= رحيم مالك ايه بيوجعك اصحي حمزة ونروح المستشفي ثم قامت بوضع كفها فوق جبهته لجس حرارته ليضع رحيم يده مبعدا اياها عنه يقول بخشونة =مش عاوز حاجة منك روحي نامي مكانك ومتجيش هنا تاتي
حور باستعطاف
= ارجوك يا رحيم انا عارفة انك زعلان مني بس سبني اطمن عليك وبعدها اعمل اللي انت عوزه
ضحك رحيم بسخرية قائلا
= تطمني عليا !! غريبة من واحدة لسه طالبة الطلاق من جوزها
انفجرت حور في البكاء تضع راسها فوق صدره تقول بضعف
= غصب عني ملقتش حل تاني ادامي غير ده انا مش قادرة اكون سبب في اي اذيه ليك بسببي
اسرع رحيم بالنهوض يجذبها من ذراعيها رافعا ايها لتجلس بجواره يسالها بتوتر = اذيه ايه اللي بتتكلمي عليها فهميني يا حور كل حاجة وبراحة كده
هزت حور راسها بالموافقة لتقص عليه كل ماحدث معها من جمال منذ لحظة دخوله المنزل وحتي هذه اللحظة لتراه وهي تتحدث بانفاسه تتصارع تخرج بخشونة من صدره وهو يضم قبضتيه بعنف كلما توغلت في الحديث حتي انتهت منه ليقف علي قدميه يصرخ بها
= ومفكرتيش تحكيلي علي اللي حصل بدل جنانك اللي عملتيه ده
حور بخوف
=حاولت يا رحيم والله بس غصب عني خوفت كلام سارة عن انك مش عاوز مني غير الاولاد وبس وان ده كل همك من جوازنا وضغط جمال عليا تهديده ليا كل ده خلاني اخاف انك متصدقنيش او اني اكون سبب في احراجك ادام عيلتك كل ده خلاني اسكت واخاف ويوم ما قررت احكيلك جه وهددني بيك قالي بكل صراحة انه السبب في اي حاجة هتحصل لك وفعلا بعدها علي طول جه خبر الحـ,ـادثة اللي عملتها وده خلاني اصدق انه مش بيهزر ولا انه كلام وخلاص
ولما
طلعت هنا افكر اعمل ايه افتكرت كلامه عن الهدية اللي سبها في اوضتي بمساعدة حد قريب وعرفت وقتها مين ساعده الدنيا ضاقت في وشي ومبقتش عارفة اثق في مين ولا اعمل ايه وحصل انك صممت تعرف بتاعت ايه الحبوب دي لقيت نفسي من غير تفكير بقولك كل كلامي الغبي ده بس صدقني يا رحيم انا فكرت ساعتها ان ده الحل الوحيد الصح انا مقدرتش اكون سبب في اذيتك من تاني انت روحي يا رحيم الهوا اللي بتنفسه وعايشة به ومقدرش اتخيل حياتي وانت مش موجود فيها لتسرع ترتمي بين احضانه تحتضنه بشده تحاول الاختفاء بين اضلعه
وقف رحيم جامدآ في مكانه لا تصدر عنه اي حركة لمدة طويلة حتي تنهد بقوة مغلقا عينيه يلف ذراعه السليم حولها يشدها اليه بقوة
قائلا بهمس وخضوع
= غبية ومجنونة بس اعمل ايه بمـ,ـوت فيها وبعشـ,ـقها
رفعت حور راسها عن صدره بسرعة تهتف بذهول وفرحة
= بجد يا رحيم اللي بتقوله ده
اخفض رحيم راسه يقبلها برقة وشعف في كل انحاء وجهها ومابين كل قبلة واخري يهمس
بحبك …بمـ,ـوت فيكي …بعشقك …مجنون بيكي
لتضحك حور بسعادة ترفع نفسها علي اطراف اصابعها تقبله بشوق تهمس بكل عشقها له فوق شفتيه ليغيبا معا في بحور العشق غافلين عن كل ما حولهم
★★***********★★
استيقظ رحيم علي لمسات تشبه رفرفات الفراشات فوق وجه ليدرك بانها حور التي اخذت تقبل ملامحه برقة
تهمس بين كل قبله واخري بحبها وعشقها له لكنه استمر بالتظاهر بالنوم مستمتعا بجرأتها الحديثة معه يعلم انها فور علمها باستيقاظه سوف تعود لخجلها المعتاد معه لكنه لم يحسب لانفاسه التي اخذت بالتسارع نتيجة لاستجابته لتلك اللمسات حسابا فاخذت مع كل قبلة منها تتسارع حتي اصبح يلهث بصوت عالي جعلها تتراجع عنه تشهق قائلة بخجل
=رحيم انتي صاحي صح ؟ فتح عينيه سريعا التي تشتعل فيهم النيران يميل فوقها قائلا بصوت اجش = من بدري يا عيون رحيم
اخفضت حور عينيها عنه قائلة
= انا ….
