حبيبي

_ كنت بشتري من المول شوية حاجات لاقت حبيبي معه بنت و قاعدين بياكلوا ومبسوطين و هو بيضحك ويلعبها كانها بنته اسكت لا…
استنيت لما قامو وخلصوا و هي خرجت تستناه برا عند عربيته خرجت وراه وهي رايحه عند العربية وبتعدي الناحية التانية كنت انا جنبها كانت ماشية روحت دوست ع رجليها وقعت والعربية كانت جاية بسرعه داستها والكل اتلم.
عملت نفسي اغمى عليا من المنظر خدوني معها و لما فوقت خرجت لاقيت لامة قدم اوضتها روحت وهو كان مصدوم انا بعمل ايه.
سالته: هو انت تعرف البنت تبع الحاد.ثة.

رد عليا و ياريته م رد طلعت اخته الصغيرة وهي دلوقتي بين الحياء والمـ,ـوت بسببي مكنتش اعرفها انا غيرتي عمتني.
بقلم ميرا ابوالخير
قالي كدا وفضلت وقفه لحد اما الدكتور خرج وقال البقاء لله حبيبي وقع من طوله وامهم بتصرخ لاقيت شاب جاي و بيقول خطيبتي فين ودوتوها فين انهار هو كمان خدت بعضي ومشيت وانا خايفة و مش عارفه كل دا حصل ازاي. يتبع..

الثانية
روحت البيت وانا مش مستوعبة اني قتـ ـلت اخت حب عمري حتي لو مش اخته ازاي غيرتي تعيمني اوي كدا وتخليني اا”ذي روح طب احساسه اي دلوقتي و امه و خطيبها واهلها كله بسببي انا اعمل ايه ياترا حد خد باله طب اروح فين طيب.
قعدت اعيط وانا شايفه صورتها قدمي كانها بتخـ. ـنقني وبتقولي انا عملت لك ايهه.
صحيت من النوم وانا مرعوبة: يارب سامحني انا لازم اروح له واحكي الحقيقه.

قومت لابست و نزلت علي المستشفى لانهم اكيد لسه هناك لاقتهم فعلا بس امها مش موجوده ولاقيته واقف ع جنب كانه ف عالم تاني روحت له: انا جاية عاوزة اقولك حاجه.
رد عليا و عينه ملينه دموع: اعز اتنين ف حياتي مـ,,ــاتوا.
كنت وقفه مستغربة هو قصده مين: قصدك مين ومين.
بص للفراغ: امي واختي. كانه جردل مياه اتدلق ع دماغي: ا امك.
رد عليا: انتي عارفه انها كانت مريضة قلب مستحملتش هي التانية واختي كانت غالية عندها اوي اوي.

بقلم ميرا ابوالخير
حسيت اني مش قادره اقف ع رجلي انا دمرته ودمرت اهله معه بسبب ايي حاجه غبية ياريتني كنت مت قبل اما اشوفك او اعرفك كنت لسه هقوله الحقيقه لاقيته وقع من طوله سندته و ناديت ع الدكتور جم خدوه وانا معه بس قبل اما ادخل حسيت ب حاجه غريبة رجلي بتروح ناحية اوضة سالت يلي واقف قدمها قالي دي المشرحه قولت له اني اخت يلي ما.تت دلوقتي وحابة اشوفها داخلني ليها كانت محطوطه علي سرير حديد روحت ورفع الملايا كانت عليه د”م كتير اوي ببص ف وشها ودموعها نازلة طلعت اجري برا وسمعت صوته بيقول:

انتي يلي قتـ. ـلتي اختي… يتبع.. الثالثة
خرجت وانا مش عارفه اعمل ايه لاقيت صوته وقفني: انتي يلي قتـ. ـلتي اختي.
بصت له وانا العرق ملي وشي وبقا لونه احمر وارتبكت اكتر لما لاقيت البوليس قريب دخل المستشفى قولت له: ا انت ازاي تفكر اني اعمل كدا ف اختك انا اصلا معرفهاش.
رد عليا بانكسار: هي كانت معاكي ف الحاد.ثة طب بالله عليكي مشوفتيش صاحب العربية خبطها وجري.
رديت بدموع: لا مشوفتش حاجه انا اتخضيت من منظرها وقعت من طولي وعيب اوي لما تفكر فيا كدا انت كنت جاي تخطبني بعد بكرا وانا مش موافقة خلاص.

