اسد. كان عاوز يقوم بخنقها وبعدين قال يعني هتتصالحو
الراجل. ايوا يا باشا
نور. بصتله
الراجل. راح عليهم وقال انا اسف يا حجه حقك عليا انا غلطان
نور. رفعت حاجبها الراجل قالها انا اسف يا انسه
اسد. تمام اتفضل روح وخد الحاجه ف طريقك وياريت تروح اي صيداليه علشان جـ,ـرحك دا
الراحل. حاضر يا باشا
نور. راحت علي الست وباست جبينها
اسد. اعجب بطيبة قلبها
الست. دعت لها وقالت ربنا يسترك يا بنتي ويحفظك من ولاد الحرام ويسعد قلبك دنيا واخره
اسد. قال امين
نور.
ابتسمت لها وبعدين الست خرجت ونور بصت ل اسد وقالت عن ازنك بقا يا باشا
اسد. علي فين انتي لسه هتشرفينا
نور. ليه حضرتك انا معملتش حاجه
اسد. بقا تفتحي قرن الراجل وتقولي معملتش حاجه
نور. هو اللي قرنه طويل ويستاهل فتحه
اسد. قال لمي لسانك وايدك الطوال دول علشان المره دي جت سليمه محدش عارف المره الجايه هيحصل ايه وانتي فهماني طبعا
نور. شوف ازاي
اسد. شوفتي العمي
نور. الشرطه بتدعي عالشعب وف لحظه خبط ودخل ظابط صغير وواضح عليه انه خريج جديد
عثمان. ضباح الخير يا باشا
نور.
واو ايه القمر دا ولفت حوليه وقالت تصدق انا كان نفسي ادخل الشرطه قوي بس للاسف
عثمان. بصلها
نور. قالت انا من عيله كبيره قوي ومرضيوش وقالو شرطة ايه وزفت ايه الي انا هدخلها
عثمان. احترمي نفسك يابت وانتي بتتكلمي
نور. ياخلاثي عالعسل ببدلته البيضا دي
اسد. بغيظ قالها عجبك
نور. ببردو قالت قوي قوي يا باشا تحسه كدا حمامه بيضا يااااه واتنهدت وبعدين بصت ل عثمان وقالت اسمك ايه يا قمر انته
عثمان. ابتسم وبعدين بصلها بأرف
نور. بغضــ .
ــب قالت براحه ياض علي نفسك انت متعرفش انا مين ولا ايه
عثمان. انتي بتكلمي مين يا بت كدا
نور. اوعي تكون فاكر علشان قولتلك كان نفسي ادخل شرطه تتغر لا يا بابا انا المهندسه نور 96% مش زيك داخل ب 60% فوق يا بني انا طالبه متفوقه وانت فاااااااش. ل. وتلاقيك كمان داخل بواسطه
عثمان. انتي نهارك ازرق انهارده
نور. ياريت يكون منقط ب اسود علشان انا بحب الاسود
اسد. بنفاذ صبر قالها عرفه لو شوفت وشك صدفه هعمل فيكي ايه
نور.
ابقي حاسب الصدفه انا ذنبي ايه وبصت ل عثمان وقالت انت عامل كروت
عثمان. بصلها واستغرب
نور. شكلك صغير ولسه معملتش مش مهم قولي اسمك ايه
عثمان. ببلاهه قالها عثمان
نور. الللللله يا جمالك يا عثمان يا حلاوتك يا عثمان
نور. انا اسمي نور وممكن تقولي نونو عادي وكمان ممكن تقولي رورو مفيش مشكله وكمان ممكن تقولي ووو
عثمان. ايه وووو دا
نور. حرف الواو اللي ف اسمي
اسد. قام وقف وخبط عالمكتب بايده
نور. جريت عالباب وقالت بااي عثمان وقفلت
عثمان. مين المجــ . ــنونه دي
اسد.
