روح وريحان كامله

كنت بضحك عليك علشان تنفذ وعدك وتجيب الوديعة .. رد يوسف بنبرة محايدة بس الوديعة صعبة جدا .. ومحتاج مساعدتك فيها .. اختفت ابتسامتها وهي تقول مش راضي .. أجاب يوسف خالص .. تعرفي تتصرفي .. ردت سريعا عاوزة اكلمه .. أعطى الهاتف لباسل دون ان يتحدث .. فأخذه باسل محدثا ريم ايوة يا حبيبتي .. أجابت بصوت حزين باسل انا لو طلبت منك طلب هتنفذهولي .. رد بصوت حازم اعتبريه اتنفذ .. قالت بجزع

أي طلب هتنفذه .. يعني مش هترجع في كلامك .. أجاب بنفس الحزم وانا من امتى رجعت في كلامي معاكي .. قلتلك اعتبريه اتنفذ .. ارجع مع — يوسف .. قالتها بسرعة خشية التردد .. صمت لثوان ثم قال تم .. انتفضت بسعادة وهي تقول بجد .. بجد يا باسل هترجع .. صوتها الفرح يكفيه .. سعادتها التي يتمنى رؤيتها في عينيها الآن تكفيه .. ابتسم وهو يقول بجد يا حبيبتي .. انتهت المكالمة .. وابتسم يوسف وقد حقق هدفه .. يعلم أن باسل لن يرد ريم أبدا مثله تماما .. أقبل عليه يعانقه وهو يقول

حمد الله على سلامتك اخي العزيز .. ضحك باسل وهو يفتح ذراعيه قائلا دلوقتي اخوك العزيز .. عملت اللي في دماغك خلاص .. ابتسم يوسف قائلا قصدك عملت اللي في دماغك انت .. اختفت ابتسامة باسل وحل مكانها شجن غريب وهو ينظر ليوسف شاكرا .. حقا كان هذا مراده ولكنه كان يعجز عن فعله .. يبدو أن عليه مواجهة مشكلاته بنفسه .. الهروب ليس حل أبدا .. ربت يوسف على فخذه وهو يقول نحجز بكرة ان شاء الله ..

حملق فيه باسل قائلا انت ما صدقت بقى .. بكرة ايه .. لا طبعا خليها بعد يومين .. ع الاقل اكون خلصت ورقي في الجامعة وكمان مدرسة روح .. اتكل على الله انت بكرة علشان شغلك .. وانا احصلك بعد يومين .. رد يوسف لا رجلي على رجلك .. ثم انتفض واقفا فجأة وهو يقول شغلي انا ازاي نسيت كدة .. ثم اخرج هاتفه وأجرى مكالمة سريعة أنهاها بقوله

متشكر جدا وانا مش هتأخر عن 3 ايام ان شاء الله .. بس حاول حضرتك تاجل القضية اسبوع ع الاقل .. وانا ان شاء الله شكوكي في محلها .. بس هتاكد منها بس .. انتهت مكالمته .. ثم عاد ليجد باسل مع ابنته في عالم آخر ملئ باللعب والمرح .. ليجد باسل طفلا بريئا .. ليس برجل ناضج .. ولكن لم يجد مفر من مشاركتهم اللعب .. وانتهى مرحهم ليجدوا الغرفة انقلبت رأسا على عقب .. حينها قالت روح

يلا يا عمو .. بغير فهم أجاب يوسف يلا ايه .. أجابت بتلقائية يلا نرجع الاوضة زي ما كانت … نظر لها قائلا نعم .. ضحك باسل موجها حديثه لابنته وهو يقول تعالي يا حبيبتي احنا هنعملها .. اصل تيتا مدلعة عمو شوية … نظر لهما يوسف قائلا بقى كدة ..