صخر ضحك وقال..وده ازي بقى
رافع قال..انا وانت بنجري ورا الفلوس ومش بتجبلنا غير الهم والتعب والخوف كمان..اما هيه فكل همها السعاده ..وسعادتها في ابسط الحجات…قلبها زي قلب طفل..بتزعل وترضى باقل حاجه رافع افتكر ملامحها وسرح وقال من غير تفكير…عيونها فيهم لمعه رضا تجنن ينسوك الدنيا وهمومها و بس قطع كلامو لما افتكر انو بيكلم اخوها وصخر كان بيبصلو بابتسامه جانبيه وضحك وقال…كل ده في اميره …عايز اسألك سؤال…محدش هيعرف اجابتو اكتر منك …بس سر بنا
رافع قال…. قول..ما احنا بنا اسرار كتير
صخر قال..عايز اعرف..ازاي تشوف واحده مثلا ايا كانت مين وتحس انك تقدر تكمل حياتك معاها ..مش بس تكمل حياتك معاها لا كمان متقدرش تعيش من غيرها..يعني انا..اتجوزت حنان..وعشنا اربع سنين حلوين واخر دلع..ومع ذالك لما كنت هطلقها..محستش بزعل..ولا اني مثلا مقدرش اعيش من غيرها ولا حاجه من دي..وكمان متزعلش مني عمري ما في يوم ممكن اعمل الي انت بتعملو علشان اي واحده .. معرفش هيه كده الـ,ـمشكله فيا ولا فيك
رافع ضحك وقال..المشكله بس انك محبيتش يا صخر..ولسه القلب مدقش…لما يجي يوم وتحب…هتعرف اني مبعملش حاجه غريبه..كمان هتعرف انت مهتميتش بطلاقك ليه..ببساطه لانك محبيتش حنان..هيه بس عجبتك..حاجه مختلفه كده عن بنات الـ,ـبلد …مش اكتر رافع قال بتوهان وهو بيفكر في اميره…لما تحب بجد هتعرف ان كل الي فات قبلها ملوش لزوم والي بعدها متقدرش تعيشو من غيرها ولو لقيتها في خـ,ـطر هتفكر هعيش ازاي من غيرها ….من غير ما تفكر هتلاقي نفسك بتحميها حتى لو من نفسك
صخر قال بضحك..لو كلامك ده حقيقي..يبقى عمري ما هجرب..انا مستحيل اعلق نفسي بحاجه مقدرش استغني عنها رافع قال..ده على اساس ان قلبك هيشاورك..واتنهد وقال..يا ريت كان بياخد رأينا..على العموم سيبك..انا شوفت حنان هنا ايه الحوار صخر قال…ولا حاجه..جايه لما عرفت اني اتجوزت..خافت على العز لا يروح لغيرها رافع قال..هـ,ـتعمل معاها ايه طيب صخر قال…سبتها هـ,ـنا..اهي اتعدلت تمام..متعدلتش انا هعرف ازاي اخلص منها رافع هز رايو وقال بارتياك احم..والعروسه..اخبارها ايه صخر اتنهد وقال..اهي متلقحه فوق..انهارده شافت اميره وهيخ بتصرخ وبتطرني من الاوضه وبقت تقول كلامها المعتاد وسمعتها
رافع اتسعت عنيه وقال..سمعتها…سمعتها هيه وبتتكلم عليك
صخر هز راسو وقال ..اضطريت اقولها ان الحيوان ابن عمها هو الي عمل كده…ظ بس طبعا الملاك بتاعها ميعملش كده