ايه اللي حصل
عثمان.احم كل شئ تمام زي ما حضرتك طلبت
اسد. تمام علي شغلك يلا دماغي صدعت هروح ارتاح شويه وانت بلغني اول باول بالاخبار
عثمان. تمام يا باشا
اسد. نزل لقي
نور. واقفه مستنية مواصله
شاب بيعاكسها وبيقول مالو القمر وقف حيران
نور. بأرف قالت غور ياض من وشي
اسد. راح عليها وبحدة قال ف ايه وبص للشاب جري ف لخظه
نور. علي فكره انا مش محتاجه حد يدافع عني واعتقد شوفت بنفسك
اسد. حط ايده علي راسه وبعدين قالها تعالي اوصلك
نور.
اسفه يا باشا انا ساكنه ف منطقه شعبيه ومحبش حد يتكلم عني وحتي لو مكنتش ف منطقه شعبيه توصلني بتاع ايه ها ولا هو انت عاوز تقعد معايا علي انفجار وخلاص
اسد. تصدقي انا غلطان غوري ايكشي تتخـ,ـطفي مش تتعاكسي وبعدين ف نفسه قال ايه انفجار
نور. شاورت لتاكسي وركبت
اسد. ركب عربيته وفضوله خلاه يمشي وراها
وبعد بعض الوقت
نور وصلت واول ما نزلت صوتت…..
نور. اول ما نزلت صوتت والتفتت
هاني. مسك درعها بقوه وبيقولها كنتي فين يا ست هانم لحد دلوقتي ايه هما كانو مطبقين معاكي ولا اييييه
اسد.
كان عاوز ينزل بس استني يشوف رد فعل نور
نور. بغضــ . ــب شدت دراعها منه وقالت ابعد عني يا حـيــ . ــوان يا حقير انا اشرف منك ومن اللي خلفوك كمان والحته كلها تشهد بكدا وانت نفسك عارف ومتأكد وإلا مكنتش طلبت تتجوزني بدل المره عشره
هاني. اه شريفه قوي.
نور. ضـ,ـربته بالقلم علي وشه وسابته ومشيت
هاني. وربي مهعديها بالساهل وراح عليها
متولي جرا ايه يا هاني هو كل يوم كدا سيبها ف حالها بقا
هاني. انت مش شايف يا عم متولي الست هانم جايه امته
متولي.
ومين قالك انها كانت بايته برا مايمكن خرجت ونسيت حاجه ورجعت تخودها
هاني. لا انا متأكد انها كانت بايته برا
متولي. دا انت مرقبها بقا
هاني. مردش،عليه وندا عليها قبل تدخل العماره وقال نوررر
نور. التفتت
هاني. راح عليها وقالها انتي بتاعتي ومش هتكوني لحد غيري فااااهمه ولا افهمك بطريقتي
متولي. اعقل يا بني مش كدا
نور. سيبه يا عم متولي وخليه يفكر يقرب مني وشوف انا هعمل فيه ايه
هاني. بعند فيها قالها بقا يا بتاعه انتي اللي هتوريني وقرب قوي منها وقالها انا بقا عاوز اعرف هتعملي ايه
نور.
كلمه كمان وهشقك نصين
هاني. قرب اكتر ليها ولسه هيحط ايده عليها
نور. ف لحظة غضــ . ــب غزته بالمطوه بس جت سطحيه
هاني. ااااه انتي اتجننتي يا بت
اسد. واقف مزهول ومكنش متوقع منها كدا
نور. رفعت صوبعها ف وشه وقالت انا حذرتك وانتي اللي ابتديت واوعي تكون فكرني بنت طريه ولا بخاف
هاني. بغضــ . ــب الدنيا كلها مسكها من دراعها وقالها هقتـ,ـلك
متولي. بيشده ويقوله اهدي يابني وتعالي نروح نخيط جـ,ـرحك دا
هاني. مش قبل ما اخد حقي واندمها علي الي عملته
نور.
وريني هتاخد حقك ازاي يااا سبع الرجاله والتفتت تمشي
هاني. جري وراها وشدها من شنطها ومسكها من خصرها
اسد. نزل من عربيته بس وقف لما شاف نور وردها للمره التانيه
نور. التفتت ل هاني وقالت انت مصمم تمـ,ـوت خالص بقا وانا معنديش مانع ولسه هتغزه تاني هاني مسك ايدها وضغط عليها وقالها اول مره كانت علي خوانه لكن المره دي لا وقرب منها اكتر وشدها عليه
نور.
