاجأه ايه هو فيه احلى من كده طبعا دى احلى من النتيجه كمان عرفتها من الجامعه خدى ايه الورقه دى افتحيها بسرعه وانتى تعرفى بدموع الفرحه لا لا انا مش مصدقه ده بجد انت بتضحك عليا والله بجد مبروك يا احلى معيده الجامعه طلعت قرار بتعينك لا لا كده كتير والله

مبروك يا حبيبتى الله يبارك فيك يا بابا مبروك يا نور عينى الف مبروك الله يبارك فيكى يا ماما ودخلت فى حضنهم هم الإتنين انا ماليش انا كمان ولا ايه اتلم يا واد لا أعلم ايه يا عمى ما انت عارف إلى فيها اتفضل يا حضره المأذون السلام عليكم ورحمه الله وبركاته وعليكم السلام ورحمة الله وبركاته اتفضل يا شيخنا مأذون مين المأذون إلى هيكتب كتابنا ومين قالك انى موافقه

لا بصى ما انا هقولك على حاجه انتى من ساعه ما اتولدتى وانتى ليا انا سيبتك مره المرادى عمرى ما هسيبك لانى مقدرش اعيش من غيرك حتى لم نروح الجنه هتكونى مراتى وهتعيش فى الدنيا والآخرة راح راكع على رجله ومطلع علبه قطيفه انا عارف انك مش بتحبى الدهب عشان كده جبتلك الاحلى وكان خاتم ألماظ عشق تتجوزينى عشق وهى مش مصدقه إلى بيحصل تلات مفاجأتتحصل فى نفس اللحظه بس الأخيره كانت بيهم كلهم انتى لسه بتفكرى

طبعا طبعا ايه طبعا موافقه اكتب بسرعه يا شيخنا هموت واحضنها وبعد ما المأذون خلص المراسم قال جملته الشهيره بارك الله لكما وبارك عليكما وجمع بينكما فى خير اول لم المأذون قال جملته مازن جرى على عشق وحضنها جامد اووى لدرجه حست ان ضلوعها هتتكسر طبعا كل ده فى حضور العيله كلها واصحاب عشق ثم توالت الزغاريط والمباركات بينهم

كان مازن واخدها فى حضنه ومش عايز يسيبها ابدا وكان بيعيط على كتفها من فرحته مش مصدق انها خلاص بقت ملكه اى حد كام يجى يسلم عليها يقولهم مش وقته دى بتاعتى انا فى وسط ضحك الجميع الذين تمنوا لهم السعاده الأبديه بعد ما الناس كلها مشيت ادخلوا يابنى جوه عشان تبقوا لوحدك والله يا حماتى انا بحبك يلا يا بكاش لو عمى سأل عليا قوليله مات او طفش بضحك حاضر من عنيه ،،،،،،،،،،،،،،،،،،،، خدها مازن من ايديها ودخلوا جوه اوضتها ولم يترك كلها فرصه للحديث بل قام بضمها إليه

وحشتينى اووى اوووووى يا عشقى انتى فعلا عشقى انتى بنتى وحبيبتى وروحى انتى كل ما ليا فى الدنيا دى انا بحبك اوووووى اوووووى دلوقتى اقدر اقول كل إلى فى قلبى ومفيش حد فى الدنيا يقدر يوقفنى او يبعدنى عنك انا كمان بحبك اوووى يا مازن انا مش بس بحبك انا بعشقك عشق محدش عشقه لحد قبل كده انت عندى بالدنيا كلها انتى حبيبى وروحى وقلبى عمرى ما زعلت منك كان قلبى موجع اووى وانا شيفاك فى الكوشه جمب اختى بس انت خلاص جيت صلحته ترجع ذى الأول وأحسن كمان انا بحبك يا حبيبى

انا مش بحلم صح يعنى الكلام ده من قلبك يا عشقى ومن جوه قلبى كمان يا عمرى خدها فى حضنه بسرعه ولف بيها مكنتش مصدق انو سامع الكلام ده من حب عمره نزلها وطلعها من حضنه وقالها ممكن اشوفك بقا كانت لسه هترفع النقاب لا سبينى انا ارفعه شاف قدامه حوريه ملاك من السماء انتى أجمل ما رأيت عينى وطبع بوسه على جبينها وايدها بحبك يا عشقى وانا كمان يا حب عمرى………   وماذا عن حبى لك……لماذا عجز لسانى عن وصفه

ألى هذه الدرجه يصعب التعبير عنه…..أم أن عقلى لم يستطع إيجاد الكلمات المناسبه التى تصفه لك……. لا أعرف كل ما أعرفه انى أحبك……..♥️♥️ تمت   #ندى_ابواليزيد……♥️ #طليق_اختى…..♥️ #الجزء_الأخير……..♥️