وهيبه بصتلوا بأستغراب وقالت…طيب هي حالتها عامله ايه يادكتور
الدكتور…يعني في تحسن شوية ادعولها
الدكتور خرج ووهيبه قالت…رعد مالك
رعد بضيق…انا عاوز انام تعبان
وهيبه…ماشي ياحبيبي نام
خرجت وقابلت دارين وكانت داخله لرعد…
وهيبه بقوه _دارين علي فين يا حلوه
دارين بضيق _نعم ياطنط داخله لرعد
وهيبه بتحذير وغموض_لو عندك اخت واتعمل فيها اللي بتعملي في موج هتعملي ايه
دارين _دا انا امـ,ـوت اللي تعمل كده
وهيبه _ابعددي عن موج يادارين
وهيبه سابتها تدخل وراحت لموج
دارين شردت شويه ودخلت لرعد _رعد عامل ايه
رعد _الحمدلله كويس يا
دارين
دارين قعدت قدامه وقالت…جيت اطمن عليك واشوف موج
رعد ضحك وقال…تطمني عليا ماشي انما موج ازاي وليه اصلاا
دارين…عادي انا عارفة ان زواجكم مش حقيقي وانه عمر ما يحصل حاجه
رعد…تمام فهمت
عدا الوقت وجه اهر اليوم يمان راح الاول لموج…ازيك يا ميجو فاكره الدلع دا ها ياموج هتفوقي امتى لازم تكملي لازم تحاربي الحياه وتعاندي معاها اه خدي هدنه من الحياه لكن متمشيش وتقفي تسيبيها تدمر الباقي
خرج بعد شوية وراح لرعد…
رعد…ها يا يمان الشغل عامل ايه
يمان بضحك…طيب سبني اطمن عنك طيب
رعد بوجع…تعبان والله يا يمان عضم
جسمي كلو واجعني
يمان بحزن…سلامتك ياحبيبي يارب
يمان_سلامتك ياحبيبي كنت عاوزك فموضوع مهم
رعد_قول
يمان حكاله كل حاجه بضيق
رعد بغضب_انا هوريهم ازاي يعملو كده
يمان _رعد لازم تطلع لايف تثبت انك بخير وإن موج مراتك
رعد _لا خليهم يتجننو لحد ما اطلع ليهم واعرفهم شغلهم
مر وقت وراح يمان لرغد…
رغد تعالى يايمان اتفضل
يمان _رعد بعتني اطمن عنكم
رغد_اه داده انعام نايمه وهنادي بايته معانا تلاقيك شوفتها وانت تحت
يمان: ايوه صح
رغد بصتله شوية وقالت: بتدور على حاجه عيونك رايحه جايه على الأوضة
يمان:
ها لا انا مدخلتش الأوضة بقالي كثير آخر مره من 3سنين ف بفتكر
(فلاش باك)
رغد…اطلع برا متدخلش الاوضة دي تاااني انا مش عاوزه اشوف شفقه في عيوون حدد براااا
يمان بحزن…رغد انا مش بشفق عليكي ولا عمري اشفق عليكي انتي ـــ
رغد بصراخ…اطلع برااا الاوضة وبرااا حياتي مش عاوزه اشوفك تاني كل حاجه انتهت لحد هنا
(بااااك)
رغد بأسف…يمان انا اسفه
يمان بسخريه…مالوش لزوم دلوقتي الاعتذار انتي ناهيتي كل حاجه وخسرتي اكتر شخص كان قريب منك وطلاما انتي مرتاحه تمام
رغد دموعها نزلت وقالت…مرتحتش والله يايمان ما ارتاحت ولا مرا
يمان
بوجع…سلام ياااا بنت خاالي
خرج وسابها بتبكي وهو كمان دموعه نزلت..
