اسـ,ـيرة ظـ,ـلامي الجزء التاني

في غرفه ادهم . كان يقف بصدمه شديده مما يفعل يهاجم عقله وقلبه . /انت ايه الي حصلك ليه بعدت عنها ليه قلبك وجعك لما شوفت دموعها ايه ي ادهم قلبك هيدق تاني ويرجع يتوجع مره تانيه اوعا ي ادهم اوعا تعيش التجربه مره تانيه الي هيتوجع هو انت انت وبس . ليذهب الي الحمام ليأخذ شور لعل الماء تريحه مما به . ***********.
في غرفه رباب .. كانت تجلس وهي تتضم قدميها الي صد*رها بدموع لتتحدث بوجع .

/انتي السبب في الي حصل مكنش ينفع تقوليله كده انتي عارفه كويس أن مفيش كلمه قالها علي اخوكي الا وهي صح اخوكي الي باعك بالرخيص ومسالش فيكي ادهم هيخلصك من مصيرك الي انتي عارفه نهايته كويس ادهم مش وحش زي مانتي فاكره لو كان وحش مكنش سابك الا لما ك.سرك وخلاكي عبده ليه طول العمر . كانت تفكر بشده في القادم ليغلبها النوم سريعا … *************.
في شقه عدي … كان يفكر في تلك الملاك الذي تسكن أمامه حقا هي كالورده الخاطفه لتقترب منه والدته.

امينه بابتسامه /سرحان فيه ايه ي سي عدي . عدي بابتسامه وهو يقبل يدها/هيكون في ايه ي ست الكل الشغل طبعا بقولك ايه ي امي انتي خدت بالك من السكان الجداد. امينه بحزن /ايوه ي ضنايا دي صعبت عليا حكايه البت رحمه دي لما عرفت حكايتها . عدي بفضول ولهفه /ليه هي مالها ي امي . امينه بحزن/ي عني عندها عشرين سنه كانت متجوزه ابن خالتها ما.ت في حا*دثه عندها بنت وبعيد عنك الوليه خالتها دي عقربه كاتمه علي نفسها لأنها خايفه أن البنت تتجوز وتبعد بنت ابنها عنها والبت رحمه دي ي عيني اغلب من الغلب نفسه .

ليشعر عدي بحزن شديد لم يعلم علي حالها أو عن أنها كانت متزوجه ليسير الي الداخل لنوم ليريح عقله من تفاصيل تلك الجميله الذي لم يعلم أنها ستجعله يقع في العديد من المشاكل لعش*قه المتيم لها … *****************.
في شقه ادهم ..
صباحا .. كانت تجلس رباب علي السفره أمام الطعام ليجلس ادهم علي الكرسي وهو يرتدي حذائه دون أن يعايرها اي اهتمام. رباب بغيظ شديد/ي فتاح يا عليم يا رزاق ي كريم مش الناس تقول صباح الخير.

ادهم بجمود /ده للناس الي بيحبهم لكن انا مش طايقك . رباب بحده /مين الي ميطقش مين بعد الي كنت هتعمله . ادهم بسخ*رية /انتي عارفه كويس اني لو كنت عايز اعمل حاجه كنت عملتها ده كله شكه دبوس علشان بس تعرفي انتي بتتكلمي مع مين ولا مش فاكره الي قولتيه . رباب بإحراج /انا اسفه علي الي قولته انا عارفه اني اتسرعت . ادهم بغيظ شديد وهو يسير للداخل /وانا مش قابله واعملي حسابك انك هتنزلي مع عم عثمان تعمليله توكيل علشان موضوع الطلا.ق لو ووصل المحكمه يبقا هو بصفته وكيلك مؤكل امجد فاهمه .

رباب بغيظ /حاضر ي سي ادهم اوووف ده زعله وحش اوي اشوف مين الي علي الباب . لينظر إليها عدي باستغراب شديد فهيتها ليست من فتيات ادهم . رباب بغيظ /اؤمر ي اخويا الحمد لله اني شوفت راجل بيخبط علي باب الشقه دي قبل مامـ,ـوت . عدي باستغراب /هي مش دي شقه ادهم الاسيوطي . رباب بسخ*رية/ي عني شقه ادهم الشرقاوي ي اخويا هي الشقه بس اعلق الجزمه الاول علشان لسه مساحه مش خدامه اهلكم انا .