مشيت من قدمه وحالته كانت تصعب ع الكا”فر رفضته اه انا مش عاوزة لمل ابص له افتكر اني السبب ف مـ,ـوت امه واخته.
كنت عاوزة اروح لما سبته بس حسيت جسمي مش قادره احركه و كنت عاوزة ارجع اشوفه بس حاولت ومشيت.
كنت بتمشي قعدت علي كرسي قريب لاقته منزل ب.وست انه ندعي ليهم وبدل الجنازة بقوا اتنين دخلت جروب كنت انا وهو فيه كنا اصحاب ف بعض و كانو بيعزوا سمعت صوت ريكورد منه وقلبي اتكس.ر اوي احساس الندم والضمير بقوا يصرخوا جوايا

فتحت الصوت وسمعته بيقول « كنت مخرجها تختار فستان فرحها وخطيبها كان جاي ورانا قولت اغديها ونفتكر لعبنا وضحكنا والعبها بس خطيبها اعتذر اجالنا الموضوع عشان هي كانت حابه تشتريه وهو معها هي مشيت تستناني وانا روحت الحمام واحاسب مكنتش اعرف انها اخر مرة
بقلم ميرا ابوالخير هشوفها فيها وبدل م اشتري فستانها اشتريت كفنها بايدي وامي كنت مبسوطة اوي بينا هشكي لمين بعد امي هترمي ف حض.ن ميننننن طب لمل الدنيا تيجي عليا مش هجري و انام ع رجليها مش هاكل من اكلها تاني طب يرجعو دقيقه اودعهم فيها طيب دقيقه»..

بقلم ميرا ابوالخير
بقفلت الصوت وانا دماغي هتنفجر خلاص معدتش قادرةة.
روحت نمت من التعب وصورتها ف بالي تاني يوم قولت اروح اعزي واشوفه انا بحبه اوي لاقصي حد لابست اسود وروحت العزاء ودخلت شوفتها وقفه قدمي و بتبص لي: انتي عايشة… يتبع..

الرابعة
دخلت العزاء وقلبي وجعاني انا السبب ف العزاء دا ما.ت اتنين بسببي دخلت ولاقتها ف وشي: ا انتي عايشة.
ردت عليا ببرود: جاية تمشي ف العزاء بتاعي يا بجحتك.
قولت لها برعب: م مكنش قصدي مكنش قصديي.
لاقتها بتقرب عليا و الشر ف عينيها وانا اصرخ لحد اما كل يلي هناك اتلموا عندي لاقت عدى قدمي مستغرب: مالك ف ايه.
رديت وانا بتلجلج: اهي عايشة انا شايفها قدمي مشيها يا عدي مشيها.
رد عليا وهو مستغرب: مين دي يلي عايشة اهدي مش كدا مش قولتي متعرفهاش ازاي بتصرخي كدااا.

بقلم ميرا ابوالخير
بتلفت لاقتها وقفه بعيد وبتبتسم وبتقولي مش هسيبك مش هسيب حقي انا وامي منك لله خلتيني البس كفني بدل م اعمل فرحي حرمتيني من حب عمري ربنا ينتقم منك.
محستش بنفسي فتحت عيني لاقتني في مكان حلو وكله اخضر فجاءة لاقيتها ظهرت قدمي بس مكنتش لوحدها هي وامها: لي ليي عملت لك ايي.

بقيت ابو.س ايديها: سامحيني ابو.س ايدك انا اسفه.
كانت عمالة تضحك ع اخرها و امها كانت بعيد شوية بتبص لي بحزن مشيت وانا جريت وراها عشان تسامحني لاقيت نفس العربية جاية عليا جريت فضلت اجري لحد اما نفسي اتقطع ومحستش غير وانا رقدة في بيتي ع السرير و اخويا جنبي: انا بعمل اي هنا.
بصلي وفضل ساكت.
قلقت من نظراته ليا: بتبص لي كدا لي.
رد عليا رد صدمني و كان مكسوف: ازاي يجيلك قلب تعملي كدا.
مكنتش فاهمه قصده بس فكرت انه سري انكشف لكن كمل وقال: ازاي تروحي تزغرطي ف العزاء وتتحزمي وترقصي.