كنت … يعني اصل
اخذ رحيم يقترب منها حتي اصبحت شفايه تلامس شفتيها يهمس
= ايوه انا عاوز اعرف اصل دي بالظبط
وما ان كادت حور تفتح فمها لرد عليه حتي اخذ يقبلها بجنون وشغف كما لو كان لا يصدق انها حقا هنا بين ذراعيه فاخذ يبثها حبه من بين قبلاته يهمس لها بشغف
= بحبك ياحور مش متخيل نفسي في يوم اني اعيش بعيد عنك متعرفيش كلامك ليا انك مش عاوزة تكوني معايا عمل فيا ايه انا كنت بمـ,ـوت بالبطيء
امسكت حور بوجهه بين يديها التي اخدت بالارتجاف ترفع عينيها تنظر الي عينيه قائلة بارتعاش
= غصب عني يا رحيم مكنش ادامي حل تاني غير اللي عملته انا قبل ما اوجعك كنت بوجع نفسي حسيت ان كل الدنيا ضدي حتي اقرب الناس ليا
ما ان نطقت بهذه الكلمات حتي ابتعد رحيم عنها يجلس في الفراش معطيا ظهره لها ينفس بخشونة
= كل واحد فكر يأذيكي حتي ولو بكلمة هدفعه التمن غالي اوي و اولهم نرجس الكلب دي
اسرعت حور باحتضانه من ظهره تحاول اخراجه من غضبه ذلك لتقول بهدوء
= علشان خاطري يا رحيم بلاش تأذيها بحاجة دي مهما كانت ام اخواتي علشان خطرهم بلاش تعملها حاجة
التفت رحيم ينظر اليها
بدهشة
=بعد كل الي عملته فيكي عاوزة تسامحيها
هزت حور رأسها تعتدل في جلستها لتكون امامه تحدثه بهدوء
= مش هسامحها ابدا في حياتي بس مش هقدر اكون سبب في اذيتها وانا عارفة ان ده هيأثر علي اخواتي وابويا
لتنهض تستند علي ركبتيها تقترب منه تقبله برقه تهمس
= علشان خاطري يا رحيم بلاش اللي في دماغك
اغمض رحيم عينيه محاولا السيطرة علي مشاعره يهمس هو الاخر
= انا شايف انك بقيتي تعرفي تأثري عليا ازاي يا حور هانم
اسرعت حور تندس بين حنايا عنقه تضحك بدلال تهمس له
=بحبك يارحيم بحبك
اااوي
احتضانها رحيم بشده يهمس هو الاخر
=وانا بعشقك يا قلب رحيم وحاضر ياستي كل طلباتك اوامر
هتفت حور بفرحة
= بجد يارحيم !