عدي بصدمه وفزع /ي ادهم ادهم . ادهم بحده /فيه ايه ي ابني سرعتني . عدي بتفحص ولهفه /الحمد لله انك كويس انا افتكرت سك*ينه دي عملت فيك حاجه. رباب بغيظ /لا ي اخويا عبد العال اشكال هم . كان يقف ادهم وهو يكتم ضحكاته بصعوبه ليتحدث عدي بغيظ شديد. /جرا ايه ي بت انتي انا ظابط . ادهم وهو يكتم ضحكاته بصعوبه/ادخلي انتي جوه ي رباب . رباب بغيظ شديد/حاضر قال ظابط قال الشركه استغفر الله العظيم بقت بتلم.

ادهم وهو يجلس بضحك /ههههه شكلك بقا وحش اوي ي عدي اهي واحده متعرفناش وقالت رأيها فيك بصراحه . عدي بغيظ /انت هتتضحك مين البت دي شكلها مش من نوعيه البنات الي تعرفهم . ادهم بابتسامه /متشغلش بالك مين دي قولي انت جاي بدري كده ليه انا كنت نازل رايح الاداره . عدي بارتباك /بقولك ايه انا جيلك برساله هقولها وخلاص فاهدا كده ومطلعش همك فيا . ادهم بحده /يبقا متكملش ي عدي انا كده فهمت طاهر باشا مش كده بلغه اني مش هرجع وينساني وكفايه عليه اوي معتز .

عدي بحزن / ادهم انت عارف كويس أن جدك بيحبك اكتر من معتز طول عمره ودائما عايز مصلحتك . ادهم بسخ*رية /والله محدش فيكم عارف الراجل ده كل الي يهمه مصلحته هيفضل يذل فيا ويفكرني بالي فات أنه مكنش موافق علي الجوازه وادي اخرتها خناتني هيفكرني بماضي بعمل المستحيل علشان أنساه ي عدي . عدي بجديه /مفتكرش أنه عايزك في كده ي ادهم شكله فيه موضوع مهم عايز يتكلم معاك فيه . ادهم بزهق /مش وقته يالا احنا مش ناقصه اللواء مؤمن يسمعنا كلمتين .

عدي بخبث ومكر/طب ورباب دي هتسيبها كده في الشقه مش خايف تتطلع حراميه ولا حاجه. ادهم بحده /لم لسانك ي عدي احسالك رباب لو هتمـ,ـوت من الجوع متمدش أيدها علي حاجه مش من حقها . عدي بنظره خبيثه/هو ايه الحكايه بالظبط انت محسسني انكم متربين سواء يالا ي اخويا يالا . كانت تقف خلف الجدران وقد استمعت لكل شي قد علمت ما تعرض له ادهم من ك.سره ومرار وقد اوصل به إلي تلك الظلام فقد تعرض الي ابشع شي في الحياه الخـ,ـيانه من اقرب الناس اليك لتفر دمعه منها علي حاله لتبتسم بسخ*رية .

/واضح أن احنا الاتنين محتاجين لبعض ي ادهم . لتمسح دموعها سريعا وتنزل الي عثمان وفتحيه … ****************.
في شقه سيد .. كان يجلس وهو ينفخ سيجارته بغ*ضب وتوعد لها ليخرجه من شروده جرس الباب ليفتح لينصـ,ـدم من ذلك الرجل. سيد بقلق /مين حضرتك . امجد وهو يجلس بغرور /انا امجد محامي مدام رباب . سيد بصدمه /محامين مين ي اخويا ازي ي عني . امجد بحده /هو ايه الي ازي يالا فين المعلم ده الي اسمه عزت خلونا نخلص لاني مش فاضي ل اشكالكم .

وبالفعل قد أرسل سيد طفل ليجلب عزت من محال الجزاره الخاصه به . عزت بلهفه /ها البت رجعت ي سيد . امجد بحده /مش هترجع ي معلم وهتط.لقها ورجلك فوق رقبتك . عزت بحده /نعم ي اخويا وانت مين أن شاء الله. امجد بحده /انا محامي مدام رباب وانت هتط.لقها ورجلك فوق رقابتك ي عزت . سيد بحده /هي اختي فين .

امجد بحده /اختك مع الاسد الي مش هتعرفوا تاخدوها منه ولا تاذوها طول ماهي معاه فاحسالك ي عزت تتط.لق من غير شوشره بدل م*اتروح في ستين داهيه انا سهل اوي اجبلك قرر قفل للمحل واخليك تشحت علي باب الجوامع ورقه الطلا.ق جاهزه تمضي وتخلص . سيد بحده /ي عني ايه مين الأسد ده الي اختي معاه .

