=دي مراتك والى كنت عاوزك تتجوزها _نعم؟ اتجوز دي *انتى شايفنى بعرج قدامك منا بمشي اهو =دي قمر اهى ما شاء الله _اي يحاج ف اي.. انت عاوز تفهمنى ان انا ممكن اقبل انى اتجوز دي =ومالها دي قشطة *بقولك اى طلقنى وهتجوز ابوك القمر دا.. _اطلقك اى انتى صدقتى انك مراتى ولا اى *يبنى العقد ب أسمى انا بس انت شكلك كنت ملهوف تثبت لآيه التانيه انك قادر تخليها ملكك _انتى ازاى تتجرأى تتكلمى معايا كد
*هو انا بتكلم مع نجيب سويراس.. انا بنى ادمة وانت بنى ادم مش حوار يعم الرايق =طب اطلعوا ناموا دلوقتي ونشوف الموضوع دا بعدين _دي تنام جمبي *ومين قالك اصلا انى هوافق انام جمبك _انتى تطولى *بس يبابا بس =انا هغمض عينى وافتحها لو لقيتكم قدامى هتناموا ف الشارع أحمد طلع يجرى وباباه وآيه فضلوا يضحكوا _متنساش بق إلى قولتهولك =لا ان شاء الله خطتك تنجح _يلا اطلع نام بق تصبح على خير =وانتى من اهله يبنتى
.. _انتى بتعملى اى؟ اه كويس بتفرشي لنفسك على الأرض عشان تنامى =عسل نينيني.. دا ليك انت _نعم يختى انتى اتهبلتى =خلاص تمم براحتك يا عميييييي فجأة احمد يقوم من السرير ففزوع من صوتها العالى ويحط ايده على بوقها ويبص ناحيه الباب عشان يتأكد ان باباه مجاش ويرجع يبص لآيه إلى كانت مركزة معاه وبتضحك.. فضل احمد حاطط ايده على بوقها ومركز فيها _هنفضل كد كتير =ها لاء.. مش هنام انا على الأرض _براحتك يعميييي
=اخرسي بق.. طب انام جمبك _مش انت بتقول انام جمب دي انا هربيك =انتى كل شويه اربيك اربيك اى مش متربي انا؟ _ماشوفتش بربع ج تربيه.. نام بق عشان مفرجش الناس الهاي علينا وانا مش مرتاحة لجو الفلل دا =فعلا منتى عمرك مكنتى تتوقعى تخشي فلة اصلا _نام يلا نااام ولأول مرة أحمد ينام على الأرض وبعصبيه يقول :انا هوريكى انتى والى اسمها آيه وحسام دا انا مين.. .. الصبح.. _يا حنان ياااا حنااان يتخرج آيه وكانت طالعة من الحمام كانت بتاخد شاور ولافه الطرحة عليها ولابسه بجامة
=بتزعق لى فضل أحمد بصصلها =معرفتش بردو بتزعق لى _فين حنان الشغالة =مشتها _نعم يروح خالتك =اتكلم ب ادب وبعدين انا خدت رأي عصام بيه وهو وافق عشان انا ست البيت دلوقتى.. انزل هتلاقي الفطار على السفرة _انتى عاملة حسابك انك مطولة هنا؟ =قول يرب سابها احمد وفضل يلف ف الاوضه _امال فين ال.. اى دا انتى مستخدمة فوطتى =يختى نوغة.. فيه الف فوطة ف الدولاب شد احمد الفوطة من على رأسها وشعر آيه الطويل الناعم يخرج منه فضل احمد واقف دي اول مرة يشوفها بشعرها عشان هى محجبه
_خدها خلاص متنح لى =ها واتنح لى يعنى انتى شخصيه؟ _يعم كفايه شكرا اتفضل بق يدخل احمد ياخد شاور وينزل ياكل فطاره ولأول مرة يستمتع ب الاكل وياكل بالشهيه دي وتنزل آيه وتلاقيه بياكل وهو مبتسم _أكلى عجبك يسيب احمد الاكل اول ميشوفها ويبصلها ويسكت ويفتح باب الفلة _انت رايح فين =شغلى وبعدين انتى مالك _انت ف اجازة وبعدين اسمه شغلنا =شغلنا!!!! يتبع….. #توقعاتكم😹💜 #حب وقدر #بقلم مريم سمير💜 البارت الثامن 💜🌍#البارت الثامن _شغلنا!!! =اه شغلنا اه نسيت اقولك مش باباك وكلنى انى اتابع الشغل ف المستشفي بداله عشان يتفرغ للشركة
_نعم يختي.. انتوا بتهزروا اكيد =باباك جوا اتفضل اسأله لو عاوز _يا باااااباااا *ف اى حصل اى _اى إلى سمعته دا.. ازاى تخليها تمسك شغلك ف المستشفى بقولك دى واحدة نصابه ومش هتقعد ف البيت *اولا انا كنت مخليك تتحكم ف المستشفى بس انت استغليت دا لمصلحتك وكنت بتأمر وتنهى ثانيا هى احسن منك ف موضوع المتابعة ف المستشفى _لى هى بتشتغل اى =معايا كليه تجارة _اتفضل بتقولك تجارة اى بق علاقتها ب المستشفى *هتشتغل ف الحسابات بتاعت المستشفى