وانا اوعدك انها مش هتيجي هنا تاني ولا هيكون ليها اي علاقة بينا
زفر رحيم بقلة حيلة
= مش عارف يا حور بس كان نفسي اربيها علي كل بلاويها بس معلش علشان خطرك انتي بس
صمت رحيم لثواني لترتسم الجدية فوق وجهه يتكلم ليتكلم بنبرة شديدة الحزم
=حور عاوز اتكلم معاكي وافهمك هنتعامل ازاي في الايام الجاية وتفهميني كويس علشان اقل غلطة هتضيع كل اللي ناوي اعمله
شعرت حور بالتوجس لتعدل في جلستها تنظر اليه بقلق
= انت ناوي علي ايه يا رحيم كلامك ده قلقني
رفع رحيم انامله يتلمس ملامحها برقة =متقلقيش يا
عيون رحيم انا بس عاوزك تسمعيني كويس
واخذ يتحدث اليها عما ينتاويه ومع كل كلمة يتحدث بها كانت عيونها تتوسع بانبهار السادس والثلاثون والسابع والثلاثون
اجتمعت كل افراد العائلة في حجرة المعيشة يتبادلان اطراف الحديث في مختلف المواضيع حتي التفت الحاجة وداد ناحية رحيم الذي كان يتبادل الحديث مع اخيه حمزة يجلس بجوارهم جمال صامتا تساله بقلق
= رحيم هي حور منزلتش معاك ليه هي تعبانة ولا حاجة
تغيرت ملامح رحيم الي القسوة ليلاحظ الجميع ذلك التغير ليتحدث قائلا بجمود =فوق مش هتقدر تنزل
وداد بقلق
= ليه تعبانة ولا حاجة انا هقوم اطمن عليها وهمت بالنهوض ليوقفها رحيم بخشونة
= متتعبش نفسك يا امي هي كويس انا اللي مانع انها تنزل وبعد كده الاكل يطلع ليها فوق هي مش هتخرج
من اوضتها ابدا
ساد الصمت والتوتر ارجاء الغرفة كادت سارة فيه ان تقفز علي قدميها ترقص من شدة فرحها تعلم بنجاح خطتها لترتسم السعادة والتشفي في عينيها التبادل النظرات مع جمال الجالس بهدوء فوق مقعده لاتظهر اي مشاعر فوق وجهه
نظرت وداد الي حمزة نظرة ذات مغزي تفهمها الاخير لتنحنح قائلا بتردد
= رحيم ايه رايك تجي معايا في المكتب ثواني
رحيم بجمود
= ملوش لازمة يا حمزة انا مش هفسر كلامي اكثر من كده حور مش هتخرج من اوضتها ابدا وياريت منتكلمش تاني في الموضوع ده
وما ان كاد ينهي حديثه حتي دخلت حور
الي الغرفة تقدم قدم وتأخر الاخري تلقي بتحية المساء بصوت متقطع متوتر وما ان رأها رحيم حتي هب علي قدميه يتجه اليها بعنف ممسكا بذراعيها بخشونة وشدة جعلتها تصرخ بالم تسمعه يصرخ بها
= ايه اللي نزلك انا مش منبه عليكي متتحركيش من اوضتك الا بأوامري
حور بتلعثم محاولة التظاهر بالقوة
= انا زهقت من القعدة لوحدي وبعدين انا مش شغالة عندك علشان تكلمني كده
راي الجميع رحيم وجهه يتحاول الي الاحمرار الشديد ليصيبهم القلق من ان يصيبه شيئ حتي صم اذان الجميع حين صرخ بجنون يشد حور من ذراعيها اليه بقوة
= شكلك كده عاوزة
تتربي من اول وجديد وانا اللي هربيكي يا حور
ثم جذبها خارجا بها من الغرفة بقوة يسحبها خلفه لتتعثر في خطواتها خلفه من شدة جذبه لها ليلحق به الجميع يهتفون باسمه محاولين ايقافه عما ينتاويه الا سارة التي وقفت تنظر الي ماحدث والتشفي يرتسم فوق وجهها ليقترب منها جمال يهمس لها بانتصار
= الظاهر اللي كنا عاوزينه حصل يابنت عمي
ظلت سارة بتلك الابتسامة علي وجهها تهمس الي نفسها