عزت بسخريه /حضره الظابط ادهم مش كده انا برضه شميت رائحه مش ولابد لما شاف صوره رباب بس الي متعرفهوش بقا ي افوكاتوا أن المعلم عزت مبيتهددش انا الد.م والد.بح ده عندي زي المياه بالظبط بيورد عليا كل يوم يعني مبخفش بلغ حضره الظابط أنه غلط اوي والغلطه تمنها غالي اوي . امجد بغ*ضب جحيمي/وماله يبقا جبتوه لنفسك نمشيها قانوني في المحكمه وساعتها هيتعرف انك اتجوزتها غصب وساعتها قسما بالله لحبسك . ليسير امجد الي الخارج ليتوعد عزت ل رباب وادهم بالجحيم .

***************.
في شقه عثمان وفتحيه البسيطه . كانت تجلس فتحيه بحزن شديد أرضا لتقترب منها رباب بابتسامه عذبه . /صباح الفل ي خالتي . لتنقض عليها فتحيه لتمسكها من شعرها بغ*ضب لتصرخ رباب بالم . عثمان بوجع/ي فتحيه سيبيها حرام عليكي. فتحيه وهي تتضـ,ـربها بغل /اسببها ده انا هقطع من لحمها بقا كده ي بت نباتي عند راجل غريب ده انا هولع فيكي خلاص ي رباب بقت واحده من الي يعرفهم سلمتيله نفسك ورخصتيها ي رباب .

رباب بالم وصراخ /والله ي امي ملمسني والله العظيم ماحصل حاجه. فتحيه بخوف شديد عليها كأنها امها /امال ايه الي خلاكي تباتي عنده ي بت احكي . رباب وهي ترتمي في أحضانها لأنها اتحرمت من حنان الام كثيرا /هقولك علي كل حاجه ي ست الكل بس هروح مشوار وارجع علطول بس اطمني بنتك والله مغلطت عمي عثمان عيزاك معايا في مشوار ربنا يخليك وصلني وارجع علطول علشان العماره . *****************.
في الاداره …. كانت تسير رباب الي الداخل وهي تحمل الطعام بيدها لكي تفطر ادهم فقد ذهب من دون فطار.

ليقترب منها عدي بصدمه /هو انتي انتي دخلتي هنا ازي . رباب بغيظ شديد/ايه الي دخلت هنا ازي
دخلت زي كل الناس الي داخله عايزه مكتب ادهم . عدي بغيظ شديد/طب اقلعي الجزمه قبل م*اتتدخلي . رباب بغيظ/ليه ي اخويا داخل الجامع . عدي وهو يستمتع برائحه الاكل /احمم ده بيض بالبسطرمه صح . رباب وهي تعطيه بابتسامه/امسك يالا الغلابه كتار في البلد دي فين بقا مكتب ادهم . عدي وهو يأكل باستمتاع /الي قصادك ده علطول..

****************.
في مكتب ادهم … كان يجلس ادهم وهو يعمل علي قضيه هامه لتتطرق رباب الباب لياذن لها ادهم بالدخول . رباب بابتسامه /السلام عليكم. ادهم بصدمه /انتي جيتي هنا ازي . رباب وهي تجلس أمامه وتتضع الطعام علي المكتب /عمي عثمان وصلني يلا بقا علشان انت مفطرتش وده بره اتفاقنا اني ابقا مسؤؤله عن أكلك . ادهم بغيظ /شكرا مش عايز حاجه وخودي الاكل ده معاكي واتفضلي ارجعي البيت . رباب بحزن /يبقا انت لسه زعلان مني بقا .

ادهم بغيظ /ايوه يلا اتفضلي بقا . عدي بفزع /ادهم مصيبه سوده . ادهم بفزع /فيه ايه ي وش المصائب . عدي بفزع /اللواء فاروق جاي علي هنا يعمل تفتيش وانت عارف ده من اول غلطه رفد . ادهم بفزع /يادي المصيبه دي فيه ملفات قضايا كتير مخلصتش روحت في داهيه . عدي بفزع /انا هروح المكتب التاني وانت اتصرف شوف هتعمل ايه. ادهم بغيظ شديد/هعمل ايه اترفد والحمد لله.