طلع احمد اوضته وهو متعصب جامد ومش طايق نفسه فلاش باك للخطة _هو بيقضي معظم وقته ف المستشفى =مهو لازم يكون قدام عينا طول الوقت عشان اغيره _انتى متخرجة من كليه اى =تجارة _خلاص تشتغلى ف المستشفي ف الحسابات اهو تبقي جمبه على طول واتفرغ انا لشركتى =ايوة كد صحصح معايا وقول كلام ف الجون كد.. نرجع تان طلعت آيه وراه _على فكرة بق انا عندى معلومات كتيرة عن البشرة وسمعت انكم عندكم قسم متخصص ف البشرة
=لا والله.. تمم واحدة جيالك وعاوزة حل للحبوب _والله انا رأيي يكون عندها حبوب احسن ميكون عندها ذنوب =نعم؟ طب واحدة جاية عاوزة علاج لتفتيح البشرة _مش عاوزة علاج هى تسلك بس من جوا وهى هتنور =انتى مش طبيعيه مش بهزر.. انا مش عارف انا ازاى اتورط فيكى.. امشي بق وخلصينى _اتكلم ب اسلوب احسن من كد.. خلاص يا احمد حاجة كنت عاوزها ومحصلتش.. عارف مشكلتك انك عاوز كل حاجة.. انانى ميهمكش غير مصلحتك وبس.. بنات الناس عندك اى لعبه!!.. لو كان ليك اخت كنت ترضي يحصل فيها كد
فضل احمد باصصلها ومرضش عليها وسابها ومشي الجرس رن آيه نزلت فتحت بوابه الفلة _ماما حسام.. اهلا اهلا اتفضلوا =ازيك يا بت عاملة اى _متقولش بت يرخم.. ادخل .. _عاملة اى ياحبيبتى =الحمد لله يماما انتى عاملة اى _الحمد لله.. مبسوطة هنا =ايوة الحمد لله.. استنوا اجبلك حاجة تشربيها دخلت آيه المطبخ عشان تعمل عصير وجه حسام وقف معاها _ها عملتى اى =لو كنت شوفت منظره وهو وشه قالب الوان لما شافنى كنت مت من الضحك.. بس عارف انا حاسه انه جواه حاجة كويسه بس هو مصمم يبقي كد.. بس على مين هغيره يعنى هغيره
_يواد يجامد.. انا عارف ان الموضوع دا ميجبوش الا انتى =ايوة امال اى _عاوز أقولك خبر حلو اوى =قول يكش افرح واخلص _رايح اخطب آيه النهارده =ايدا بتهزااااار _ايدا ف اى =سورى رد فعل طبيعى للى سمعته الف مبروك يحبيبي وربنا يتمم بخير _الله يبارك فيكى ياحبيبتى.. بجد انتى السبب بعد ربنا.. مش عارف اقولك اى =عيب عليك انت اخويا.. وكمان الواد قمر هو تنك شويه بس هيبقي حلو ان شاء الله _الله يسهله =يسهلك انت يعم
فجأة احمد جه _انت اى إلى جابك هنا =جاى لبنت خالتى _بق كد انت تلبسنى فيها دا نصب دا خدها وانت ماشي يلا =دى مراتك دلوقتى احترمها _مراتى مين يعم احنا هنستعبط منتوا طبختوها سوا صوتهم بيعلى وأم آيه دخلت المطبخ.. أول ما آيه شافتها حضنت أحمد جامد وحسام كتم ضحكته بوشوشه:أحمد عشان خاطرى ماما تعبانة ولو عرفت ب إلى حصل ممكن يجرلها حاجة أحمد حضنها هو كمان _لاء بقولك اى متأفورش =مش انتى الى قولتى نمثل استحملى بق
بعدت آيه عنه بالتدريج وماسكة ايده _ايدا حسام ماما مخدش بالى خالص انكم واقفين =ازيك يا حماتى *الحمد لله يبنى.. يلا يا واد يحسام نسيبهم مع بعض شويه _لاء يماما منتى قاعدة *لاء بق مرة تانيه خرج حسام وماما آيه ومشيوا _شكرا اوى يا احمد بجد =لا مفيش حاجة بس اتمنى ان المسرحيه السخيفه دى تخلص ف اسرع وقت _طب سيب ايدي =ها _انا كنت ماسكة ايدك قدامهم ودلوقتي هما مشيوا فسيب ايدي بق =معلش مخدش بالى
.. عند آيه وحسام آيه كانت مبسوطة اوى حسام برا وبيتفق مع أهلها ودلوقتي حسام قاعد معاها رؤيه شرعيه _اي دا مكسوفه =اه مكسوفه _اشطاااا =لاء احنا هنهزر ولا اى _يستى الواحد مش عارف يهزر معاكى =تؤتؤ مش هتعرف.. المهم عملت اى عند آيه حكالها حسام على كل حاجة _بتهزر حضنوا بعض =اى بالله عقبالنا _اتلم ماشي اتلم =حاضر.. ابقي جهرى نفسك بق بكرة عشان ننزل نجيب الشبكة عشان الخطوبه بعد بكرة _بجد =انتى مش ملاحظة انك لسه مقولتهاش
_المفروض مين يقولها =بق كد.. ماش يستى انا بحبك _الله يكرمك
