يوسف..خير يا عمي قول….
حسين..صباح…صباح حالها مش عاجبني خالص من يوم ما سقطت وشالت الرحم…بقت مش طبيعيه
يوسف..ماليها حق بردو يا عمي……
حسين..ايوه…بس دي فكرت تن”تقم من ولادي
يوسف بصدمه..اي…..وهما ولادك مالهم اصلا بالموضوع……
حسين..هي شاكه انهم اللي عملو كدا…بس انا مش متأكد بصراحه
يوسف..معلش يا عمي دماغي لفت….هو ممكن فعلا ولادك يفكرو في كدا
حسين..والله يا بني منا عارف……..
يوسف..امممم.طب انت عرفت منين انها هتنتقم…….
حسين..سمعتها كتير بتكلم امين..اللي كان صاحب اخوها محمود الله يرحمه….وبتقولو انو يقرب من بنتي يا يوسف
يوسف بصدمه اكتر..اييي…صباح تفكر في كدا…بس انت لازم تعذرها يا عمي
حسين..انا طبعا عاذرها…….عشان كدا مقربتش منها ولا زعلتها بكلامي……
يوسف..طب الواد امين دا لازم يتجاب..احنا بردو مش عارفين صباح اتفقت معاه علي اي
حسين..مهو انا عشان كدا جتلك…..
يوسف..تمام يا عمي…بكرا انا ونت هنروح للواد دا….ونشوف صباح متفقه معاه علي اي…
حسين..ماشي هعدي عليك عالمغرب كدا………
يوسف..ماشي يا عمي….بس بالله عليك…متعملش حاجه لصباح..واحده غيرها كان المفروض تو”لع فيهم والله
حسين..والله عندك حق يابني..المهم هنا عامله اي
يوسف بابتسامه..بخير الحمدلله…حامل يا عمي
حسين بفرحه شديده..بجد….ربنا يباركلكم يحبيبي….
يوسف..يارب يعمي……..
وصل يوسف للبيت وسمع صوت خارج من اوضة عادل وحليمه….قرب شويه……
حليمه..بقولك البت دي شدت حيلها عليا……
عادل..اهدي يا حليمه…يوسف مش هيسكت لو حصلها حاجه
حليمه..اي اللي يوسف….دي حتت بت اخوك حامد المجنون لقاها علي باب جامع…وعملها بنتو…فاهم
عادل..بس محدش يعرف انها مش بنت اخويا..وكمان متسجله في الحكومه بنتو
حليمه..اه…عشان كدا لازم ناخد ورثها وبسرعه….
يوسف مكانش مصدق اللي بيسمعو….كس”ر الباب برجلو بسرعه وبمنتهي الغضب….اتفزع عادل وحليمه وقامو وقفو برعب
يوسف كاتم غضبه بالعافيه..اي اللي انا سمعتو دا…….هاااااا…انطقو…….
عادل..اهدي يايوسف بالله عليك
يوسف بصوت رج البيت..ازاي تخبو حاجه زي كدا…هااا…فهمنيي