بعدته عنها وقالت مش كل الطير اللي بتاكل لحمه وبكعب جزمتها ضغطت علي رجله الحاره كلها اتلمت والكل بيحوش نور عن هاني نور بعصبيه قالت كل واحد يروح لحاله انا مش محتاجه مساعده من حد وبالنسبه للحقير دا انا هتصرف معاه وزئته عنها بكل قوه
هاني. ابتدي يتعب بس ببكابر وبعدين قالها مش هسيبك يا نور مش هسيبك وبصوت عالي قال هتجوزك غصب عنك والاسبوع الجاي
نور. بكل برود قالت وترضاها علي نفسك يا هاني تتجوز واحده شمال حسب كلامك وتصرفاتك وبكل هدوء قالت ياراجل دا انا كنت بايته برا البيت ورفعت حاجبها
هاني.
ماشي يا نور صبرك عليا
نور. ببرود معنديش غيره والايام بينا ومشيت
هاني. اخده واحد صاحبه وراح يخيط جرجه
اسد. ابتسم وقال ها النور قويه ومش قليله ومشي
نور. طلعت شقتها وهي علي اخرها ولسه بتفتح الباب
ام فاروق. معلش يا بنتي هو طول عمره بلطــ جـ .ـي
نور. معلش يا ام فاروق انا مستعجله
ام فاروق. بصتلها واتدايقت وبعدين قالت الا هو انتي كنتي فين مشوفتكيش
نور.
وان شالله يارب متشوفيني خالص ودخلت وقفلت الباب وقالت حاجه تأرف هو انا نقصاكي وراحت ورمت نفسها عالكنبه وعيطت علي حالها وبصت لصوره امها وابوها عالحيطه وقالت ياريتكم اخدتوني معاكم وبعد شويه قامت ودخلت غيرت لبسها ونزلت علي كليتها وف نفسها اااه ياني معتش قادره افتح عيني بس لازم اروح الجامعه المحاضره مهمه وقالت كلو منك يا ظابط يابن الجزمه
وبعد بعض الوقت
اسد. وصل بيتهم
ليلي. حمدلله عالسلامه حبيبي
اسد. الله يسلمك يا ماما
مختار. صباح الخير يا حضرة الظابط
اسد. صباح الخير يا بابا
معتز.
عاش من شافك يا حظرة الظابط
اسد. ببتسامه صباح النور ياجدي وباس ايده
ياسمين واميره بفرحه صباحووو يا باشا
اسد. حضـ,ـنهم صباح الورد علي اخلي اخوات بالدنيا
خالد. ضـ,ـربه بخفه علي كتفه وقال فينك يا بني بقالك كام يوم مش باين ودا بيكون ابن عمه
حمزه. ايه دا الباشا بحالو عندنا يا مرحبا يا مرحبا ودا بيكون ايضا ابن عمه واخو خالد
ماهر وامل. صباح الخير للكل ودول عمه ومراته
معتز. تعالو يلا افطرو علشان كل واحد يشوف شغله والكل اتجمع عالسفره
اسد.
قاعد مشغول باله بالجنيه الرغايه ام لسان طويل وافتكر لما كانت مشغوله وهي بتكلم مع الراجل صاحب التوكتوك واستغل الموقف واخد فونها من عالمكتب ورن علي نفسه وضحك بخبــ,,ـــــث
في الجامعه
ميرنا. فينك يا نور اتاخرتي يعني انهارده
نور. بتعب واهو جيت حاجه تأرف
ميرنا. مالك امعلم انت تعبان اول مره اشوفك كدا
نور. حسبي الله ونعم الوكيل
ميرنا. ف مين
نور. بزهئ قالت فيكي
ميرنا. الله وانا مالي وبعدين قالت اوعي يكون الواد هاني ضايقك تاني
نور. ربنا ياخده هو التاني
ميرنا.
