إيه يابنتي احكيلي. مش انتي قولتي ابن اختك عنده محل قريب من المكان ده.. آه قولت بس هو مش موجود هنا دلوقت. عظيم أنا بقى عايزة المحل ده. ما هو صاحب المحل مش موجود. رنيلي عليه مش صعبة هي قوليله يجي. يجي فين. يجي يقعد عندك وهنشتغل كلنا مع بعض. هقوله وأمري لله. بوستها من خدها بحبك مۏت. نزلت وروحت للمحل وفتحته بعد ما اخدت منها المفتاح نضفته وعدلت كل حاجة فيه ومبقاش غير الهدوم تتحط فمكانها الأساسي.
هشتغل وهصرف على ابني الشغل لا هو عيب ولا حرام طول ما انتي بتشتغلي شغل محترم ويرضي ربنا ويرضيكي خلاص مفيش أى مشاكل. بتعملي إيه عندك. اړتعبت ووقعت المكنسه من ايدي وبصيت لصاحب الصوت في إيه انتي بتقوليلي أنا فيه إيه المفروض السؤال ده ليكي يا أنسة. طبعا من كلامه باين عليه صاحب المكان فهعديها بمزاجي خرجت مني تنهيده طويلة بعد ړعب سببهولي من أولها شغل غباء استغفر الله العظيم. كنت بنضف المحل عشان هنحط فيه هدوم في عندك مانع!
آه عندي مانع. كټفت ايديا والله.. و إيه بقى المانع يا أستاذ!! كرش فشعره ومعرفش يتكلم فسبقته هيكون اتفاق بسيط عادي. و إيه هو الاتفاق. هاخد المحل لفترة محددة يجوز تكون تمن شهور أو أقل شوية وفلوس الايجار هتاخدها أول بأول ها قلت إيه مد ايده على بركة الله. بصتله بدون ما امد ايدي ومشيت لحد الباب بداية موفقة. رجعت البيت وقعدت على الكنبة بتعب ظاهر أوي على شكلي فركت راسي من كتر الصداع. مفيش حاجة بتيجي بالسهل أبدا شيء طبيعي تتعب وتفكر
تحسب كل خطوة هتخطيها ولازم لازم تكون متأكد إن اللي جاي يخصك وليك فمتيأسش وقوم كمل أسعى عافر لأجل الأيام الصعبة تعدي ويجي بعدها الفرح والسعادة. خد الحلو من الدنيا ومتخليهاش تنزفك وتاخد هي الحلو منك أو تاخد الإيجابية اللي جواك خد منها أنت متخليهاش هي تاخد منك. طب هتعرفي تصممي الاتنين مع بعض! هاخد كورسات وهشوف فيديوهات من اليوتيوب و إن شاء الله هقدر وهعرف. قالت بقلة حيله اللي تشوفيه أنا معاكي فيه يا سدرة.
قربت منها وحــ,,ـــــضنتها بكل الحب والحنان اللي موجودين فالدنيا سدرة عمرها مهتلاقي ولا هتقابل حد طيب وحنين زيك كده ياسكر — انتي انتي أحن مني علي والله بجد منغيرك مكنتش هعرف أكمل. حــ,,ـــــضنتني بحب وحنان أكبر ربنا يعلم بحبك قد إيه ياسدرة واثقة فيكي انتي قدها وقدود. اكيد اكيد. مر أسبوعين وأنا في الكورسات وبدأت اتعلم بس مش الأحسن حاجة يعني بسيط كان مساعدني فإني اتعلم فيديوهات اليوتيوب.