رباب وهي تنظر بمكر للوساده الصغيره الموضوعه علي الكنبه لتاخذها سريعا لتتضعها داخل فستانها في موضع البطن لتظهر وكأنها منتفخه لتبتسم بخبث لتقترب من ادهم سريعا وهي تتضع يديها حوالين رقبته تحت صدمته مما يحدث لتصرخ بخبث ومكر . /اه الحقني ي ادهم الواد هينزل مني . اللواء فاروق بصدمه /ايه الي بيحصل هنا بالظبط ….يتتتتتبع . البارت 6..
في الاداره .
مكتب ادهم …
كان ينظر إليها بصدمه مما تفعل لتحدثه في اذنيه بهمس .

/بقولك ايه طوعني في الي بعمله خليني اخلصك من الورطه دي . فاروق بحده /هو ايه الي بيحصل ده ي سياده المقدم . رباب بصراخ مصتنع /اها والنبي ي اخويا اللهي ربنا مايوقعك في ضيقه ولو يوقفلك عربيه في المرور ولا وليه في موقف زي ده لتخليه يروح معايا المستشفي لاحسن خلاص هولد هنا في المكتب وابهدل الدنيا . فاروق بجديه وحده /انت واقف مستني ايه م*اتروح مع مرائتك .

رباب بخبث ومكر/بعيد عنك ي سياده اللواء الفرحه مش سيعاه اصل بابا الباشا كان رافض جوازنا وهو علي صرخه واحده همـ,ـوت نفسي همـ,ـوت نفسي لو متجوزتهاش لحس التراب ي سعه اللواء علشان يتجوزني ابويا بهدله بصراحه . ادهم بغيظ شديد/طبعا ي روحي بصراحه الحاج عريان ابوكي عززك بما الكفايه هو انا كنت اطول ي بنت النقاش . عدي بفزع /ايه الصريخ ده هو ايه الي بيحصل هنا . رباب بخبث وصراخ /اه الحقني ي استاذ عدي والنبي لتخليك مع ادهم اخوك لاحسن انا خلاص علي أخري يارب يسرلي ولادتي يارب.

عدي بصدمه وهو ينظر لبطنها ليحدث ادهم /ي نهار اسود انت جامد لدرجه دي ده انا لسه سايبكم من عشر دقائق العيل دي جه منين . رباب وهي تتدفعه بغيظ وهمس /الغباء له ناس ده انتوا الي شغلاكم ظباط ظل*ماكم هي البلد خربت من شويه افهم بقا . عدي بانتباه /اه احممم ربنا يقومك بالسلامه ي مدام رباب معلش ي سياده اللواء انا مش هقدر اسيب ادهم لوحده في موقف زي ده . فاروق بجديه /خلاص خليك مع صاحبك ادهم انت واخد اجازه النهارده لحد م*اتتطمن علي مدام رباب ربنا يقومهالك بالسلامه .

رباب بصراخ ومكر وهي تمسك يد ادهم /اه ربنا يكرمك ي سياده اللواء تعبانه اوي ي دومي مش قادره الواد ده هيطلع شقي زي تعبانه مش قادره . ادهم وهو يجز علي سنانه بغيظ وتوعد /الف سلامه عليكي ي روح دومي انا هريحك علي الاخر . ***************.
في شقه ادهم .
الوضع كالاتي رباب وقفه علي الكنبه ماسكه في ايديها الشبشب وادهم تحت قصادها وبينهم عدي بيسلك بينهم . رباب بغيظ شديد/شايف شايف الصنف الواطي الي مبيطمرش فيه حاجه ده بدل متشكرني علي المصيبه الي خلصتك منها .

ادهم بغيظ شديد/لا ي شيخه ما الي عملتيه كمان مصيبه بقا انا كنت همـ,ـوت علشان اتجوزك انتي دلوقتي الدنيا هتتقلب ويفضلوا يقولوا اتجوزها فين وامتي وسمعتي تبقا علي كل لسان ي بنت النقاش . رباب بسخ*رية /ه‍ههههي اسماالله علي سمعتك الي زي الصيني ي بتاع الكبريهات والنسوان دي سمعتك في الطين اساسا . عدي بضحك /ههههه بصراحه ي ادهم في دي عندها حق انت سمعتك زفت فعلا . ادهم وهو يدفع بغيظ /اتلهي انا عايز اعرف انتي ايه الي دخلك اصلا في الموضوع ده .

