رد حسام وهو بيشاور علي دماغه وبيهمس: -معلش مراتي تعبانه في دماغها ميار: -مالك يافاطمه ياحبيبتي هرمونات الحمل مأثره علي نفوخك ولا ايه حمزة: -ياجماعه حد يرجها كده يمكن ترجع تشتغل كويس بصتلهم بقرف من فوق لتحت: -عالم فصيله ميعرفوش أفشات الأفلام حمزه وهو بيتنهد بضيق: -طب ايه؟ -ايه مالك؟ -ولا سامع ولا راضي واقوله هموت يقول عادي وبيحسسني بذنوبي وبيفكرني بالماضي ولو يديني فرصه كمان هيرجع قلبي زي زمان قولولوا سمااااااااااااح يوسف بضيق :
-في ايه ياحمزة ياحبيبي خرمت ودني رد بنفاذ صبر: -بقولك ايه يالا قول لأختك تسامحني بقي بدل وربنا اخطفها واتجوزها عافيه واللي يعرف يوجفني يفرجني يوسف وهو بيبصلها: -معلش سامحيه أصل هو بقاله اربع شهور واكل دماغي وانا اتخنقت منه ومنك بقولكم ايه انا اصلا ايه اللي موقفني معاكم انا عايز اقعد مع مراتي وسعولي كده ده انتوا عيال فصيله قال كلامه وسحبني من ايدي أما عن ميار اعتقد وافقت تسامحه وده اللي استنتجته لما سمعت حمزة بيزغرط!
غريب الحب مين فاهمه صحيح دخلنا اوضتي بعيد عن الدوشه،قفل الباب ومن غير كلام ضمني وهو بيسند راسه علي راسي وبيتنهد غمضت عيوني وقتها وانا بضم نفسي ليه اكتر وبهمس: -يوسف اوعي تسيبني حاوط وشي بين كفوفه وهو بيبص في عيوني وبنبرة حنينه قال: -تفتكري بعد ما لاقيتك ممكن اسيبك! -انا بحبك باس جبيني ورجع ضمني مره تانيه وهو بيهمس بنبرة دافية: -مش اكتر مني ”لا شيء يُضاهي الشعور بالطمأنينة، تخيّل أن تمضي يومًا دون شك أو خوف أو ريبة، تخيّل أن تمضي يومًا وجميع ما بداخلك مُطمَئِن؟.♥️
تمت #إيمان_شلبي