لسه هرد عليه بصيت ع هدومي لاقتني….. يتبع.. الخامسة
اخويا قالي كدا وانا مكنتش قادره استوعب: هو انت بتخرف ولا شارب اي ازاي انا اروح العزاء واتحزم وارقص هناك انت واعي لكلامك.
رد عليا بجمود: اه واتفضلي حد صورك ونزلها ع الفيس كمان انا بجد مش قادر استوعب.

قالي كدا و بص لي بقرف وخرج وانا بتفرج ع نفسي وانا برقص طب انا ازاي عملت كدا انا معرفش حصل ايه معقولة يكون عفريتها لابسني طب اعمل ايه اعترف ع نفسي وابقا رد سجون واخلص من عذ”اب الضمير ولا اسكت واروح لشيخ قومت شغلت قراءن و انا قررت اني اسكت اه انا مغلطتش انا افتكرت انه بيخوني معها بس حتي لو كان بيخوني مكنش ينفع اقتـ ـلها كدا لا بس انا خلاص هقفل صفحته من دماغي اه انا مش اول واحدة تغلط ف الدنيا صح انا هسكت.
عند عدي.
عدي بجمود: مكنتش اعرف انه هي هتيجي وتعملي كدا.

رد صحبه: بص سيبك من البت دي ف حد عاوز يشوفك.
بقلم ميرا ابوالخير

عدي خرج لاقاه التربي: خير يا عم خيري.
التربي: اختك مش مرتاحه ف تربتها اختك عماله تصرخ.
عدي بخضة وخوف: ا ازاي.
التربي: تعالى معايا.
خده معه المقا.بر..
كنت بلبس ورايحه الترب زي م الشيخ قالي نسيت اقولكم اني روحت لشيخ وقالي اروح تربتها و ارش المياه دي عليها عفـ,,ــريتها هيتحر”ق و مش هتظهر لي تانى.
نزلت و وصلت بس يلي وقفني اني لاقت عدي واقف مع التربي بتهيالي استخبيت واستنيت بس كان فضول اعرف بيقولوا ايه لاقتهم مشيوا قربت من القب.ر وطلعت المياه لاقتها ظهرت قدمي والدموع ف عينيها ايدي مكنتش عارفه احركها:

متظهريش ليا تاني انا مكنش قصدي احدفك تحت العربية انا غيرت لتكوني عشيقة عدي.
لاقيت يلي لافني له: كدا انا عرفت هي مش مرتاحه ليه. يتبع..

السادسة
بصيت وريا برعــ,ــب: انتي قتـ ـلتيها عشان كدا روحها مش مرتاحه.
رديت وانا همـ,ـوت من الخوف: بالغلط انا مكنش قصدي ازوقها ع العربية انا شوفتها معاك اتجننت.
رد عليه بغضب: حتي لو غريبةة ازاي شرك يعميكي وتمو’تي روح.
حسيت اني خلاص هتسج.ن و حياتي هعيشها جوا السج.ن رديت: انا اسفه غلطة بس متحبسنيش مستقبلي.
رد عليا بعصبية وهو بيكور ايده: لا والله حرمتيني من اختي وامي و عاوزاني ارحمك دا مش هسج.نك.
ابتسمت بارتياح: خلاص نتجوز و انساهم وانا هحاول اريح اختك ف قب.رها.
لاقيته واقف ساكت خوفت من نظراته:

ايه انت قولت مش هتسج.ني وانا موافقة نتجوز يا عدي.
بقلم ميرا ابوالخير.. لاقته قرب ببرود ومسك دماغي خبطها ف حجر التربة محستش غير بعدها بشوية.
شوفته وهو بيتكلم مع التربي وانا مربوطة من بوقي وايدي ورجلي: امممم اممممم.
بص لي نظرة كلها غل وشر: افتح التربة.
اترعبت وكنت بصوت بس صوتي مش واضح لاقته بص لي: السج.ن هيرحمك بس انا لا انا هد’فنك وانتي حية ف قبــ,,ــر يلي قتـ. ـلتيها.
بقيت اتشنج والتربي فتح التربة بتاعتها و شوفتها قدمي بتبتسم وعينها حمرا وانا برفص وو…

يتبع..