الموضوع مش سهل أوي ولا صعب أوي بس اللي عنده عزيمه و إسرار على حاجة بيعملها لو مهما كانت صعبة حط هدف قدامك عشان تعرف أنت عايز توصل لأى وبفضل الله ومشيئته هتوصل. اهم حاجة تكون واثق ف ربنا ثم نفسك. أستاذ زين شوف التصاميم وقول رأيك عشان الوقت يكون لصالحنا بص كمان تصاميم الأحذية لو في تعديل أو حاجة مش تمام قولي وأنا هعدله وفي.. بصيت عليه لقيته بيلعب فالتليفون ومش مركز معايا نهائي روحت رازعة الملف كله على الترابيزة وزعقت
احنا بنشتغل هنا يا أستاذ مش جاين نضيع وقت ونلعب ركز معايا لو سمحت. بصلي وقال بنبرة كلها برود واستفزاز صوتك كان عالي ولا أنا سمعت غلط. صوتي كان عالي في عندك مشكلة تؤ! الصوت العالي بيضايقني جدا وخصوصا لو كان صوت واحدة ست. اكتفيت بسكوتي لأن لو اتكلمت مش هيحصل كويس بالمره بس مفيش أى مانع من إني ارد عليه بطريقتي. مسكت الملف من على الترابيزة رميته على الترابيزة للمره التانية وقولت بصيغة أمر واستفزاز
التصاميم قدامك راجعهم كويس. إيه سيبته ومشيت بكل برود ماهو أنا لازم أعامل الناس زي ماهي بتعاملني مش ابن علي محمد أنت عشان أعاملك معاملة أحسن من معاملتك لي. عطيته التصاميم وهو قال هيشوفهم. هنبدأ شغل امتي أسبوع كده أكون جهزة أفكاري. دخلت الأوضة وبدلت هدومي. مسكت التليفون وفتحت الفيس على صفحة لؤه إبراهيم تحديدا ورجعت قرأت آخر حدوته نزلتها لرجل لا يستحق. يمكن كان فاكر إن هو هيمد إيده علي وأنا هرجع اسامحه وهسكت عشان.. عشان بحبه و إن فراقه هيهزني!! وهرجع هشة وضعيفة من غيره ولكنه كان أهبل يوم مخلى التفكير العبيط ده دخل دماغة.
مش عشان بحبه أدوس على كرامتي واللي باقي مني اخليه يستقوى علي وأقول معلش هو مش آخر حته فالسوق ولا الكاريزما اللي مش هلاقي زيه. يمكن لو على اللي شبهه وزيه هلاقي كتير أصلهم بينتشروا بسرعة كبيرة أوي. انما الرجالة ياحبيبي ف وقتنا الحالي ده بقوا قليلين. بعدها دخلت الحمام واخدت شاور دافي.. روحت المطبخ وعملت فنجان قهوة فرنساوي. مكنتش بحب القهوة عموما.. بس عملتها وهبدأ أحبها زي ما مكنتش حابه فراقه وفارقته.
فتحت صفحة أيمن أمين ورجعت لحدوته كتبها من فترة وبدأت أقرأها وكل مابقرأ فيها بحسني بتبدل وبتبدل وبتبدل لحد مابقيت شخصية تانية خالص شخصية متوازنة جدا شخصية هتشوفوها بوضع مختلف فالأيام اللي جايه. طول ما أحلام في طوعك كمل وإمشي ل قدام. مش نهاية الكون وقوعك. النهاية في الاستسلام. جبت الورق اللي هعمل عليه تصاميمي من فساتين ل أحذية سهرت وأنا برسم كل مره كنت بفشل فيها كنت برجع وبكمل برجع وبكمل لحد ماوصلت للتصميم اللي أنا حباه وراضية عنه.
ومن هنا ياعزيزي نقدر نقول عدينا أكبر مرحلة صعبة. سدرة. اتكلمت وأنا بحط طلاء الشفايف نعم ياست رحاب. في محامي بره!! خلية يستنى تحت وأنا هنزله حالا. أنا مش بقولك عليه أنا بسألك عليه هو جاي ليكي ليه. بهدوء هرفع قضية على ياسين. إيه انتي مش رفعتي عليه قضية بسبب اللي عمله فيكي. بصتلها بهدوء آه. طب إيه لازمة القضية دي بقى. اخدت الشنطة وقولت أهله مش مقعديني فالبيت وأنا بردو ماينفعش أقعد فالبيت لأن لا سمح الله ممكن يعملوا في حاجة ف عشان كده هرفع عليه قضية بإني
— لا أملك بيت أقعد فيه وده غير إني قاعدة فبيتك والبيت دلوقت جه فيه راجل غريب وأنا مايصحش أقعد مع راجل غريب فبيت واحد. دماغك. سم. يابنتي حرام كد.. قلت بصعبانية مزيفة يعني يا رحاب يرضيكي أقعد ف بيت فيه راجل غريب! طب ماتقعدي ف شقة أمك. لا دي ممكن تقع علي. خلاص ياستي هتكلم مع زين يروح يقعد ف بيته. والله ميحصل. سدرة. سلام دلوقت عشان هتأخر. يعني يرضيكم هما يقعدوا مبسوطين وأنا لا! يرضيكم.. والله مايحصل لازم يعرفوا مين هي سدرة.
