=هجيلك النهارده بليل قولى لمامتك ولباباكي _طب يلا على شغلك كد عشان شويه وهبقي طماطم =ههه.. متخلينى شويه اللحظة دي بجد متتعوضش.. اول مرة اشوفك مكسوفه كد _حسام امشي كد لأزعلك =ايوة كد لكن مكسوفه ومترديش لا مش دي آيه إلى انا اعرفها _طب يلا هنرش ميا فضلنا نضحك ولقيت أحمد بيقول : لو سمحتى عاوزك ف مكتبي ف ظرف خمس دقايق مشي بسرعة بعد مقال كلامه _طب يلا بق نرجع الشغل =انتى راحة فين
_اشوف الدكتور عاوز اى =اجى معاكى؟ _لاء خليك شوف انت وراك اى =استنى.. ولف حسام _لاء مفيش ورايا حاجة =اه هتقلش بق ولسه الصبح وهى مرارة واحدة.. .. طق طق _اتفضلى =ايوة يا دكتور فيه حاجة _اه.. اي حاله المريض إلى انتى مشرفه عليها ف العنايه =اه تمم الحمد لله احسن هيخرج قريب _اه.. كويس =حاجة تانيه _هو انتى يعنى هتوافقي على الخطوبه دي =بتهيقلى دا مش ف إطار الشغل ودي حاجة تخصنى انا _اه.. الفكرة انى عاوزة اباركلك مش اكتر
=اه تمم.. إن شاء الله هوافق طبعا _اه.. الف مبروك =الله يبارك فيك عقبالك _ان شاء الله.. اتفضلى =شكرا.. اكيد انت من اول المعزومين طبعا فجأة احمد وقف وقفل الباب _اى يادكتور.. ف اى =انتى ازاى تتخيلى ان حد ممكن ياخد حاجة انا عاوزها _افندم؟ =زى مسمعتى وابقي اشوفك وافقتى على الخطوبه عشان انا ممكن اخليك بعد متفرحى فرحة عمرك وبدل متلبسي الأبيض تلبسي الأسود عليه _انت اكيد مجنون صح.. انت اكيد متقدرش تعمل كد
=مش انا الى هعمل.. واحد هديله فلوس وحتى لو اتمسك مش هيعرف ينطق أسمى حتى.. اسمعى منى انا احسن منه ماديا وممكن اوفرلك كل إلى انتى عوزاه _انت مريض.. مش متعود حد يقولك لاء.. بس لاء يا احمد انا بحبه وهتجوزه سامع وانت مش هتعرف تعمل حاجة عشان لو فكرت تعمل حاجة انا الى ساعتها سامع انا الى ساعتها يا دكتور خرجت وانا مش مستوعبه إلى قولتله وفعلا ممكن يعمل كد ف حسام؟ _آيه =ها ف اى يحسام
_مفيش بطمن عليكى بس =انا انا كويسه.. _مش باين =ها.. لا باين انا تمم بعد ازنك.. .. روحت البيت وانا مش عارفه هعمل اى ولا هتصرف ازاى .. بليل * _اخرجى يبنتى زميلك وأهله برا =ح حاضر يماما خرجت وانا بفكر ف كلام أحمد وعارفه قد اى ممكن يعمل بفلوسه .. قعدت جمب ماما وحاطة وشي ف الارض.. كان خوف جوايا ممتلكنى.. مبصتش ل حسام حتى بالغلط.. _تمم نقرأ الفاتحة =لاء.. انا مش م موافقه
_إيه؟ بتقولى اى يا آيه ازاى =انا حرة وبعدين انا مش بحبك اى يجبرنى اتجوز واحد مش بحبه ساعتها شوفت ف عنيه نظرة مكنتش عاوزة اشوفها ف يوم.. مشي بسرعة كان نفسي امسك فيه واقوله غصب عنى انا عوزاك عايش حتى لو مش معايا.. دخلت اوضتى وفضلت اعيط .. طق طق _ادخلى يماما =هو فيه حد ممكن يعيط عشان حد مبيحبوش؟ معرفتش اعمل حاجة غير انى اترمى ف حضنها واعيط روحت المستشفى وكانت مكان باهت مش دى المستشفى إلى كنت فيها ولا عشان حسام مش معايا