༺༺༺༺༺༻༻༻༻༻
في الامارات…
هيثم بدموع: ملحقتش أتهنى بيكي يا عمري انت روحتي بدري
دخلت عليه اماني : اهدى يا حبيبي هيا راحت للي أحسن مني ومنك متوجعش قلبك بئا
هيثم : اعمل ايه يا اماني قلبي موجوع عليها
اماني بحزن: والله حاسه بيك ولو كانت موجودة كنت عاملتها زي بنتي والله ربنا يرحمها
༺༺༺༺༺༻༻༻༻༻
عند مدحت…
المجهول بغضب : انت عصبتني مش بتفكر في حل ليه
مدحت بزهق :
ايوة انا عملت ايه دلوقتي يعني
المجهول بعصبيه…انت وجودك زي عدمه ودتنا في داهيه بس
مدحت…رعد مش هيعرف مكاني ودا المهم
المجهول بعصبيه…انت غبي ونهايتنا هتكون على ايدك
༺༺༺༺༺༻༻༻༻༻
تاني يوم عند رعد…
وهيبه…رعد حبيبي انا همشي عشان رغد طلبتني وعاوزاني في موضوع مهم هروحلها وارجعلك تاني
رعد..طيب ياعمتي بس طمنيني عشان قلقت
وهيبه…حاضر
مشيت وبعدها بشوية دخل شخص غريب…
رعد بغضب…ايه الي جابك هناا
الشخص…جيت اشوف صحبي القديم
رعد بغضب…عاوز ايه يادياب اطلع برا مش عاوز اشوف وشك هنا
دياب…عيب يارعد عيب ياصحبي
رعد بعصبيه…انت مش
صحبي ولا عمرك هتكون صحبي بعد الي عملتوا فيا زمان يادياب
دياب بخبث…طيب يارعد هطلع المهم اني اطمنت عليك او بالأصح شمت فيك
دياب خرج ورعد زق كل الي جنبوا على الارض بغضب…
عند موج…
بتحاول تفتح عيونها وتقاوم الضوء فتحت عيونها بألم ووجع وبتبص جنبها اتصدمت…
استوووووووووووووووووووب…
ياترى رعد قال ايه لموج؟!
ياترى مين بنت هيثم؟!
ياترى غادة عملت كدا ليه في موج؟!
مين دياب وايه علاقته ب رعد؟!
ايه بين يمان ورغد؟!
مين هو المجهول؟!
توقعاتكم في كل الالغاز دي..
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
موج_الرعد🖤
البارت_٦🖤
عند موج…
بتحاول تفتح عيونها وتقاوم الضوء فتحت عيونها بألم ووجع وبتبص جنبها اتصدمت…
༺༺༺༺༺༻༻༻
ياجماعه التفاعل قليل اوييي بجد ودا مزعلني وبجد متقولوش بتتأخري انا بشوف ناس بيكتبوا بارت كل اسبوع والتفاعل ثابت لو مش عجباكم رواياتي قولولي عشان بجد بفقد الشغف وعاوزه دعم منكم🥺🥺🥺..