= اللي عاوزه انت حصل انما اللي انا عاوزاه انا لسه بدري عليه وشغلتي بقي اخليه يحصل
تجاهلت سارة حديثه اليها لتغادر سريعا للحاق برحيم حتي تري ما ينتوي فعله مع تلك الفتاة
ادخل رحيم حور الي داخل غرفة المكتب بعنف ثم التفت الي المجتمعين خارجها يصرخ بعنف
= مش عاوز حد يدخل بيني وبين مراتي واياك حد يدخل علينا المكتب
ثم اغلق الباب بعنف اهتزت له ارجاء القصر بعنف يقف امام الباب لبضع ثواني يتنفس بهدوء محاولا السيطرة علي اعصابه حتي وصل الي مسامعه ضحكة حور الخافتة ليفتح عينيه يراها تحاول جاهدة السيطرة علي نوبة الضحك التي اصابتها لتصاب تلك المحاولة بالفشل ليسرع اليها رحيم قائلا بتوتر محاولا اسكاتها
= هش يا حور اهدي كده هتبوظي كل اللي عملناه
حاولت حور التكلم لكن لم تستطيع لتظل علي حالة الضحك
التي تملكتها فلم يستطع رحيم فعل شئ لايقافها يقف مستسلما ينظر اليها بغيظ حتي قفزت فكرة خبيثة الي ذهنه ليسرع في تنفيذها يشدها اليه يقبلها بشغف وقوة لتتوقف فورا عن الضحك تقف بين ذراعيه بصدمة تحاول مقاومته سرعان ما تحولت تلك المقاومة للسكينة بين يديه تبادله قبلته بشغف هي الاخري لياخذهم الي عالمهم بعيدا عن كل ما حولهم حتي ابتعد رحيم ينفس بخشونة يهمس
=مجنونة وهتجننيني معاكي
ضحكت حور بدلال ليسرع رحيم بوضع كفه فوق شفتيها قائلا بخبث
= ايه حكايتك شكلك كده عوزاني اسكتك تاني بطريقتي
هزت حور كتفيها بدلال تدعي اللامبالاة لتهمس له باغراء حين
ابتعد بكفه عنها
= انا عن نفسي معنديش اي اعتراض علي الطريقة ابدا
نظر اليها بذهول يتنفس بخشونة
= انتي لو قاصدة تجننيني مش هتعملي اكتر من كده بس المشكلة انه جنانك ده جاي في الوقت الغلط
ليتنحنح بخشونة المفروض اني بعاقبك دلوقت بس مش العقاب اللي في دماغي دلوقت ليكي خالص
ضحكت حور مرة اخري لينظر اليها رحيم بغيظ فاسرعت بوضع كفيها فوق فمها تهز راسها بالايجاب ليهمس لها بخبث
= المفروض تخرجي بتعيطي من هنا وريني بقي هتعمليها ازاي
نظرت حور اليه بصدمة ليكمل حديثه ترتسم ابتسامة لئيمة فوق فمه
=واياكي
يا حور تضحكي ساعتها هتتعاقبي مني بجد
تصنعت حور الحزن تكتف ذراعيها فوق صدرها
= كده يا رحيم طيب انا زعلانة منك بجد
هتف رحيم بمرح
= ايوه ياريت تفضلي علي كده لحد ما تخرجي من هنا وليكي عليا ياستي لما نطلع اوضتنا اصالحك براحتي خالص
هزت حور كتفيها تقلب شفتيها باستهجان
= بس انا زعلانة بجد يا رحيم
همس رحيم مقتربا منها
_وانا هصالحك يا قلب رحيم ايه رايك بسهرة حلوة انا وانتي بس بشرط عاوز اشوفك بالفستان الاحمر تاني
تبدل وجه حور الي الشحوب الشديد فورا نطق رحيم بتلك الكلمات
ليلاحظ رحيم ذلك التغير ليسالها بقلق
= في ايه يا حور مالك
تلعثمت حور بالكلام
= اصل يعني …..يعني
ليسألها رحيم بشك
=ايه مش عاوزة تسهري معايا
اسرعت حور بالنفي تهتف بلهفة
= لاااا ابدا بس يعني …..
هتف رحيم بفروغ صبر
= في ايه يا حور اتكلمي
لتسرع بالكلام بقلق
= الفستان اتقطع ومبقاش ينفع يتلبس