_ح حسام =نعم ف حاجة ف الشغل؟ _لاء مفيش.. انا أسفه =على اى مش فاهم _على كل حاجة انا مستهلكش =وانا مش عاوز غيرك.. قصدي كل شيء قسمه ونصيب سابنى ومشي وانا فضلت ماشيه وغصب عنى عيط.. .. _انت عاوز اى تان مش كفايه إلى عملته =اه منا عرفت إلى حصل.. طلعتى بتفهمى.. وبعدين فيه واحدة عندها عيون بالجمال دا وتعيط _انت أقذر انسان انا شوفته ف حياتى =هعتبر نفسي مسمعتش حاجة.. وابقي اربيكى ف بيتنا
_بيتنا؟ يتبع…… #بقلم مريم سمير💛🌍”)) #عاوزة توقعات كتير هنا😹💜 البارت السادس💛#البارت السادس _هعتبر نفسي مسمعتش حاجة.. هبقي أربيكى ف بيتنا =بيتنا؟ _اه هو انا مقولتلكيش.. مش انا جاى النهارده اكتب الكتاب ونعلى الجواب وبابا موافق وكله تمم =دى هبت منك بجد.. انت فاكر ان أهلى ممكن يغصبونى على الجواز دا _منتى إلى هتوافقي والا انتى عارفه انا هعمل اى =انت معندكش قلب مستحيل تبقي طبيعى انت اكيد مريض سبته ومشيت كنت ماشيه بسرعة وخبط ف حسام
_انا أسفه مكنش قصدي =ولا يهمك.. بعد ازنك مسكت ايده تلقائي وبدأت اعيط _لالا متعيطيش عشان خاطرى.. مالك بس =متمشيش انا محتاجلك _طب تعالى نقعد ف الكافتيريا.. انقلعي البالطو دا وتعالى.. روحت غيرت هدومى ونزلت الكافيتريا لقيته قاعد.. _مالك ف اى =… _انتى خايفه مني؟. =لا مش منك.. منه هو _من مين =من أحمد _ماله دا =عاوز يكتب كتابي النهارده _وانتى موافقه =لاء طبعا.. بص انا هحكيلك كل إلى حصل بس عشان خاطرى متعمليش حاجة تخلينى اندم انى حكيتلك
_سامعك بدأت احكيله كل إلى حصل وتهديده ليا وان كان غصب عنى انة ارفضه وكل إلى حصل بالتفصيل وانا ببص يمين وشمال.. _نعم يختيييي وجايه تقولى دلوقتي يعنى.. لا وكمان خايفه منه =خايفه عليك مش منه _ايدا ف اى.. دا حب دا ولا اى =تؤتؤ شفقه _لاء والله.. ههه =بتضحك على ايه _اصل لقيت الحل =ايه هو _آيه =آيه مين أنا ولا مين دي؟ _دي إلى هتعلمه الأدب =تطلع مين دى وتعرفها منين يعنى _متهدي يما.. دى بنت خالتى.. بس بجد يعنى دي إلى هتعلمه الأدب.. بس اى بطل يعم الحج بطل
=بص انا مش هتكلم دلوقتي قول ناوى تهبب اى _بصي انتى هتروحى لأحمد تمم وتقوليله انك موافقه وبعدين تعطيله العنوان دا إلى هو عنوان آيه وبعدين بق انتى هتيجى النهارده بحجة انك تباركى لآيه بنت خالتى وانا هقنع خالتى وجوزها ان دا بق دكتور وغنى والكلام دا =طب كد هنظلم آيه معانا من حقها تحب _منا هقول لآيه كل حاجة بصي تعالى معايا دلوقتي وهنقنعها.. .. طق طق _ادخل اى دا حسام بخاخة.. اخص عليك كل دا ومتزرنيش مكنش العشم يبخاخة.. اى دا وجايب معاك قمر.. يا مااااماااا حسام جايب واحدة وعاوزنى اشغل معاها راقصه
=اخرسي بق فضحتينا.. جايلك ف مصلحة _مصلحة.. اقعد ياباشا تشرب اى =قلبتى ف ثانيه المهم.. دي آيه زميلتى و… _لا عرفت تنقى مهو كل آيه قمر ولا اى يا آيه