༺༺༺༺༻༻༻༻
موج بصدمه…ايه في ايه حد يقف لحد كدا
دارين بسخريه…جيت اطمن عليكي اخيرا فوقتي
موج بتعب…دارين هاتي ايدك ساعديني اتعدل رقبتي وجعاني
دارين راحتلها وساعدتها وقالت…انتي كويسه اجبلك الدكتور
موج بأستغراب…مالك يادارين من امتى الحنيه دي دا انتي قبلها بكام بيوم جيتي في بيتي هنتيني
دارين بأسف…موج ممكن تسامحيني
موج بضحك…اسامحك ضحكتيني اوي اسامح مين ولا مين هو انتو كلكم طيبين كدا وانا الي شريرة قوليلي او اقولك متقوليش اخرجي برا مش عاوزاكي
دارين بحزن…موج عشان خاطري
موج بصراخ وحاولت تقوم…امشيييي اطلعييييي برا سبوووووني كلكمممم ابعدوو ااااااه
دارين بخضه راحتلها…موج
انتي كويسه
الدكاترة دخلوا بسرعه…في ايه يا انسه عملتي ايه
موج بصراخ…خرجوهااااا اخرجييييي ابعدووو عني كلكم
الدكتور بقلق…اهدي يا موج هاتوا حقنه مهدأه حالا
رعد سمع صوتها حاول يقوم وقام بسرعه راحلها…
رعد بغضب…في ايه هنا عملتي فيها ايه
دارين بدموع…والله ما عملت ليها حاجه
موج شدت الكالونا من ايدها وقامت راحت لرعد مسكته بأيدها السليمه…يارعد ونبي خرجها عشان خاطري خليهم يبعدوا عني
رعد حضـ,ـنها بقوة…اهدي ياموج اهدي عشان خاطري
الدكتور جاب حقنه مهدأه واداها لموج وهي في حضـ,ـن رعد وهي نامت على طول شالوها حطوها على السرير…
راح لدارين شدها
من دراعها وخرج…انتي عملتي فيها ايه انطقي
دارين رجعت لشخصيتها وقالت بغضب…مالك قلقان عليهااا ليهه هاااا انا دخلت اقولها تسامحني وهي انهارت كدا الله اعلم هي مالها انت جايب واحده عندها عقد نفسيه وتقول عملت فيها ايه وـ
كانت هتكمل لكن سكتت لما نزل على وشها قلم جامد من رعد…كلمة كمان عن موج الحناوي وقسما بالله ادفنك مكانك اطلعي براااا مش عاوز اشوف وشكك تاني يلااا
دارين طلعت ودموعها نزلت…
رعد اتنهد وخد نفس بوجع من رقبته الدكتور جه…رعد بيه مينفعش كده حضرتك لسه تعبان
رعد بوجع…سيبك مني انا هي مالها ليه حصلها كدا
الدكتور
بجدية…حصلها انهيار عصبي بسبب الي حصلها واظاهر الانسه الي كانت جوا دي عامله ليها حاجه
رعد…تمام انا هاخد الادويه وادخل اقعد معاها
الدكتور…تمام يارعد بيه اتفضل حضرتك عشان اديك الادويه
رعد راح معاه خد الادويه ودخل لموج…
༺༺༺༺༺༻༻༻༻༻
عند وهيبه ورغد…
وهيبه…نعم ياحبيبتي طلبتيني جيت اهو
رغد بحزن…عمتو انا عاوزه اعمل العملية
وهيبه بفرحه…بجد بجد ياقلب عمتك طيب كويس حلو اوي نعملها لا احنا مش هنفكر لسه انا هاخدك دلوقتي ونروح المستشفى الي رعد فيها
رغد بأبتسامه…دلوقتي.
وهيبه بفرحه…وحالا هبعتلك هنادي تجهزك عقبال ما اكلم يمان يجي ياخدنا
وهيبه نزلت تنادي ل هنادي وكلمت يمان…
بعد شوية رغد و وهيبه قاعدين مستنين يمان…
يمان جه وقال…بجد هتعملي العملية يارغد.