الله الله هو في حد اول ولا ايه يا نونو
نور. اخرسي انتي التانيه وافتكرت اسد وغروره وكبريائه وكمان لحظات حست فيها انو طيب وحنين وخاصه لما جابلها فطار وابتسمت لما كان صبره ينفذ من رغيها
ميرنا. امممم قومي ياختي ندخل المحاضره اتأخرنا وبعد انتهاء المحاضره
نور. همـ,ـوت وانام اااه يادماغي وفونها رن استغربت وقالت رقم غريب وكنسلت
ميرنا. مين
نور. مش عرفه ورن تاني كنسلت رن مره تانيه
ميرنا.
شوفي مين يمكن حد مهم عاوزك
نور عوجت بوئها وقالت دا مين ياختي اللي حد مهم وعاوزني وبعدين بمرح قالت اه صحيح دا انا من عيله كبيره قوي واكيد حد مهم منهم
ميرنا. ههههههه يخربيتك يابت يانور هو انتي مزهقتيش من الاسطوانه دي
نور. بصتلها بتعالي وقالت بكرا اخليكي تتمني تكلميني
ميرنا. هههه طيب ياختي ردي عاللي مش راضي يسكت دا
نور. بزهق وغضــ . ــب وغيظ ردت وقالت ايييييه تن تن تن ايه مزهقتش اعوذ بالله
اسد. ف نفسه ايه بنت المجانين دي دا رد ترده
نور. الوو
اسد.
مش بيرد
نور. الووو
اسد. بيسمع صوتها وساكت
نور. بغيظ قالت تصدق انك رخم وبارد ومعندكش دم تك الارف ف تقل دمك هو انا ناقصه هيافه عالصبح وقفلت
اسد. يخربيتك وداني عفت من وقت عرفتك ولسانك الزفت دا اللي مش بيبطل وابتسم
نور. يلا يا ميرنا عالشركه وبس وصلو فونها رن قالت اوووف هو نفس الرقم فتحت وقالت هو يوم ازرق من اوله اسمع يا اخ انته غور واياك تتصل عليا تاني والا بخرب بيتك وبيت اللي خلفوك وعيلتك كلها انت متعرفش انا مين ولا ايييه
اسد.
ببرود قال بصوت هامس لا طبعا عارف بنت العيله الكبيره قوي قوي
نور. اتخضت وبعدين قالت مين الأمور
اسد. قفل السكه ف وشها
نور. ااه يابن الكلـ. .ب
اسد هههههه والله ل اخليكي تلفي حولين نفسك
ميرنا. مين اللي اتصل عليكي
نور. وهي شارده قالت واحد عارف اني من عيله كبيره قوي
ميرنا. هههه يخربيت عسلك يا بت يانور وبعد ثلاث ساعات ف الشركه
نور. فونها رن تاني يخربيتك انت تاني وكنسلت
اسد. رن تاني
نور.
فتحت وقالت هو اليوم الازرق دا مش ناوي يعدي بقا واذا بصوت يقول بشمهندسه نور البشمهندس طارق عاوزك
ميرنا. اووووه
نور. حاضر يا عم احمد جايه اهو وبعدين قالتلها مالك يابت
ميرنا. مالي ياختي حني عالغلبان اللي هيتجنن عليكي من وقت شافك وانت مكبره والشركه كلها واخده بالها ان الراجل قرب يتجنن من كتر حبك ارحمي يا مفتريه
نور. ياختي اوعي من وشي ونسيت انها فتحت الفون
ميرنا.
نفسي افهم دماغك دي فيها ايه عاوزه مواصفات ايه تاني دا الراجل الله واكبر عليه كل حاجه فيه حلوه ماديا كويس جدا ف الشكل موز وزي القمر ومن عيله كبيره
نور. بمرح اهو دا بقا اللي مخليني مش موافقه
ميرنا. مش فاهمه
نور. يابنتي ياحبيبتي احنا الاتنين من عائلات كبيره ودا مينفعش لازم حد فينا يكون اقل من التاني علي الاقل يا اخت ميرنا حد فينا يعاير التاني لكن ياقلبي علين كبار مع بعض يعملو قفله فين الروح الشريره والضعيفه ف الموضوع
ميرنا. ههههههه يخربيت دماغك دي يا شيخه
نور.