النهاردة وبعد مرور أسبوعين هشوفه ياتري هكون عامله ازاي لما عيوني تيجي فعيونه هكون مبسوطه ولا هكون ست قوية بس الاكيد ست قوية ست واثقة من نفسها هعرفه إن أنا بيه ومنغيره مكمله يعني مش هكون هشة وضعيفة لا. طل هو والمحامي بتاعه فوقفت بشموخ غير العادة يا مرحب ابتسم باستفزاز يا اهلا. شيفاك مبسوط ابسطني معاك. شايفك قوية ما شاء الله. بسببك. اممم ومالو أوقات اللي بيحصل للإنسان بيقوية. رفعت حاجبي بإبتسامة باردة أوقات اللي بيحصل للإنسان بيخلية مچنون ومريض.
عدي غلطاتك عشان حسابك تقل أوي. لا ماتقلقش أنا شاطرة أوي اعدلك معايا كام قضية هرفعها عليك. محتاجة تتربي. ابتسمت بسخرية وقولت بدون ما ابص للمحامي ومشيت حضرت المحامي شوف شغلك. شوفته وكان عادي بالنسبالي ماتهزتش قلبي مادقش لما شوفته.. يبقى كده أنا بطلت أحبه.. كل حاجة موجودة يعني مش باقي غير موافقة صاحبك. على إيه يوافق على تصنيع تصاميمي عنده هو دي مش شغلته ولا أنت دماغك فين. آه آه افتكرت ماشي هكلمه. بصيت ل رحاب طيب أنا هطلع اريح شوية وبكره نكمل كلامنا.
قعدت فوق السرير بتعب حركت ايدي على بطني وأنا بتكلم مع الطفل اللي جوايا واللي أنا لسه معرفش جنــ,,ـــــسة إيه بس حسيت إني عايزة اقول كلام احكي كل اللي جوايا لمين هحكي مفيش حد بس في الطفل اللي جوايا فانا هحكيلة. ازيك ياعيون ماما أول حاجة أنا مكنتش عايزة نوصل ل كده أنا وأبوك بس بس هو كان سبب كبير فاللي أنا بعمله هو خلاني اتغير واعاملة بأسلوب مش كويس.
طب تعرف برغم كل اللي أنا بعمله فيه لساه غالي وأنا بحبه بس كان لازم يتأدب ويعرف غلطة يعرف إني حد مش سهل واللي بيدوسلي على طرف إيه بيحصل فيه والسبب الأكبر فاللي وصلناله ستك العقربه بردو هي جاي دورها. في مثل بيقول إتقل على الرز يستوي. مسحت وشي وعيوني واتنهدت وكملت باقي كلامي!! هو أنت فاكر إن فراقي أنا وأبوك هيأثر عليك أو هيخليك شب مش كويس لا هتكون كويس وفراقنا مش هيأثر عليك فأى حاجة هكون حريصة على كل حاجة هتتعلمها
مين صاحبك مين حبيبك مين عدوك متخفش أنت عندك أمك كانت تتمنى تلاقي أم شبها هحبك هحــ,,ـــــضنك كل شوية هطمن عليك بالليل واشوفك إن كنت بټعيط ولا لا مخدتك هشوفها هي كمان عليها دموعك ولا أنت كويس ومش زعلان اوعدك هتعيش حياة جميلة فوسط الدنيا اللي الناس مابقتش عارفه تعيش فيها اوعدك بده. كان خبط خفيف على الباب فوقفت بسرعة وروحت الحمام غسلت وشي وروحت فتحت الباب. خالتو رحاب في إيه جيت اقولك إن تمت الموافقة على تصاميمك ومن بكره هيبدأ التصنيع فيها فأسرع وقت زي ماطلبتي وزين بنفسه بيشرف على كل حاجة.
ابتسمت بسعادة جميل جميل أوي. حيث كده بقى أجهز الموخيتو. ياريت بجد. تاني يوم نزلت مع المحامي لرفع القضية التالته ماهو ابني محتاج عناية بردو يرضيكم اسيبه كده من غير ما اتابع مع دكتورة محترمة وكويسه كده اكيد مايرضيكمش وأنا بردو مايرضنيش. حضرتك قولي اسم الدكتورة اللي حابه تتابعي معاها عشان — نعرفه بيها.