رغد بأبتسامه…ايوه هروح اكشف انهاردة عشان نحدد الميعاد
يمان…طيب يلا بسرعه نروح
خرجوا وركبوا العربية واتجهوا للمستشفى…
وصلوا ودخلوا والدكتور قابلهم…
الدكتور…موج هانم فاقت
وهيبه بفرحه…بجد
دخلت بسرعه وهما وراها عشان يشوفوا موج…
وهيبه بدموع وفرحه…ياحبيبتي يابنتي حمدلله على سلامتك
موج بتعب…الله يسلمك ياماما
يمان بأبتسامه….حمدلله على سلامتك يا ميجو
موج بضحك…الله يسلمك ياميمو
رغد راحتلها طبطبت عليها وقالت…حمدلله على سلامتك يا حبيبي
موج…الله يسلمـ ايه داااا
رغد ضحكت وقالت…التهتها راحت
موج بصدمه…ازاااي
رغد…الدكتور كان قايلي انه لو حصلك صدمه زي الي كانت حصلتلي هرجع اتكلم
عادي بس الصدمه الاولى مش بحب اتكلم عنها
وبصت على يمان بحزن…
موج بأبتسامه…الف مبروك ياحبيبتي
رعد جه من برا…ايه دا انتو جيتوا
وهيبه…ايوه وفي خبر حلو عندنا
موج…ايه هو
رغد…انا قررت اعمل العمليهههه
رعد راح لها بفرحه…يافرحة قلببي ياروحي ربنا يقومك منها بالسلامه
موج بأبتسامه…فرحتيني جدا ياحبيبتي
يمان…انت يارعد خليك مع موج واحنا هناخد رغد ونروح لدكتور عظام هنا
رعد…تمام
راحوا وسابوا رعد وموج…
رعد…انتي كويسه
موج…الحمدلله شكرا ليك
رعد…على ايه
موج…لما كنا في الحـ,ـادثه وحامتني
رعد ابتسم وقال…واجبي عادي
موج بهدوء….كلها شهور
وهنطلق وتروح لدارين متقلقش
رعد سكت.شوية وقال…تمام
خرج وسابها بضيق وراح اوضته نام على السرير بتعب ووجع من جسمه…
عند رغد…
الدكتور كشف على رغد وملامح وشه كلها اسف…احم انا عارف ان الي هقولوا صعب لكن مافيش اي امل ان رغد هانم ترجع تمشي تاني لأن لو عملت العملية هيبئا في خطورة عليها بنسبه ٩٥في الميه هيبئا في بتر ل رجلها لأنها اتأخرت جدا في انها تعمل العملية وواضح انها بقالها كذا سنه
ملامحهم كلها قلبت ويمان قال…بس يادكتور بعد الحـ,ـادثه الدكتور قال ان لو عملت العملية هيبئا في خطورة عليها بردو لأنها كانت في سن
صغير ف قال ممكن بعد سنه نقدر نعملها لكن للأسف هي جالها حالة نفسيه وخوف من انها تعملها ورفضت تعملها
الدكتور…ودلوقتي بردو في تأخير لأنها اتأخرت اوي
يمان بحزن…طيب مافيش امل خالص
الدكتور…للأسف لا انا اسف
رغد سمعت الكلام واتحركت بالكرسي وفتحت الباب وخرجت وهيبه خرجت وراها بسرعه وهي دموعها نازلة ويمان خرج وراهم…
عند موج…
زهقت ف خرجت تتمشى….
قامت براحه وخرجت شافت رغد وهي جاية وداخله اوضة وكانت اوضة رعد…
دخلت وراها وجم وهيبه ويمان…
رعد بتفاجأ من شكلهم…مالكم في ايه
يمان بحزن حكاله كل حاجه موج اتصدمت وحزنت جامد…
وهيبه بحزن…ومن ساعة ما عرفت وهي ساكته كدا
رعد راح قعد قدامها وقال…رغد حبيبتي هنروح لدكتور تاني ونشوف كمان ممكن اسفرك برا مصر تتعالجي متقلقيش ياعمري
رعد حـ,ـضنها ودموعه نزلت بحزن…
༺༺༺༺༺༻༻༻༻༻
رعد وموج خرجوا من المستشفى ورجعوا البيت ورعد عرف من رجالته ان مدحت اختفى ومالهوش اثر في اي حته واضايق جدا وانعام عرفت ان رغد مش هتتعالج وحزنت جدا…
عدا يوم على رجوعهم…
في اوضة رغد…
موج بحزن…رغد حبيبتي اتكلمي ياقلبي قولي اي حاجه
رغد بصالها وساكته…
موج…هقولك حاجه سيدنا ايوب اصابه مرض عجزو كل الاطباء على علاجه والمرض دا كان صعب اوي لدرجة ان اللحم كان بيقع من على جسمه اهل القريه خرجوا من القريه هو وزوجته وهو فضل يدعي ويصلي وفي الاخر شفاه الله يعني الشافي الله تعالى كلام الدكاترة مش شرط يطلع صح انتي يعني لما تفقدي الامل هتخفي
رغد دموعها بدأت تنزل بس لسه ساكته…
رعد واقف على الباب بيسمع كلام موج…
موج حضـ,ـنتها…صلي وادعي يارغد وان شاء الله
ربنا يشفيكي
موج خرجت وقابلت رعد…
رعد…شكرا
موج… رغد زي اختي
سابته ودخلت الاوضة بتاعتهم…
انعام جت…مالك يارعد واقف كدا
رعد…لا ابدا كنت بشوف رغد وداخل اوضتي
دخل اوضته..