ضحكت وبعدين قالت اوعي بقا اما اروح اشوف الواد الرخم دا عاوز ايه وراحت خبطت ودخلت
طارق. اهلا بقمر الشركه كلها
نور. اهلا بيك يابشمهندس.
طارق. قام من مكتبه ولف ليها وقالها ازيك يانور عامله ايه
نور. الحمد لله
طارق. قرب عليها وقال نور ممكن نتكلم شويه بس مش ف الشغل وبصلها بحب وقال ضروري يا نور
نور. احم اتفضل يابشمهندس
طارق. انا بحبك وعاوز اتجوزك واعتقد انتي عرفه كدا
نور. انا اسفه يابشمهندس انا مش بفكر ف الموضوع دا دلوقتي خالص
طارق. نور انا مستعد استناكي الوقت اللي يريحك
نور.
معلش يابشمهندس انا حابه اخلص تعليم الاول
طارق. ومالو يانور كلها كام شهر وتخلصي بستني
نور. انا اسفه يابشمهنديس انا مش هتجوز دلوقتي
اسد. طبعا لسه معها عالخط لان العبيطه نسيت الفون مفتوح
طارق. نور في حد تاني
نور. لا
طارق. وانا مصدقك يانور علشان عارفك كويس بس
نور. من غير بس يابشمهندس انا مش هتجوز دلوقتي
طارق. ليه يانور ليه رفضاني من حقي اعرف السبب
نور. لو سمحت يابشمهندس متتكلمش معايا ف الموضوع دا تاني لاني مش حابه افتحه ولا اتكلم فيه خالص
طارق.
زغل واضايق ورد بغيظ فيها وقالها ليه ست الحسن والجمال مش عجبها حد وانتي مش شايفه نفسك ولا ايه فوقي شويه وشوفي انتي ايه ومين اللي اتنازل وفكر فيكي وقرب منها اكتر
نور. لو اتجرأت مره تانيه وقربت مني كدا متلومش الا نفسك وتاني حاجه انا نور البنت المحترمه المؤدبه البنت الجدعه اللي بميت راجل البنت اللي انتي هتمـ,ـوت وتتجوزها عرفت بقا انا مين وشايفه نفسي ايه دا غير بقا اني لو حابه اشتري الشركه دي باللي فيها قسما بالله العظيم ف خلاص ساعه تكون باسمي وكانت واثقه من كلامها
اسد.
اااه يا كدابه وابتسم وقال طبعا من عيله كبيره
طارق. بغضــ . ــب قالها انتي شايفه نفسك علي ايه ان
نور. قاطعته وقالت تعاملنا مع بعض ف الشغل انتهي وكل التصميما.ت وشغلي من هنا وجاي هيكون مع بشمهندس نبيل فاهم ولا اعيد كلامي تاني وبصتله بقوه وخرجت قبل يرد
طارق. خبط علي مكتبه بقوه وقال ماشي يانور ان ماوريتك
نور. ماشيه بتقول حاجه تأرف هو انا مش هخلص من اليوم الزفت دا بقا
اسد. رد وقال ايوا كدا انا عاوز راجل برا البيت فاااهمه
نور. اتخضت وبعدين ايه الصوت دا وجاي منين
اسد.
من جيلك ياست هانم
نور. نهار اسود انا اتلبست ولا ايه وطلعت الفون من جيبها وشهقت وقالت يانهارك اسود هو انت كنت معايا جوا
اسد. ايون
نور. طب غور بقا من وشي تك البلا وقفلت
وبعد انتهاء العمل ف الشركه راحت عالمطعم
نور. ف نفسها اااه ياني والمصحف همـ,ـوت من التعب اااااه وفونها رن فتحت ولسه هترد لقت زين بيقول نور روحي شوفي تربيزه خامسه ردت وقالت حاضر وبصت ف الفون وقالت انشالله تكون ارتحت دلوقتي وعرفت اني مش فاضيه للرخامه بتاعت امك دي وقفلت الفون خالص
اسد.
