چودي…..بتقولى انا يا بومة
مصطفي….والله عندك حق دا المفروض البومة هى اللى تزعل مش انتى
چودي…..وايه لزمة الكلمة دى دلوقتى بقى
مصطفي…..ولا حاجة اه صحيح يا چودي
چودي…. خير فى ايه
مصطفي…..هو انتى معندكيش غير الاسدال ده تلبسيه
چودي…..وانت مالك
مصطفي….ومستغربة انى بقولك بومة
چودي…..لو مش عاجبك متبصش
مصطفي…..هبص على ايه يا حسرة ما انا حفظت الاسدال ده خلاص
چودي….. اذا كان عجبك
مصطفي….
خلاص اسكتى ونامى دى جوازة تقصر العمر هو ايه اللى انا عملتو فى نفسى ده
چودي…..واتجوزتنى ليه
مصطفي….انتى عارفة اتجوزتك ليه
چودي…..هو ده اللى عندى اذا كان عجبك
مصطفي …..خليكى لحد ما صبرى ينفذ منك ومش هتعرفى اللى هيجرالك
چودي…… لاء والله خوفتنى
مصطفي ….احسنلك تخافى لو لسه باقية على عمرك
شعرت چودي بالخوف من كلامة فالتزمت الصمت
………
فى الجامعة
سمر……عروستنا الحلوة ايه ده يا ساتر يا رب ده شكل عروسة امال لو جاية من جنازة هتبقى عاملة ازاى
چودي …..بطلى خفة دم
سمر…..لاء بجد ايه الالوان الغم
اللى انتى لابساها دى
چودي …..مالها يعنى
سمر…..مالهاش يلا نحضر المحاضرة
بعد انتهاء المحاضرة
چودي ……سمر تعالى معايا البيت اقعدى معايا شوية
سمر….امال جوزك فين
چودي ……فى الشغل مبيرجعش الا باليل
سمر…… ماشى بس مش هتاخر علشان اروح بدرى
چودي …..ماشى
…….
فى المنزل
حضرت چودي مع صديقتها سمر ولكنهم رأوا سما ترتدى مايوة وتجلس على حرف حمام السباحة
سمر بعيون متسعة…..يالهوووى مين دى يا چودي
چودي …..دى عملى الاسود فى الدنيا سما قريبة جوزى
سمر ….وهى بتلبس كده عادى قدام جوزك
چودي …..قليلة الادب اعمل فيها ايه
سمر ….يعنى هى تلبس كده وانتى ريلاكس كده انتى مش غيرانة على جوزك
چودي فى سرها…..دا انا هفرقع
اعملها ايه يعنى هى حرة فى نفسها تربية اوروبا عايزة ايه يعنى
سمر ……المهم خلى بالك من جوزك
بعد ذهاب سمر ظلت چودي تفكر فى كلامها بانها
يجب الحفاظ
على زوجها من سما
چودي …..طب اعمل ايه بقى اه ابتدى اغير فى لبسى شوية بلاش الاسدال اللى اتخنق منه ده
…….
فى المساء واثناء العشاء
سما بلهجة استفزازية…..
صاصا حبيبى شغلك كان عامل ايه النهاردة
مصطفي….عايزة تعرفى ليه يعنى ليكى فيه
سما…..بطمن بس اصلى شيفاك مرهق اوى اليومين دول
مصطفي…..قلبك فيه الخير اوى
كريمة بهمس لچودي …..هو المفروض مين يسأله انتى ولا هى
چودي…..اعملها ايه اقوم اضربها ولا اعمل ايه
كريمة….هو ده اللى طلع منك
چودي…..ماما كفاية تحريض فيا انا نفسى اقوم احط وشها فى طبق الشوربة اصلا
مصطفي…..انتوا بتقولوا ايه
كريمة….ابدا يا روحى بس بسأل چودي على حاجة
مصطفي…..
ماشى عن اذنكم هطلع فوق
سما…..لسه بدرى هتنام من دلوقتى
چودي فى سرها……نامت عليكى حيطة يا بعيدة
مصطفي…..عندى شغل هخلصه
سما…..تحب اعملك قهوة
مصطفي…..هو انتى بتعرفى تجيبى لنفسك كوباية ماية لما هتعمليلى قهوة
سما….اتعلم علشان خاطرك
مصطفي….متشكر… چودي ابقى تعالى علشان عايزك
صعدت چودي خلف زوجها الى الغرفة
چودي……ايوة خير فى حاجة
مصطفي…………
البارت الخامس
مصطفي…..چودي ابقى تعالى عايزك
صعدت چودي خلف زوجها الى الفرفة
چودي…..خير فى ايه
مصطفي….فى عميل مهم وكان صاحب والدى جدا عازمنا على العشاء اخر الاسبوع فقولتلك علشان تعملى حسابك
چودي…..ومين
قالك انى عايزة اروح
مصطفي…..انا قولتلك وياريت تسمعى الكلام وانتى ساكتة
چودي…..ولو قلتلك مش رايحة
مصطفي….. خلاص براحتك هاخد سما معايا اهى اى واحدة والسلام طالما سيادتك مش راضية تيجى معايا
عند سماع چودي اسم سما وان ربما مصطفي سيأخذها معه الى العشاء نهشت الغيرة قلبها
چودي…….خلاص هاجى معاك
مصطفي. ….غيرتى رأيك ليه يعنى
چودي……عادى هو انا اللى مراتك ولا هى اللى مراتك
مصطفي …..
