ضحكت بسخرية وأجابت ” وكانت أكتر من اختي بنت خالتي ونعتبر اخوات وهيا عملت ايه بالمقابل ” هز رأسه باستنكار لا يصدق ما سمع هل والده فعل ذلك يريد أن يفهم يشعر أنه يكاد يجن خرج سريعا يدور بسيارته لا يعلم أين يذهب …. ***
في أحد البيوت في لندن كانت تقف تجهز الفطور لأهل بيتها وهيا تجزم أنها أسعد فتاة في العالم كله .. شعرت بأحد يحتضنها من خلفها ويستند بذقنه على كتفها وهو يهمس ” صباح الورد على أجمل دودو في العالم كله ”
ابتسمت وهيا تضع بفمه قطعة بطاطس وقالت ” صباح النور يلا صحي البنات عشان يفطروا ” ضحك وقال بسخرية ” هما عند باباهم ومامتهم ما تقلقيش زمان صحوهم وفطورهم ” ضحكت بسعادة فهيا منذ ان أنجبت ٣ بنات اثنتين توأم ٣ سنوات والصغيرة سنة وهم احتلوا حياة جدهم وجدتهم طوال الوقت كتى يكادوا لا يروهم
– ربنا يخليهم لينا عقبال ما نجبلهم أخ كدة يبقى سند ليهم التمعت عينيه بمكر وهتف ” فكرة حلوة تعالي أقولك الطريقة ”
سحبت يدها بصعوبة وقالت بتحذير ” مراد احنا هنترفد من المستشفى بسببك خمس دقايق تكون لابس عشان تفطر واروح أجهز ” مد شفتيه بتذمر وقال بغيظ كالاطفال ” انا خليتك تدرسي قبالة عشان تكوني معايا بس المديرة عندا فينا بتخلي كل واحد يشتغل في مكان ” رفعت حاجبها بمعنى حقا وقالت من بين أسنانها ” لا والله بجد مش عشان حضرتك بتسيب الشغل وبتقعد معايا ” نظر لها بصدمة وقال باستنكار ” بعيد عن انه فعلا بس سبب نقلك مش ده يا دلال ما تستعبطيش ”
رمشت بعينيها ببراءة وقالت ” لا هو ده بس هما بيتبلوا عليا ” أشار بيده كأنه يردح وقال بصوت مضحك ” مش عشان كل ما أجي اكشف على وحدة تقوليلي انت قولي أعمل ايه وانا أكشف عليها وصوت صراخك يوصل آخر الدنيا رافضة ألمس أي ست وتعيطي وتروحي واجري وراكي لا لا ابدا عشان انا بكون أحب فيكي ” ضحكت بكل صوتها وهيا تسمع طريقته بالكلام لترد ببرود ” هو انت سبت كل التخصصات واشتغلت التخصص ده ليه يبقى تستاهل ”
ضمها لصد.ره وهو يقول بعدم تصديق ” لا وانا كنت متحمس تدرسي قبالة ادي كله جه على دماغي ” نظرت له بطرف عينيها وقالت بصوت متوعد ” وعاجب ولا مش عاجب ” رد بخوف مصطنع ” ده عاجب وعاجب انا قولت حاجة يا روحي ”