بتاعت امي ماشي يام لسان عاوز قطعه وبعدين قال بجد بتتعب فعلا ربنا يقويها وف نفسها قال ايه يا اسد انتي هتحن ولا ايه دول كلهم صنف نمرود
نور. كانت دايخه بسبب تعبها وقلة نومها بعد ما خلصت شغل ف المطعم روحت وهي بتدعي ربنا توصل بالسلامه وبعد بعض الوقت وصلت بيتها
هاني. شافها راح عليها
نور. غور من وشي الساعه دي احسن اقسم بالله المره دي اسويك بالاسفلت
هاني. هههههه امـ,ـوت فيك وانت شــ,,ـــــرس كدا
نور. بصتله بارف ومشيت وبس دخلت شقتها جريت عالسرير ونامت
اسد. بقا كدا قافله الفون ماشي يانور الكلـ.
.ب اصبري عليا
وبعد كام ساعه
نور. صحيت وقالت ياتري الساعه كام دلوقتي انا يادوب الحق البس واروح الجامعه وبصت ف الفون لقته مقفول فتحته تشوف الساعه لقت الساعه سته بعد المغرب اتخضت وقامت وقفت وقالت يانهار ابيض انا نمت كل دا نمت من امبارح باليل ومروحتش الجامعه ولا الشركه اااه منك لله يالي ف بالي ربنا يخدك وفتحت النت لقت ميرنا بعتلها رسائل كتير وكمان اسد قالت المجــ . ــنون بعتلي رسايل عالواتس دخلت وشافت
اسد. ف رساله بقا كدا بتقفلي ف وشي يا كلـ.
.به ورساله تانيه كل دا نوم قومي يابت هتتاخري عالجامعه ورساله تالته يخربيتك انتي نايمه ف البحر ولا مع الاموات قومي يابت ميعاد الجامعه راح والشركه كمان قومي الحقي المطعم ياختي تك الارف وانتي مفيش منك منفعه ابدا
نور. ف نفسها قالت دا مين ابن الجزمه دا عارف كل حاجه عني وبعدين ردت علي الرسائل وقالت وانت مال اهلك انته مراقبني ولا ايه وبعدين تطلع مين يعني علشان تدخل ف حياتي كدا وبعدين ردت علي ميرنا وطمنتها عليها واتصلت بالمطعم واخدت اجازه
اسد. كان ف شغل برا وبس دخل مكتبه وقال اطمن عالمجــ .
ــنونه ام لسان طويل لقاها شافت كلامه عالواتس و.فاتحه بعت رساله وقال اخير الست هانك صحيت
نور. كانت بتاكل بصت لقته هو بعد سماع صوت الرساله ردت وقالت مش فاضيه استني اما اكل
اسد. هههههه اه يامفجوعه طيب قولي تعالي اتفضل كل معايا ولا بلاش عارفك بخيله
نور. مردتش عليه
اسد. متردي يابت
نور. بردو ماردت.
اسد. يارب تشرقي
نور. ضحكت ومن ضحكتها فعلا شرقت كحت كذا مره وشربت ميه وبعدين كتبت عالواتش منك لله انشالله انته اللي تشرق وتمـ,ـوت غور من وشي
اسد. هههههههه وبعدين قالها شرقتي صح
نور.
غور يالا من وشي تك الارف وانت فقر
اسد. واهون عليكي يا نونو
نور. اتنهدت وبعدين قالت ممكن نتكلم جد شويه
اسد. من عيوني ياقمر
نور. هقفل والمصحف احترم نفسك شويه
اسد. ههههه خلاص اتفضلي
نور. انت مين وعاوز مني ايه
اسد. مش عارف
نور. مش عارف انت مين ولا مش عارف عاوز ايه
اسد. مش عارف
نور. طيب لما تعرف انته مين
اسد. قاطغ كلامها برساله وقالها اهدي واسمعيني
نور.