المشكلة ان انتى اللى ناسية انك مراتى
چودي…… مراتك بالغصب مش برضايا
مصطفي…..قفلى على الموضوع انتى فاهمة
چودي…..ايه الحقيقة زعلتك
مصطفي….انتى لسه مشوفتيش زعلى والدليل انى سايبك براحتك على الاخر
چودي……عن اذنك هغير هدومى علشان هنام
مصطفي …..اتفضلى هو انا ماسك فيكىقامت چودي بتغير ملابسها وارتدت قميص قصير وتركت شعرها مسدولا على ظهرها فكانت جميلة جدا بعيونها
الخضراء وشعرها البنى كانت مثال للجمال الطبيعى
استغرب مصطفى من مظهرها
مصطفي فى سره…….يا نهار ابيض دى طلعت جميلة اوى
ولكنه تمالك اعصابه
غريبة امال الاسدال فين
چودي…..عادى يعنى لو شكلى مش
عجبك متبصش
مصطفي بصوت منخفض…..هو انتى بشكلك ده والواحد مييبقاش نفسه يقوم ياكلك؟!
چودي……تصبح على خير
مصطفي…..وهو فين الخير ده اللى الواحد يصحى عليه
چودي…..على فكرة انا بكرة هروح عند ماما
مصطفي…..ماشى وانا هبقى اعدى عليكى نروح سوا
چودي…..ملوش لزوممصطفي…..بس انا شايف انه له لزوم
چودي……ماشى
استغرقت چودي فى النوم ولكن مصطفى لم يستطيع التركيز فى ما يفعله بسبب مظهر چودي الجديد عليه كليا
مصطفي…..وبعدين بقى اوووووف انا مالى هموت من الحر كده واحنا اساسا فى الشتا
كان ذلك بفعل العاطفة التى اشعلتها فيه چودي
مصطفي…..انا هروح العب رياضة
ذهب مصطفى الى غرفة الالعاب الرياضية وظل يمارس الرياضة عدة ساعات
سما……انت بتعمل ايه
مصطفي…..والله ماهى نقصاكى انتى كمان
سما…..مالك يا حبيبى
مصطفي…..روحى نامى وسيبينى فى حالى
سما….. مقدرش
مصطفي…..انا مش عارف بتطلعيلى منين
سما……ايه متضايق منى يا صاصا
مصطفي….تصبحى على خير
عاد مصطفى الى الغرفة ووجد چودي نائمة جلس بجوارها يتأمل ملامحها وكانت خصلة
متمردة من شعرها على عينها فقام برفعها خلف اذنها واشتنشق العبير الذى يفوح منها فكانت مثل الزهره
اثناء تقلبها وضعت يديها عليه فشعر بارتعاشة فى جسده من اثر ملامستها له
مصطفي ……لاء احنا متفقناش على انك تخطفى قلبى كده
………….
فى الجامعة
چودي ……سمر انا عيزاكى تيجى معايا اشترى فستان
سمر….. ليه هتروحى فين
چودي …..هخرج مع مصطفى
سمر……قولتيلى بقى
چودي …..
قصدك ايه
سمر…..ولا حاجة هو انا قولت حاجة ربنا يسعدكم
ذهبت چودي مع سمر لشراء فستان جديد وبالفعل اختارت چودي فستان رائع للغاية وقررت ان تفاجىء به زوجها
……..فى منزل والد چودي
زينب…….حبيبتى وحشتينى اخبارك ايه
چودي……الحمد لله يا ماما وحشتوني اوى بابا فين وبسام
زينب …..بابا فى مشوار وبسام فى اوضته
چودي…..هدخل اطمن عليه
بسام…..چودي وحشتينى اوى
چودي…..انت اكتر يا حبيبى انت مبتجيش تسأل عليا ليه
بسام…..خايف من جوزك
چودي…..ليه هو هياكلك
بسام….لاء علشان الموضوع اللى انتى عرفاه
چودي …..تصدق ان من ساعة متجوزته مجبليش سيره الموضوع
ده تانى
بسام…..سامحينى يا چودي ان انا خربتلك حياتك
چودي …..تصدق دى الحاجة الوحيدة الحلوة اللى انتى عملتهالى هههههه
بسام…قصدك ايه
چودي …..ولا حاجة
حان موعد رجوع چودي الى المنزل فحضر مصطفى واخذها معه الى البيت
……….