رباب بغيظ وصراخ /بقا ده جزاتي اني انقذتك انت والباف ده وطالما عملي فيها دكر ي اخويا معملتش الواجب ليه بدل مااللواء كان هيمسكم السلك عريان. عدي بضحك /هههه بصراحه كان فيه مسائله مش عرفينها . ادهم بغيظ شديد/شايف ابعد عني خلينا اربيها . رباب بغيظ وهي تمسك الشبشب /قرب وشوف اللي هيحصلك ي عره الظباط . عدي بضحك /ههههه خلاص بقا ي ادهم ي اخي رباب انقذتنا من ورطه المفروض نشكرها . رباب وهي تتضع الشبشب أرضا بغيظ /صنف دون مبيطمرش فيه حاجه.

ادهم بغيظ /ي بت اتلمي احسانلك. عدي بابتسامه/خلاص بقا ي ادهم رباب بجد انقذتنا النهارده وانت لازم تعترف بده همشي انا بقا مصدقت خدت اجازه هودي امي للدكتور سلام ي رورو . رباب بابتسامه /سلام ي دودي . ادهم بغيظ وغيره /جرا ايه ي اختي م*اتتلمي . رباب بغيظ شديد وهمس/الله انا كلمتك انت ي ساتر عامل زي اللوح المفروض يشكرني علي الي عملته كلهم صنف واحد . ادهم وهو يكتم ضحكاته ليتحدث بجديه /احممم خلاص خلصتي برطمه ممكن تشوفي بقا هناكل ايه انا جعان اوي .

رباب بغيظ شديد/شوفت السربعه بتاعتك هناك ادينا سبنا السندوتشات مع انها والله كانت متكلفه عماله اقولك واغمزلك علشان تجيبهم في ايدك و انت جاي . ادهم بابتسامه ساحره/الله مش كنا بنتقن الدور علي سياده اللواء ي عني انا راضي ذمتك ينفع تكون مرائتي تعبانه ورايح بيهاالمستشفي وافكر في الاكل ده كلام . رباب وهي تتضع يديها علي كتفه بمرح /لا تصدق عجبتني ي واد يجي منك . ادهم بضحك /ههههه تلميذك ي معلمه بس يلا علشان بجد جعان .

رباب بابتسامه /هتساعدني . ادهم بابتسامه ساحره/اوك . ******************.
في شقه نور …. بعدما عادت من شرم الشيخ كانت تجلس بشرود للتحدث مع ذاتها . /غريبه ي عني اول مارجعتي مجرتيش علي ادهم زي مكنت متوقعه اول مسافرتي انك هتعدي الدقائق علشان ترجعيله ده انتي حتي مكلمتهوش ولا مره وانتي مسافره معتز كان مالي عليكي الدنيا نساكي كل حاجه معقول حبك ل ادهم كان وهم وقلبك بدا يحب معتز بجد انتي هبله اوعي تحلمي ي نور ده حاجه مستحيل تحصل انتي ملوثه عمر مافيه حد زي معتز هيقبل بيكي …

**************.
في شقه سيد .. كانوا يجلسون بصدمه مما حدث . سيد بحده/انت ازي عرفت أن ادهم الاسيوطي هو الي بعت المحامي . عزت بغ*ضب/لاني ذكي مش غشيم زيك انا كنت حاسس أنه فيه حاجه مش مظبوطه من اول ماشاف الصوره بتاعه رباب وشه قلب الالوان حر*قته عليا لما عرف اني جوزها كانت وراها سر خصوصا أنه مدورها مع الحريم مش هيتحر*ق الا إذا كانت تخصه . سيد بحده/طب وهنعمل ايه ي معلم . عزت بحده وتوعد /اتاكدت بس انها عنده وانا هخليهم هما الاتنين يندموا علي الي عملوه .

****************.
في عماره عدي … كان يسير الي الاعلي ليستمع الي صوت رحمه تستنجد بأحد . رحمه بصراخ ودموع /لو حد برا سمعني يرد عليا ابوس ايديكم . عدي بهلع /فيه ايه ي مدام رحمه . رحمه بدموع وقهره/ابوس ايدك ي استاذ عدي بنتي تعبانه اوي وخالتي قفلت عليا من بره بالمفتاح وبكلمها مبتردش الحقني . عدي بغ*ضب /هي الست دي مجنونة متخـ,ـافيش ي مدام رحمه متخافيش سعيد ي سعيد . سعيد البواب /نعم ي عدي بيه .

عدي بغ*ضب /تعال معايا نك.سر باب مدام رحمه بسرعه . ****************.