رعد بوجع…موج ممكن تساعديني
موج…في ايه
رعد…قلعيني التيشرت عشان اغير على الجروح
موج بخجل…هنادي ماما وهيبه
رعد بخبث…ماما وهيبه تلاقيها نايمه احنا بليل
موج بخجل…طيب خلاص هحاول
راحتله ومسكت التيشرت بأيدها السليمه وهو ساعدها عشان رقبته وقلعتوا التيشرت…
جابت علبه الاسعافات الاوليه بخجل وبدأت تغيرلوا على الجروح وهو مبتسم على خجلها…
خلصت ورفعت عيونها وكان شعرها نازل على وشها…
رعد بصلها بأعجاب ومسك وشها وقربها منه وقبلها…
موج زقته بغضب…ابعد عني انا غلطانه اني غيرتلك على الجرح وسععع
خرجت برا وسابته وهو لبس التيشرت بصعوبه وهو مخنوق ونام على السرير…
༺༺༺༺༺༻༻༻༻༺
تاني يوم…
في المانيا…
مجد…سوزي هيثم رجع انهاردة والمقابله كمان ساعه
سوزي…طيب كويس
بعد ساعه في مطعم شيك وراقي…
دخلت سوزي شافت هيثم قاعد شاورت لعماد يقف بعيد وراحت لهيثم…اهلا اهلا هيثم بيه نور المطعم
هيثم بزهق…سوزي مش ناقصاكي
سوزي بضحك…مالك بس يا خواجه ولا اقولك المنيري ولا انت نسيت اسم عيلتك وبلدك
هيثم…عارفة ياسوزان على قد وجع قلبي على بنتي على قد ما بحمدربنا لحاجتين انها اتحرمت من ام شبهك وانها اتوفت عشان مافيش حاجه تربطني بيكي
سوزي…امممم وجاي تشتغل معايا ليه
هيثم…مكنتش اعرف وعرفت المقابله الي فاتت
لأن عماد هو الي رتب لكل حاجه للأسف
سوزي…طيب وايه ناوي تكمل اصلا انت متقدرش على سوزي الفؤاد
هيثم بتحدي وميل على الطرابيزة …انتي عاوزه فلوس وبس وانا هخسرك كل فلوسك قريب يا سوزي
عماد جه وقال…اسف ياجماعه اني اتأخرت عليكم ها نبدأ شغل
هيثم ببرود ورجع لورا…ايوه يلا
سوزي بغيظ…يلا نبدأ
بعد شوية خلصوا وعماد قال…هيثم هخرج اسبقك على برا.
هيثم…وانا وراك
سوزي حطت ايدها على ايدو بعد ما عماد لف يمشي وقالت…متلعبش معايا لعبة انت الخسران فيها ياهيثم انت عارف اني شيطانه واقدر اعمل اي حاجه تتخيلها
هيثم بضحك…وانا مش بخاف منك ياسوزي اعلى ما في خيلك اركبي