مش عاوزه اسمع منك حاجه كفايه انك اقتحمت حياتي وتطفلت عليا بمكالما.تك وتقول مش عارف يبقي اسمحلي اقولك انتي شخصيه مش مظبوطه وانا لحد دلوقتي مغلطتش فيك وقولت نتكلم جد وبالعقل بما اننا ناس كبار بس للاسف كدا اني غلط لو سمحت متتكلمش معايا تاني لاني هعملك حظر وقبل يرد فعلا حظرته
اسد. يابنت المجانين واتصل عليها فون
نور. قفلت فونها
وتاني يوم
اسد. اتصل علي نور
نور. مش بترد واستمر الحال كدا اسبوع
اسد. هيتجنن
نور. كانت ف الجامعه وبعد انتهاء المحاضره ميرنا تعبت جدا ونور قالتلها تعالي لازم اوديكي مستشفي
ميرنا.
بتعب ياريت يا نور جنبي هيتفرتك
نور. طيب اهدي واخدتها وخرجو من الجامعه وركبو تاكسي وعند وصول المشفي دخولو
موظف الاستقبال خير يا انسه
نور زميلتي تعبانه قوي ممكن بس دكتور يشوفها
الموظف قالها لازم تدفعي تامين الاول دي مشفي خاص
نور. بصوت عالي قالت حاضر سيبها تمـ,ـوت عقبال ماروح اجبلك الفلوس هو انا ماشيه ف جيبي مبلغ زي دا اسعفوها الاول وبعدين اتصل بحد يجيب الفلوس
اسد. كان داخل المشفي يتطمن علي واحد صاحبه وسمع صوتها واتفاجئ بيها فعلا بس وقف مكانه
نور. بصوت عالي اخلص دخلها وشوف دكتور البت هتمـ,ـوت
الموظف.
مقدرش يا انسه غير بعد التامين
نور. طلعت بطاقتها حطتها قدامها وشدته بقوه من ياقة قميصه وبقوه قالت قسما بالله خلال ثواني لو مالقيت دكتور قداني لطربق المستشفي علي دماغك ودماغ صاحبها
اسد. واقف مستغرب كلامها وطريقتها واسلوبها وقوتها اللي بتتكلم بيها
نور. زقت الموظف من ياقته وقالتله انجز
الموظف. بص ف بطاقتها وفتح عيونه وبصلها قوي وهو خايف وف لحظه قالها اتفضلي وطلب دكتور
نور. بأرف قالت عالم زباله
اسد. ياتري ايه اللي حصل وخلي الموظف خاف كدا
الدكتور. وصل وكشف عليها وقال اشتباه ف زايده
نور.
بعصبيه طب انجز واعملها اشاعه
الدكتور. اهدي يا انسه ف ايه
نور. احنا لسه هنرغي
الدكتور. علي فكره انتي ف مستشفي محترمه
نور. بأرف قالت قوي وعموما هنشوف الموضوع دا بعدين ودخلو ب ميرنا قسم الاشعه
اسد. راح لعند الوظف وقاله ممكن بطاقه الانسه الي دخلت دي الموظف طبعا عارفه ادهاله
اسد. اول ما شاف اسمها انصدم. ….
اسد. اول ما شاف بطاقتها انصدم وقال معقول معقول مش ممكن مستحيل ياربي انا هتجنن
الموظف. خير يا فندم
اسد.
بضـ,ـربات قلب سربعه قاله ولا حاجه وطلع فونه وصور بطاقة نور ورقمها القومي وبعدين قاله اتفضل ومشي طلع فوق يشوف صاحبه وكمان يشوف نور
نور. واقفه برا غرفة الاشعه مستنيه ميرنا.
الدكتور. بعد شويه خرج وقالها محتاجه عمليه زايده
نور. بخوف قالت ايه
الدكتور. لازم يا انسه لانها تعبانه
نور. بدموع قالت تمام اتفضل شوف الازم وبعدين راحت علي ميرنا وقالتلها متخافيش يا قلبي انا معاكي ومش هسيبك وهتصل بمامتك دلوقتي
ميرنا. بتعب خايفه اوي يا نور
نور.
بتحاول تخفف عنها قالت تخافي يابت وانا معاكي تخافي وانتي معاكي واحده من اكبر عائلات البلد دا انتي اتجننتي عالاخر وانا ليا حساب معاكي بعدين
ميرنا. بتعب الله يخربيت ام الاسطوانه اللي لحست دماغك دي
نور. بكرا تندم يا جميل
